Erməni saxtakarlığı artıq Rusiyanı da bürüməkdədir. Rusiyaya qarşı da ərazi iddiaları ilə çıxış edən ermənilər bu ölkənin hər vilayətində, hər şəhərində bir və bir neçə Qriqoryan kilsəsi, yəni şər yuvası tikməkdə davam edir. Rusiyanın elə bir ərazisi çətin tapılar ki, orada erməni kilsəsi tikilməsin. Onlar kilsəni tikir və ənənəvi olaraq saxtakarlıq kampaniyasına başayırlar ki, guya “qədim erməni kilsəsi”ni “bərpa” ediblər.
Ermənilər indi də Rusiya Federasiyasının Tümen şəhərində erməni kilsəsi açıb istifadəyə veriblər. “Armenpress”in yaydığı məlumata görə, Tümendə tikilən kilsəsyə “Müqəddəs Mesrop Maştoç kilsəsi” adı verilib. Erməni mediası yazır ki, kilsə Rusiya Erməni Apostol Kilsəsinin yeparxiyasının primatı və “Yeni Naxçıvan Ter-Ezras Nersisyan” (?) tərəfindən açılıb və təqdis edilib.
Hətta açılışda Tümen vilayətinin qubernatoru Aleksandr Mour, əyalət və şəhər hakimiyyət orqanlarının nümayəndələri, Ermənistan Respublikasının səfiri iştirak edib. Bu azmış kimi, kilsənin həyətində 44 günlük müharibədə öldürülən separatçıların xatirəsinə xaçkar da qoyulub, o xaçkarın da Ermənistandan aparıldığı yazılır.
Yazılanlara görə, Tümen “Müqəddəs Mesrop Maştoç” kilsəsi bu şəhərin sakini Suren Səfəryanın layihəsi əsasında tikilib.
Göründüyü kimi, ermənilər indi də Tümendə özlərinin yeni “dini mərkəzi”ni yaradır və ona da bir sıra mənbələrə görə, tarixdə yaşamayan, real şəxsiyyət olmayan bir uydurma adamın adı verilib. Tarixdə Mesrop Maştoç adlı insanın yaşamadığı deyilir. Amma erməni “mənbələr”i son illər mifik Mesrop Maştoçu ortaya atıb onu “əlifba yaradıcısı” kimi təbliğ edirlər. Amma faktlar göstərir ki, bu erməni uydurmasından başqa bir şey deyil.
“Erməninin əlindən saxtakarlqıdan başqa bir şey gəlmədiyi üçün qondarma bir ad üzərində kilsə açıb ki, gələcək nəsillərin başını qatsın”
AVCİYA-nın vitse-prezidenti, professor Məhərrəm Zülfüqarlı “Bakı-Xəbər”ə şərhində bildirdi ki, Tümendə erməni kilsəsinin açılmasına heç bir əsas yoxdur. “Bildiyiniz kimi, Uzaq Şərqdən tutmuş Volqa çayı daxil olmaqla Rusiyanın böyük bir ərazisi tarixi türk torpaqlarıdır. Bunu heç ruslar özləri də inkar etmirlər. Onlar etiraf edirlər ki, XVI əsrdə Volqa boyu Kazan xanlığını, ardınca Həştərxan xanlığını, sonra isə Sibir xanı Kuçum xanı məğlub edərək o əraziləri tutublar. Rus tarixçiləri öz əsərlərində bunu yazırlar. Nə qədər dəyişdirsələr də yenə də türk adları qalmaqdadır. Tümen türk sözü olan tümən sözündən götürülüb, bunu da ruslar inkar etmir. Tümen də qədim türk torpaqlarındandır. Qaldı erməni saxtakarlığına, bilirsiz ki, ermənilər vətəni olmayan xalqdır. Onlar hara gedib düşdülərsə oranı erməniləşdirmək istəyirlər, tarixi saxtalaşdırmağa başlayırlar. Konket olaraq ermənilərin Tüməndə (Tümen) kilsə tikməsi təxribatdır, bu birbaşa azərbaycanlıların nüfuzuna yönəlib. Bu kilsəni tikiblər və üstəlik də ona tarixdə mövcud olmayan qonarma bir ad veriblər. Bir məqamı yadınıza salım ki, tarixi türk şəhəri Tümenin azərbaycanlılarla sıx bağlılığı var, orada azərbaycanlılara böyük hörmət var. Bildiyiniz kimi, Sovet dövründə Fərman Salmanov Uzaq Şərqdə və Tümen ərazisində olan və hazırda Rusiyanın böyük xeyir götürdüyü neft yataqlarını kəşf edib. Bundan başqa, ümumilli lider Heydər Əliyev SSRİ Nazirlər Soveti sədrinin birici müavini olarkən Baykal-Amur Magistralının çəkiməsi, Tümen neft-qaz sənayesinin inkişafında müstəsna rol oynayıb. Erməninin əlindən saxtakarlqıdan başqa bir şey gəlmədiyi üçün qondarma bir ad üzərində kilsə açıb ki, gələcək nəsillərin başını qatsın. Bu onların tarix boyu işlətdiyi metoddur. Əvvəl bu metodlar gülüş doğurur, nəsillər dəyişəndən sonra onlar bu yalanı daha da şişirdirlər, hay-haray salıb yeni iddialar irəli sürürlər. Mənə elə gəlir ki, ermənidən daim alət kimi istifadə etdiklərinə görə Rusiyanın səlahiyyətli şəxsləri bu kilsənin açılmasında bir təhlükə görmürlər, amma yanılırlar, bu başlanan tendensiya bu ölkə üçün çox ziyanlı nəticə vəd edir. Rusiya rəhbərliyi unutmasın ki, Roma, Bizans, Osmanlı impersiyalarına xəyanət edən bu icraçı, əl buyruqçusu ermənilər artıq rus imperiyasına da xəyanət etməyə hazırdırlar. Necə ki, SSRİ-yə xəyanət edib onun dağılmasında fəal iştirak etdilər”-deyə bildirən M.Zülfüqarlı əlavə etdi ki, bu üsulla da ermənilər Rusiyanın ərazilərinə qarşı açıq iddia irəli sürə bilərlər. M.Zülfüqarlının fikrincə, ermənilər görürlər ki, Rusiya imperiyası dağılmağa doğru gedir, gələcəkdə Uzaq Şərqdə Çin möhkəmlənə bilər, bunlar da indidən bir gediş edirlər, məqsədləri gələcəkdə bu yerlərdən istifadə etməkdir: “Bu tam saxta bir hadisədir və erməni xalqının ən böyük bəlası elə saxtakarlıqdır. Tarixən özləri qazdıqları quyuya özləri düşüblər. Qədim türk torpağında tikdikləri kilsənin heç bir əhəmiyyəti olmayacaq. Dünya qloballaşır və indiki dövrdə heç bir saxtakarlığı gizlətmək mümkün deyil. Bu baxımdan onların saxtakarlığını ifşa etmək çox asandır”.
İradə SARIYEVA
