Naxçıvan Mətbuat Şurası Norveç Fonduna Nəsibovların işi barədə maraqlı müqayisə ilə cavab verdi

Tarix: 28.10.2014 / 06:25
Bölmə: Gündəm

"Ölkəmizə qarşı qərəzli mövqeyin təbliğatçılarından olan Norveçin Rafto fondu "QHT rəhbəri-jurnalist" kimi ictimaiyyətə sırımağa çalışdığı Məlahət Nəsibovanın istəyi ilə müraciət yayıb. Fondun müxtəlif ölkələrdə himayə etdiyi 12 "mükafatçısı"nın imzaladığı həmin müraciət isə öz utopik məzmunu ilə bu qəbildən olan digər qarayaxmaları kölgədə qoyur".
APA-nın xəbərinə görə, bu fikirlər Naxçıvan Muxtar Respublikası Mətbuat Şurasının Norveçin Rafto fondunun müraciətə cavab olaraq yaydığı məlumatda bildirilib. Qeyd olunub ki, Naxçıvan ictimaiyyəti və burada yaşayan sakinlər tərəfindən indiyədək jurnalist və ya hüquq müdafiəçisi kimi tanınmayan Məlahət və İlqar Nəsibovların yalan və böhtanları əsasında müraciət yaymış "laureatlar", şübhəsiz ki, Nəsibovların söz və mətbuat azadlığı sahəsindəki qanunlardan xəbərsiz olduqlarından, Azərbaycan jurnalistlərinin peşə davranışları qaydalarına əməl etmədiklərindən kifayət qədər məlumatlıdır: "Lakin bütün bunlara baxmayaraq, Rafto Fondu kimi mərkəzlər Nəsibovların "reket jurnalistika" ilə məşğul olmalarına haqq qazandırır, onların dəlil və sübutlar olmayan iddialarını müdafiə edir. İlqar Nəsibovun və onun yaxın dostu olmuş Fərid Əsgərovun qarşılıqlı şikayətləri əsasında yaxın günlərdə başlanacaq məhkəmə çəkişməsi ərəfəsində Rafto Fondunun elektron KİV vasitəsilə Azərbaycana qarşı absurd iddialarla dolu məlumat yayması bir daha ölkəmizə qarşı qərəzli təbliğat aparılmasından xəbər verir. Məlumatın məzmununda Rafto Fonduna İlqar Nəsibova qarşı amansız hücum törədildiyi haqqında məlumat gəldiyinin qeyd edilməsi bir daha onu göstərir ki, aparılan qərəzli təbliğatın aparıcı siması fond tərəfindən maliyyə vasitələri ilə təmin olunan Məlahət Nəsibovadır. Heç təəccüblü deyil ki, fond tərəfindən yayılmış məlumatda Məlahət Nəsibovanın ölkədəki "reket nəşrlərdə" səsləndirdiyi iddialar təkrar yer alıb. Naxçıvan MR Mətbuat Şurasının məsələ ilə bağlı apardığı araşdırma zamanı məlum olub ki, İlqar Nəsibovun iştirakçısı olduğu dava-dalaşla əlaqədar hüquq-mühafizə orqanları tərəfindən Məlahət Nəsibovanın müraciətdən dərhal sonra hadisə yerinə - Nəsibovların ofisinə baxış keçirilib, hadisənin araşdırılmasına başlanıb. Daxili İşlər Nazirliyinin araşdırmanın nəticələrinə dair verdiyi rəsmi məlumatından məsələnin heç də Nəsibovların iddia etdiyi kimi siyasi məcrada olmadığı məlum olub. Belə ki, hadisə əyyaşlıqla məşğul olan İlqar Nəsibovun sərxoş vəziyyətdə düşdüyü məişət zəminindəki mübahisənin nəticəsi olub. Onun təhqir edərək əlbəyaxa dava etdiyi və xəsarət yetirdiyi şəxs hazırda müxalifətdə olan Vətəndaş Həmrəyliyi Partiyasının təşkilat sədri olmuş Fərid Əsgərov isə Nəsibovlarla yaxın münasibətlərdə olub. Nəsibovların ofislərinin dağıdılması haqqında səsləndirilmiş fikirlər isə tam əsassız olub, bu günədək təsdiqini tapmayıb. İddiaların əksinə olaraq, İlqar Nəsibova hadisədən dərhal sonra ixtisaslaşmış tibbi yardım göstərilib, lakin sonradan o, Məlahət Nəsibova tərəfindən müalicədən təcrid edilib. Nəsibovların hərəkət azadlıqlarının məhdudlaşdırılması uydurmasına gəldikdə isə, ictimaiyyətin diqqətinə çatdırırıq ki, onlar istədikləri qədər xarici ölkələrdə və Bakı şəhərində olurlar. Misal üçün, Nəsibovlar 30 avqust - 1 sentyabr 2014-cü il tarixlərdə Türkiyə Respublikasında olublar. Sentyabrın 7-də İran İslam Respublikasına, daha sonra isə Bakı şəhərinə gediblər. Bundan başqa, Nəsibovlar sentyabrın 14-də "Milli Şura" adlı qurumun iclasında və sentyabrın 22-də müxalifətin aksiyasında iştirak etmək üçün Bakı şəhərində olublar. Özlərini demokratik dəyərlərin təbliğatçısı kimi qələmə verən raftoçuların İlqar Nəsibov haqqında onun əl və ayaq barmaqlarını qırdığı şəxs tərəfindən verilmiş şikayət əsasında başlanmış istintaqın ləğv edilməsi tələbini irəli sürməsini yalnız sayıqlama kimi qiymətləndirmək olar. Müraciətlərində əsası olmayan iddialar irəli sürmüş raftoçular bilməlidirlər ki, İlqar Nəsibovun şikayəti 92 nəfəri terror yolu ilə qətlə yetirib, 96 nəfəri isə yaralamış Norveç terrorçusu Andres Bering Breyvikin istintaqından daha şəffaf, daha ədalətli və daha səmərəli araşdırılıb. Öz "tələblərində" BMT haqqında xatırladan raftoçulara təkcə bir məqamı xatırlatmağı lazım bilirik: Ermənistanın Azərbaycana qarşı törətdiyi hərbi cinayətlər və işğalçılıqla bağlı BMT-nin qəbul etdiyi 822, 853, 874 və 884 saylı qətnamələr 20 ildən çoxdur ki, icra edilmir. Bu işğal nəticəsində qaçqın düşmüş 1 milyondan artıq insanın hüquqlarını müdafiə etmək üçün Norveç kimi dövlətlər, Rafto kimi qərəzli qurumlar və Nəsibovlar kimi qondarma hüquq müdafiəçiləri bu günədək heç bir fəaliyyət göstərməyib. Rafto və onun "qəhrəmanları" qərəzli mövqeyindən çıxış edərək Azərbaycanda azadlıq və demokratiyanın olmadığını iddia edib, orta əsr səlib təfəkkürü ilə qədim dövlətçilik tarixinə malik ölkəmizə qarşı "tələblər" irəli sürməsi cəmiyyət tərəfindən sadəcə gülüşlə qarşılanmaqdadır.
Naxçıvan MR Mətbuat Şurası Azərbaycan Respublikası qanunlarına hörmətlə yanaşılmasını, söz və mətbuat azadlığının verdiyi imkanlardan sui-istifadə edərək Naxçıvan Muxtar Respublikasına qarşı aparılan qarayaxma təbliğatın dərhal dayandırılmasını, belə fəaliyyətlərlə məşğul olan, başda Norveçin Rafto Fondu olmala, bütün qurum, təşkilat, yerli və xarici QHT və jurnalistlərdən tələb edir".

DİGƏR XƏBƏRLƏR

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...