Ramiz Mehdiyevin dini mühit təhlilinə də arqumentli dəstək gəldi

Tarix: 28.10.2014 / 01:29
Bölmə: Gündəm

"... Zaqataladakı radikallara qarşı keçirilən antiterror əməliyyatı zamanı bir nəfər nüfuzlu şəxs həmin rayonun polis rəisinin müavininə zəng vurub "çıxın, rədd olun gedin ordan" deyir"

Seyid Camal Əzimbəyli: "Hörmətli Ramiz müəllimin özü Şah İsmayılı təbliğ edən əsər yazdığı halda, bu tarixi şəxsiyyətimizi nalayiq ifadələrlə təhqir edən adam bu gün Azərbaycanın parlamentində oturub"

Məlum olduğu kimi, Prezident yanında Dövlət İdarəçilik Akademiyasının (DİA) 15 illik yubileyi münasibətilə Akademiyanın elmi şurasının iclasındakı çıxışında Prezident Administrasiyasının (PA) rəhbəri, akademik Ramiz Mehdiyev bir sıra aktual və xüsusilə də dövlətçiliyimiz üçün narahatlıq doğuran məsələlərə öz münasibətini bildirib.
R.Mehdiyev bildirib ki, Azərbaycan cəmiyyətində dinlə bağlı kifayət qədər mürəkkəb proseslər gedir. Akademik bununla mübarizə üçün ölkəmizdə kifayət qədər elmi, metodoloji informasiyanın olmadığını bildirib: "Bir tərəfdən, bu proseslər dünyada cərəyan edən iki tendensiyanı özündə cəmləşdirir. Məlumdur ki, müasir dövrdə biz fundamentalizm fenomeni ilə rastlaşırıq. Bu tendensiyanın tərəfdarları müsəlman, xristian və ya başqa bir dinin təmsilçiləri olmasından asılı olmayaraq iddia edirlər ki, öz dinlərinin ilkin, yəni fundamental anlayışına qayıtmaq lazımdır. Digər tərəfdən, dünyada bu gün özlərini bu və ya digər dinin tərəfdarı elan edən insanlar Allaha inanır, lakin məbədlərə, məscidlərə, dini qurumlara müntəzəm şəkildə getməkdən imtina edirlər. Digər tərəfdən, dinin cəmiyyətdə rolu ilə bağlı vaxtilə Marks, Dürkheym, Veber və digər alimlər tərəfindən yaradılmış nəzəriyyələr bugünkü dünyada cərəyan edən prosesləri kifayət qədər dürüst izah edə bilmir.
Bir misal gətirmək istəyirəm. Azərbaycandan bəzi cavanların "İslam dövləti" uğrunda mübarizəyə cəlb edilməsi və Suriyaya getməsi bizi çox narahat edir. Aydındır ki, külli miqdarda verilən məvaciblə kimisə şirnikləndirib vətənindən, ailəsindən ayıraraq uzaq Suriyaya göndərmək mümkündür. Lakin bu prosesi təkcə iqtisadi amillə əlaqələndirmək də, ən azı, sadəlövhlük olardı. "Nə baş verir" sualına isə biz, ilk növbədə, ona görə cavab tapa bilmirik ki, cəmiyyətdə cərəyan edən proseslər haqqında əlimizdə dolğun elmi məlumat yoxdur.
Belə misalların və sualların sayını istənilən qədər artırmaq olar".
R.Mehdiyev deyib ki, mədəniyyətlərin və sivilizasiyaların qovuşuğunda yerləşən ölkəmizdə həm ənənəvi cəmiyyətə xas olan elementlər, həm modern, həm də postmodern dövrünün əlamətlərini tapmaq mümkündür: "Cəmiyyəti, ictimai həyatı tədqiq etmək üçün, sözsüz ki, bugünkü cəmiyyətimizdə sosioloji sorğular aparılmalıdır. Lakin bunlar hansı metodika və metodologiya əsasında həyata keçirilməlidir? Burada etik, demoqrafik və digər meyarlar nə dərəcədə nəzərə alınmalıdır? Mən istərdim ki, bütün bu suallara biz sizinlə birlikdə cavab axtarıb tapaq. İlk növbədə ona görə ki, bu cavablar Azərbaycanın sabahkı inkişafını şərtləndirən və müəyyən edən taleyüklü məsələlərlə bağlıdır".
Dini fanatizmin yayılması ilə bağlı cəmiyyətdə cərəyan edən proseslər haqqında əlimizdə dolğun elmi məlumatların olmaması barədə iradları necə aradan qaldıra bilərik?
Şərqşünas Seyid Camal Əzimbəyli "Bakı-Xəbər"ə açıqlamasında bildirdi ki, Ramiz Mehdiyevin çıxışındakı məqamları bir neçə dəfə təkrarən oxuyub. Müsahibimizin sözlərinə görə, hörmətli Ramiz müəllimin narahatlığına əsas olduğu üçün, həmin fikirlərə böyük önəm verilməlidir: "Ramiz müəllim "Niyə belə olub" sualı ilə müraciət edir. Mən bunun sirlərini bilirəm. Bilirəm ki, kimdir Azərbaycanda stabilliyin pozulmasında maraqlı olanlar, kimdir təkfirçilərə maliyyə dəstəyi verənlər. Çağırsınlar soruşsunlar, bir-bir deyim. Heç öz təhlükəsizliyimə də təminat istəmirəm. Hörmətli Ramiz müəllimin özü Şah İsmayılı təbliğ edən əsər yazdığı halda, bu tarixi şəxsiyyətimizi nalayiq ifadələrlə təhqir edən adam bu gün Azərbaycanın parlamentində oturub. Dövlət bu cür adamların ifşa olunmasına dəstək verməlidir. Bu gün dövlətdən bəhrələnən, lakin terrorçulara, dini radikalizmin yayılmasına açıq dəstək verən nankorlar var. Nə qədər ki, həmin güc mərkəzləri ifşa edilməyib, çəkinmədən deyirəm, 3-5 ildən sonra bizi İraqın, Suriyanın aqibəti gözləyir. Təbiidir ki, elmi faktların, gözəl əsərlərin meydana çıxmasına bu amillər mane olur. Dini radikalizmə yaxın olan şəbəkə o qədər böyüyüb ki, istədiyi prosesi yönləndirə bilir. Görün vəziyyət nə yerə çatıb ki, Zaqataladakı radikallara qarşı keçirilən antiterror əməliyyatı zamanı bir nəfər nüfuzlu şəxs həmin rayonun polis rəisinin müavininə zəng vurub "çıxın, rədd olun gedin ordan" deyir". Bütün bu faktlar araşdırılsa, biz problemi kökündən həll edə bilərik".

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...