Azərbaycanın futbol millisinə "dumanlı" məsləhət...

Tarix: 22.10.2014 / 03:31
Bölmə: Gündəm

Bəlkə dumanlı günə salıb meydana 11 əvəzinə 16 oyunçu buraxaq?

Bizim komanda "Neftçi"
Öz evində xoruzdur,
Başqa yerə gedəndə
Başı aşağı donuzdur.
Bu misralar ötən əsrin 70-ci illərində Azərbaycanın idman şərəfini qorumalı olan "Neftçi" komandası barəsində "Kirpi" satirik jurnalında yer alan yazıda verilmişdi. Yanlış anlamayın, o zaman "xoruz" kəlməsi yaxşı anlamda işlənirdi və o deməkdi ki, sözügedən komanda öz stadionunda əsl xoruz (pardon) kimi döyüşərək qələbə qazana bilir, başqa yerə gedəndə isə məlum məxluq timsalı başını aşağı salaraq...ölkənin də başını aşağı edir. Buna psixoloji təsir deyənlər tapılsa da, sovet futbolunun tarixində yaşanan bəzi olaylar öz "pole"sində qələbə qazanmanın fırıldaq tərəflərinin də olduğundan xəbər verir. Konkret həmin illərdə baş vermiş olayı, bəlkə də, xatırlayanlar tapılar. Belə ki, 1926-cı ildə Moskvada bu ölkənin "Spartak" komandası ilə İspaniyanın "Madrid" komandası arasında futbol yarışması keçirilir. Qüvvələr nisbətindəki fərqin onların xeyrinə olmadığını görən "Spartak"ın məşqçisi havanın dumanlı olmasından istifadə edərək meydançaya 11 əvəzinə 16 oyunçu buraxır və təbii ki, qalib gəlir. Heç bir şeydən şübhələnməyən "Madrid" komandası isə rus ayısının "qonaqpərvərliyindən" məyus halda ölkəsinə dönür...
Bu günlərdə Azərbaycan millisinin Xorvatiyada yaşadığı biabırçı məğlubiyyət hələ də medianın və sosial şəbəkələrin gündəmindən düşmür. Əcəba, deyirəm bəlkə xorvatların da qanının arasına duman girib? Yoxsa Azərbaycan millisi o qədər ölü oldu ki, xorvatlar qapısından 6 qol keçirərək onu "suxoy" apardı? Özü də bu biabırçılığın masştabı o qədər böyük oldu ki, millimizin millilikdən uzaq və millətə yad məşqçisi Berti Foqts da onu çəkə bilməyib, papağını (əslində papaq məsələsi bir qədər qəliz oldu) götürüb ölkədən getməli oldu. Məncə, ona bir fürsət verilməli idi ki, xorvatları Bakıya münasib təbiət hadisəsi baş verən ərəfədə dəvət edib bu biabırçılığın bədəlini ödətsin. Düzdür, Bakıda duman o qədər çox olmur, "za to" gül kimi dəlisov milli küləklərimiz var! Yığ onları stadiona, külək Bakının milli toz-torpağını doldursun gözlərinə, sən də işini gör, millimizin "blatı" qalxsın! Nəyi pisdir? Hələ leysan yağışlarını demirəm. Kim kimədir, oyunçuları palçığa bulaşdırıb çıxar stadiona, döşə xorvatlara! Bütün bunlar ona görə yaşandı ki, biz SSRİ adlı eks vətənimizin futbol tarixini bilmirik. Halbuki, bu şanlı tarixin gör necə "parlaq" səhifələri var! Nə isə, keçənə güzəşt deyərlər, yəqin ölkədən quyruğunu qısıb (pardon) qaçmaq da Foqtsun alın yazısı imiş. Amma məncə, pis təkliflər deyil, bəlkə millimizin yeni məşqçisi, hörmətli Mahmud Qurbanova məsləhət görəsiz bu təkliflərdən yararlansın? Axı millimizin "xorvatvari" qələbəsi hələ heç üfüqdə də görünmür... Həəə... Üfüq hələlik dumanlıdır... hələlikmi?..

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...