Mətbuat Şurası Gəncədə Azərbaycan ədəbi dili problemləri ilə bağlı Dəyirmi Masa keçirib

Tarix: 28.10.2014 / 02:55
Bölmə: Gündəm

Gəncədə "Mətbuatda Azərbaycan ədəbi dilinin qorunması: problemlər və perspektivlər" mövzusunda Dəyirmi Masa keçirilib. Mətbuat Şurasının Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun maliyyə yardımı ilə reallaşdırdığı "Azərbaycanın mətbuat məkanında ədəbi dilin qorunmasına dəstək" layihəsi çərçivəsində baş tutmuş tədbirdə, Gəncə ilə yanaşı, ətraf bölgələrdə fəaliyyət göstərən kütləvi informasiya vasitələrinin təmsilçiləri də iştirak edib.
Toplantını giriş sözü ilə Gəncə Şəhər İcra Hakimiyyətinin ictimai-siyasi və humanitar məsələlər şöbəsinin müdiri Həsən Məmmədov açaraq şəhərdə fəaliyyət göstərən media orqanları ilə bağlı məlumat verib. Şuranın gerçəkləşdirdiyi layihənin əhəmiyyətinə toxunan H.Məmmədov ana dilinin qorunması işində bütövlükdə cəmiyyətin mütəşəkkillik göstərməsinin vacibliyini əsaslandırıb.
MŞ sədri Əflatun Amaşov bildirib ki, rəhbərlik etdiyi qurum Azərbaycanın media məkanında ədəbi dilin qorunması məsələlərinə daim diqqət yetirir. Şura müxtəlif illərdə mövcud istiqamətdə təşəbbüslər reallaşdırıb. Bu baxımdan mətbuat orqanlarının monitorinqi mühüm əhəmiyyət daşımaqdadır. "Monitorinq Mətbuat Şurasının müvafiq təlimatına əsasən aparılır. Burada leksik, qrammatik, üslub pozuntularına diqqət yetirilir. Eyni zamanda, müxtəlif maarifləndirici tədbirlərlə medianın dil məsələlərinə önəm verməsinin vacibliyi diqqətə çatdırılır. Hazırkı layihə fəaliyyətimizi daha da intensivləşdirmək baxımından əhəmiyyət daşıyır. Eyni zamanda, layihə Azərbaycan dövlətinin dil məsələlərinə həssas münasibətinin göstəricisidir. Məlum olduğu kimi, Azərbaycan Respublikası Prezidentinin 9 aprel 2013-cü il tarixli Sərəncamı ilə "Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı" qəbul edilib. Proqram məsələyə fundamental yanaşma baxımından son dərəcə faydalıdır. Orada Azərbaycan Mətbuat Şurasının da üzərinə icra məsuliyyəti düşür. Buna görə də qurum həm monitorinqlərini davam etdirir, həm də müxtəlif maarifləndirici tədbirlər həyata keçirir" - deyə o əlavə edib.
MŞ İdarə Heyətinin üzvü, "İki sahil" qəzetinin baş redaktoru Vüqar Rəhimzadə çıxışında layihənin əhəmiyyətinə nəzər salaraq ana dilinin qorunması ilə bağlı proseslərin daim nəzarətdə saxlanmasının zəruriliyini vurğulayıb. Xüsusən də yeni yaranmaqda olan internet media vasitələrində dil xətalarının çoxluğuna diqqət çəkən V.Rəhimzadə bildirib ki, belə hallara münasibətdə ictimai qınaq tədbirləri artırılmalıdır. Baş redaktor eyni zamanda vurğulayıb ki, bu sayaq toplantılarda KİV nümayəndələri tərəfindən səslənmiş təkliflər Milli Məclisin müvafiq komitəsinə təqdim edilməlidir.
MŞ-nin KİV-lərin ana dilinə riayət etməsi sahəsində həyata keçirdiyi monitorinqin qrup rəhbəri, "Xalq qəzeti"nin şöbə müdiri İlham Abbasov çıxışında mediada ana dilindən istifadə ilə bağlı bir sıra xarakterik pozuntu hallarına diqqət çəkib. Bunların doxsan faizinin üslubi və qrammatik pozuntulardan ibarət olduğunu deyən İ.Abbasov konkret nümunələr üzərində də dayanıb. O, eyni zamanda, pozuntu faktlarını doğuran məqamlardan da bəhs edib. Bu mənada qəzetçilik texnologiyasına bələd olmama, qələmə alınan sahədən xəbərsizlik hallarını və sair problematik cəhətləri vurğulayıb.
"Gəncənin səsi" qəzetinin baş redaktoru Rəfiqə Sadıqova bir sıra xarici dillərdən Azərbaycan dilinə sözlərin daxil olduğunu bildirərək KİV-lərin əsasən həmin sözlərdən istifadəyə maraq göstərdiyini qeyd edib. Halbuki, Azərbaycan dilinin imkanları genişdir. R.Sadıqova da çıxışında bu kimi hallara qarşı təsir mexanizminin həyata keçirilməsini vacib sayıb.
Yevlaxda nəşr olunan "Kür" qəzetinin baş redaktoru Əminə Yusifqızı mətbuatda, eləcə də digər sahələrdə ana dilinin norma və tələblərinin pozulmasına qarşı ictimai qınağın artırılmasının vacibliyindən söz açıb və təklif edib ki, dil xətalarına mütəmadi yol verən media orqanlarının adları cəmiyyətə açıqlansın.
Çıxış edənlərdən MŞ-nin icraçı katibi Rəhim Hüseynzadə, "Yeni Gəncə" qəzetinin baş redaktoru Süsən Tağıyeva, "İnteraz" TV-nin bölgə müxbiri Qalib Rəhimli və başqaları ana dilindən istifadə sahəsindəki pozuntulara qarşı cəmiyyətin yekdil reaksiyasını formalaşdırmağa ehtiyacın duyulduğunu vurğulayıb.
Sonda çıxış edən MŞ sədri Əflatun Amaşov tədbirin təşkilində göstərdiyi köməyə görə Gəncə şəhər rəhbərliyinə təşəkkürünü bildirib.

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...