Türkiyə 2-3 gün ərzində Suriyanın şimalında, Mənbic bölgəsində PKK-nın Suriya qanadı və PYD/YPG-yə qarşı yeni hərbi əməliyyatlara başlayacaq.
“Trend”in məlumatına görə, bunu Türkiyə Prezidenti Rəcəb Tayyib Ərdoğan bəyan edib.
Dövlət başçısı qeyd edib ki, Suriyadakı terrorçuların arasında amerikalı əsgərlər də var:
"ABŞ Türkiyəyə PKK-nın Suriya qanadı və PYD/YPG-ni dəstəkləməyəcəyinə söz versə də, rəsmi Vaşinqton vədinə xilaf çıxdı".
Baki-xeber.com xəbər veri ki, Suriyanın şimalında, Türkiyənin isə cənubunda yerləşən ərazilərdə terror dəhlizi yaratmağa çalışıldığını xatırladan Ərdoğan vurğulayıb ki, bu ərazilərdə hökm etmək istəyənlərin terrorçu olduqları dəlillərlə sübut edilməsinə baxmayaraq, başda ABŞ olmaqla Türkiyənin strateji müttəfiqləri bunun əksini iddia edirlər. Ancaq bütün dəlillər göstərir ki, “YPG” terror təşkilatı PKK-nın Suriyadakı qruplaşmasıdır.
Suriyanın şimalında, separatçı terror təşkilatı YPG/PKK ilə yanaşı addım atan, əməkdaşlıq edən ABŞ-I tənqid edib prezident, Trampa da müraciət edib. “Terrora qarşı mübarizədə Türkiyə ilə güclü əməkdaşlıq edilmədiyi üçün Mənbicdə hələ də arzu edilən nəticə əldə edilməyib. Cənab Tramp 30 gün ərzində bunları təmizləyəcəklərini deyərək aldadıcı siyasətini davam etdirir. Bölgədəki terrorçulara təlim keçirlər. Bu xarici media tərəfindən də işıqlandırılıb. Ancaq buna baxmayaraq, ABŞ bunu inkar edir. Suriyada artıq DEAŞ deyə bir təhdid yoxdur. Buna əksi iddialar nağıldan ibarətdir. Fəratın şərqi separatçı terror təşkilatından təmizlənməlidir. Bununla əlaqədar hazırlıqlarımız davam edir. Bir neçə gün ərzində bölgədə hərbi əməliyyata start verə bilərik” - deyə Ərdoğan vurğulayıb.
Onu da xatırladaq ki, Ərdoğanın bəyanatından sonra Türkiyə ordusu Suriya ilə sərhədə hərbi qüvvə yığmağa başlayıb.
