Fironların qızıl paradı - 18 firon, 4 kraliçanın mumiyaları Qahirənin mərkəzindən keçdi...

img

Misirin paytaxtı Qahirə şəhəridə 22 fironun mumiyalarının daşınma mərasimi keçirilib.

Sputnik Azərbaycan xəbər verir ki, mumiyalar Misir Milli Muzeyindən Qahirə ətrafında yerləşən Fustat rayonunda yeni tikilən Sivilizasiya Muzeyinə çatdırılıb. Ümumilikdə kortej beş kilometr yol qət edib. 

Korteji atlılar, qədim Misir geyimində olan insanlar müşayiət ediblər. Qahirə şəhərinin mərkəzi ilə daşınan mumiyaların içində 18 firon və dörd kraliçanın, o cümlədən II Ramzes, III Tutmos, I Set və Kraliça Hatşepsutun mumiyası olub.

Daşınma zamanı mumiyalar azotla doldurulmuş xüsusi qutulara yerləşdirilib. 

Yeni muzeydə eksponatlar aprelin 18-dən nümayiş olunacaq.

Ölkənin turizm naziri Haled əl-Ənani mərasimi "Misirdə son illər ərzində ən böyük mədəni hadisə" kimi qiymətləndirib. Sosial şəbəkələrdə hadisəni "fironların qızıl paradı" adlandırıblar.

Son xəbərlər