Şimali Kipr Türk Cumhuriyyətinin prezidenti Ersin Tatar keçmiş Baş nazir Osman Örekin ölümünün 22-ci ildönümü ilə bağlı mesaj yayımlayıb.
Baki-xeber.com-un xəbərinə görə, prezident mesajında “Vəkil, millət vəkili, nazir, baş nazir, Məclis başqanı olaraq həyatını Kipr xalqının mücadiləsinə həsr edən Osman Öreki vəfatının 22-ci ildönümündə rəhmət və hörmətlə anıram”- deyə bildirib. Mesajında Rum liderliyinin Enosis mücadiləsini kəskinləşdirdiyi bir dövrdə Osman Örekin Kipr Türk xalqının qürur və şərəfini qorumaq üçün mücadiləyə atılan liderlərdən olduğunu bildirən Tatar “Dr. Fazıl Küçük və Rauf R. Denktaşla bir sırada dayanan Osman Örek beynəlxalq arenada da haqq davamızın müdafiəsində önəmli vəzifələrə imza atdı. Xalqımızın bərabərliyi, müstəqilliyi, Rum azlığında qalmaması və insan kimi yaşaması Örekin ən böyük ideallarıydı. Son nəfəsinə qədər də bu ideallar uğrunda mücadilə etdi”- deyib. ŞKTC prezidenti bildirib ki, Osman Örek 1959-cu ildə London konfranslarında Dr. Fazıl Küçük ve Rauf R. Denktaşla birlikdə Kipr Türk xalqını təmsil edərkən Kipr Cumhuriyyətinin Quruluş Anlaşmalarını hazırlayan London Komitəsində Türk Toplumu Heyətinə rəhbərlik edib. “Kipr Cumhuriyyəti dönəmində Müdafiə naziri vəzifəsində olan Osman Örek Enosis hədəfli qanlı Yeni il hücumlarının ardından təsis edilən Ümumi Komitədə yer alaraq BMT ilə əlaqələri davam etdirdi. Avtonom Kipr Türk İdarəçiliyi və daha sonra Kipr Türk Federal Dövlətində Nazir müavini, Baş nazir və Məclis başqanlığı vəzifələrini tutan Örek ŞKTC-nin elanından sonra Qurucu Məclisdə vəzifə tutdu”- deyən Tatar bildirib ki, uzun illər boyunca hər cür fədakarlığa gedərək xalqının milli savaşına xidmət edən Osman Örekin ideallarının ayaqlar altına düşməsinə imkan verməyəcəyik.
“Türkiyənin zəmanəti ilə Türk əsgərindən vaz keçməyəcəyik. Osman Örek mücadiləsi, idealları və xatirəsilə xalqımızın qəlbində yaşamağa davam eəcək. Ruhu şad olsun” – o deyib.
SAMİRƏ
