Çimali Kipr Türk Cumhuriyyətinin Prezidenti Ersin Tatar Yunanistan Baş naziri Kiriakos Miçotakis və Yunanistan Prezidenti Nikos Anastasaidislə birgə mətbuat konfransında Kipr məsələsilə bağlı verilən açıqlamaları dəyərləndirib.
Baki-xeber.com-un xəbərinə görə, Prezident Ersin Tatar yazılı açıqlamasında Kipr məsələsi ilə əlaqədar 5+ BMT formatının qeyri-rəsmi iclasının keçirilməsi cəhdləri davam edərkən tapılacaq həll modeli ilə bağlı Kipr Türk tərəfinin mövqeyinin qətiyyətlə qorunduğunu və bu mövqedən geri addım atılmayacağını vurğulayıb. "Qərarlılığımız xalqımızın siyasi bərabərliyi, suverenliyi, Türkiyənin fəal və faktiki təminatı ilə Türk ordusunun Kiprdəki varlığını qorumaq, xalqımızı azlıq statusuna endirməmək üçün real çarə olan iki suveren dövlət modelini həyata keçirmək yönündədir" ifadələrini dilə gətirən Tatar Türk tərəfinin bu çabaları davam edərkən Kipr Rum-Yunan cütlüyünün həll əleyhinə səylərinin davam etdiyini bildirib. Bunun ən son nümunəsinin Yunanıstan Baş naziri Kiriakos Miçotakisin Cənubi Kiprə səfəri zamanı yaşandığını bildirən Tatar deyib: "Yunanistan Baş naziri Kiriakos Miçotakis və Yunanistan Prezidenti Nikos Anastasaidisin birgə mətbuat konfransında verdiyi açıqlamalar bir daha Yunan-Rum zehniyyətinin dəyişmədiyini və dəyişməyəcəyini ortaya qoydu. BMT Baş Katibinin qeyri-rəsmi 5 + BMT iclasına hazırlaşdığı bir vaxtda Yunan-Rum tərəflərinin Kipr Türk tərəfinə və Türkiyəyə yönəlik gerçəklikdən uzaq ittiham və suçlamaları aparılan danışıqları dalana dirəmək iqtidarındadır.
Kipr Rum lideri Nicos Anastasiades 1960-cı il zəmanət sistemini hədəf alarkən Türkiyənin zəmanəti və Türk əsgərlərinin Kiprdən çıxarılmasını da əhatə edən bir həll hədəflədiklərini dedi. Anastasiadisin bu açıqlaması Kipr Rum tərəfinin hədəflərinin dəyişmədiyi, 1962-ci ildən Türkiyənin zəmanətçi rolunun qaldırılması çabalarının günümüzə qədər davam etdiyinin göstəricisidir. Çünki çox yaxşı bilirlər ki, Türkiyənin zəmanəti və Türk əsgərinin adada mövcudluğu davam etdikcə məqsədlərinə çata bilməyəcəklər. Yunanistan Baş naziri Kiriakos Miçotakis isə Türkiyəni “işğalçılıqda” suçlamaqla gerçək işğalçını gizlətməyə çalışdı. Gerçək işğalçı isə Kiprdə EOKA terror təşkilatını quran, Akritas Planı istiqamətində Kipr Türk xalqını məhv etmək üçün başladılan Yunan hücumlarını dəstəkləyən və təşkil edən və 15 İyul 1974 çevrilişini təşkil edən Yunanıstandır. Türkiyə Barış hərəkatı ilə Bütün adaya əminamanlıq gətirdi. Adada Türkiyənin zəmanəti ilə Türk əsgərlərinin varlığı Kipr Türk xalqının ən böyük zəmanəti və qırmızı xəttidir. Kipr Türk xalqı heç vaxt Türk ordusundan və Türkiyənin qarant statusundan imtina etməyəcək”.
Bütün müzakirələr boyunca Yunan-Rum cütlüyünün Türkiyənin və Türk ordusunun Kiprdən çıxatılmasına çalışdığını bildirən Tatar son olaraq Mont Pelerin Crans Montana danışıqlarında "sıfır ordu-sıfır zəmanət" israrı və Yunan-Rum tərəfinin Kipr türklərinin suverenliyini qəbul etməməsinin bu görüşmənin çökməsinə səbəb olduğunu bildirib. İstək və səylərinin Yunan zehniyyətini dəyişmək, Kiprə və bölgəyə sülh gətirəcək iki suveren dövlətə əsaslanan həll modelini qəbul etmək olduğunu vurğulayan Şimali Kipr Prezidenti bunun Kipr probleminin həlli üçün ən real variant olduğunu deyib və bu yolda getməyə davam edəcəklərini vurğulayıb.
SAMİRƏ
