Milli Birlik Partiyasının (UBP) rəhbəri, Baş nazir Ersan Saner Birləşmiş Millətlər Təşkilatını Yunanıstan lideri Anastasiadisi iki dövlətli bir həll yoluna təşviq etməyə çağırıb.
Baki-xeber.com-un xəbərinə görə, Baş nazir Saner iki suveren bərabər xalqın və iki ayrı dövlət fenomeninin Kiprdə davam edən bir gerçək olduğuna işarə edərək, “Birləşmiş Millətlər Təşkilatının suveren bərabər dövlətlər arasında razılaşma və işbirliyinə gətirməyən mövqedən imtina edərək gerçəklikdən çıxış etməsi yeni yanaşmaların təmin olunmasına töhfə verəcək” deyib. Birləşmiş Millətlər Təşkilatı Baş katibinin Kipr məsələləri üzrə müvəqqəti Xüsusi müşaviri Jan Holl Lutun Kiprdə bu gün başlayacaq yeni təmasları ərəfəsində açıqlama verən Ersan Saner daha sonra deyib ki, 1968-ci ildən bəri Kipr mövzusunda yüzlərlə danışıqlar aparılıb, bir çox fikir və sənədlər irəli sürülüb, lakin Yunan tərəfinin adanı Yunan hegemonluğunda saxlama xəyalı səbəbilə heç bir nəticə əldə olunmayıb.
Yunan tərəfinin federasiya istədiyini deyərkən əslində Kiprin Türk xalqı yaşayan hissəsini bir avtonom bölgə halına gətirmək niyyəti güddüyünü xatırladan Saner qeyd edib ki, 2017-ci ildə Yunan tərəfi Türkiyəni Kiprdən çıxarmaq niyyətini Crans Montanada bir daha qəti şəkildə bəlli etdi ki, nəticədə Şimali Kipr Türk Cumhuriyətinin prezidenti Akıncı Rumlarla federal çözüm anlaşmasının mümkün olamadığını açıqlamaq durumunda qaldı.
Saner bildirib ki, o gündən bəri həm Akıncı dövründə, həm də sonra edilən təmaslar Yunan düşüncəsində ən kiçik bir dəyişikliyin olmadığını göstərdi.
O deyib ki, Birləşmiş Millətlər Təşkilatının bu nöqtədə etməli olduğu şey Anastasiadisi hakim Yunan zehniyyətinin dəyişdirilməsinə ciddi bir töhfə verməsi üçün iki dövlətli bir həll mövzusunda təşviq etməkdir.
Türkiyənin xarici işlər naziri Mövlud Çavuşoğlu da son açıqlamasında açıq şəkildə bildirib ki, məsələnin çözümü üçün göstərilən səyləri görməzdən gəlmələr illərdir federasiya yığıncağına girmək üçün vaxt itirməkdən başqa bir şey olmayacaq.
Ersan Saner deyib ki, prezident Ersin Tatarın Birləşmiş Millətlər Təşkilatının Baş katibinə yazdığı cavab məktubunda qeyd etdiyi kimi, BMT həqiqətən adada bir razılaşma əldə etmək istəyirsə, açıq düşüncəli iki dövlətə əsaslanan suveren bərabərlik və əməkdaşlıq formuluna yaxınlaşmalıdır.
O ümid etdiyini bildirib ki, Birləşmiş Millətlər bu yeni səylərində keçmişin təcrübəsi ilə daha real olacaq və Kipr məsələsinə öz töhfəsini verəcək.
SAMİRƏ
