ABŞ-da 59-cu prezident seçkilərində Demokratlar partiyasından namizəd Cozef Bayden qalib gəlib. Beləliklə ABŞ-ın 46-cı prezidenti Bayden oldu. Bayden həm də Amerika tarixində ən gənc senator və ən yaşlı prezident statusunu daşıyır.
Cozef Bayden kimdir?
Əsl adı Cozef Robinette Baydendir. Bayden 20 noyabr 1942-ci ildə Pensilvaniyada İrlandiya mənşəli katolik ailəsində anadan olub.
1953-cü ildə ailəsi ilə Delaver ştatının Klaymont şəhərinə köçüb. Hüquq təhsili alıb və vəkil kimi hüquq firmasında işləyib, siyasətə çox erkən yaşlarda girib. Amerika tarixində altıncı ən gənc senatordan biri olub. Bayden, 30 yaşında Delaverdə senator seçilib.
Bayden 36 il - 1973-cü ildən 2009-cu ilədək Delaver ştatının senatoru olub.
Həyatını dərindən təsirləndirəcək faciəli hadisəni də elə o vaxtlar yaşayıb. Bayden ailəsi Milad bazarlığına çıxarkən avtomobil qəzasına düşüb və həyat yoldaşı Neilia və bir yaşlı qızı Naomi ölüb. Oğulları Beau və Hunter ağır yaralanıb.
Bayden, ilk senatorluq andını da qəzadan 18 gün sonra oğlanlarının müalicə aldığı xəstəxana otağında içib.
Bayden, 1977-ci ildə qəzadan təxminən 5 il sonra ikinci də ailə qurub və bir qızı dünyaya dünyaya gəlib.
Bayden nə az nə çox düz altı dəfə Senata üzv seçilib. 1973-cü ildən 2009-cu ilədək 36 il Delaverdən Demokratlar Partiyasının senatoru olub. Təxminən 30 il Xarici Əlaqələr Komitəsinin üzvü və rəhbəri olub.
Bayden ilk dəfə 1988-ci ildə prezidentliyə namizədliyini ortaya qoyub. Lakin Demokratlar Partiyasındakı namizədlik yarışında, o zamankı İngilis İşçi Partiyasının lideri Neil Kinnockun çıxışından oğurladığı ortaya çıxdıqda namizədlikdən geri addım atıb.
20 yanvar 2009-cu ildə prezident seçilən Obamanın yanında ABŞ-ın vitse-prezidenti vəzifəsinə başlayıb və səkkiz il bu vəzifəni tutub.
2020-ci ildə Demokratların prezidentliyə namizədi olaraq, ABŞ prezidenti seçkilərində hazırkı prezident Donald Trampla rəqib oldu. Əslində Demokrat Partiyası daxilində onun prezidentliyə namizədliyi 2013-cü ildən bəri səsləndirilir. Ancaq, Bayden 2015-da yenidən övlad acısı ilə sarsılıb. Böyük oğlu Beau Bayden 46 yaşında beyin xərçəngindən ölüb. Bayden isə namizədlik kitabını bağlayaraq Ağ Evi tərk edib...
Beş il sonra Bayden yenidən siyasətə dönür və bir müddət sonra Demokratlar Partiyasında namizədlik yarışının favoriti olur. Trampı məğlub edə biləcək ən güclü siyasətçi kimi Demokratlar Partiyasının prezidentliyə namizədi seçilib.
TAHİR
