27/10/2020 22:03
728 x 90

“Çözümün önündəki yeganə əngəl Rum tərəfinin kompromissiz, barışmaz və şıltaq davranışıdır" - Rəcəb Tayyib Ərdoğan

img

Türkiyə prezidenti Rəcəb Tayyib Ərdoğan Birləşmiş Millətlər Təşkilatının (BMT) Baş Assambleyasına videomüraciət edib.

Baki-xeber.com-un xəbərinə görə, videomüraciətdə Şərqi Aralıq dənizi mövzusuna da toxunan Ərdoğan deyib: "Şərqi Aralıq dənizindəki gərginliyin arxasında "qazanan hamısını alır" fikrilə fəaliyyət göstərən ölkələr durur. Ölkəmizi kənara atma niyyətilə atılan faydasız addımların uğur qazanmaq şansı qətiyyən yoxdur”.

Türkiyənin istər Şərq Aralıq dənizi bölgəsində, istərsə də digər bölgələrdə kimsənin haqqında, hüququnda və qazancında gözü olmadığını deyən Ərdoğan "Lakin biz həm də ölkəmizin və Kipr Türklərinin hüquqlarının pozulmasına, onların maraqlarının nəzərə alınmamasına yol verə bilmərik. Bu gün regionda mövcud problemlərin səbəbi Yunanıstan və Cənubi Kiprin 2003-cü ildən bəri maksimalist tələblərlə atdığı birtərəfli addımlardır. Türkiyə Şərqi Aralıq dənizi regionunda hər hansı mənfi gəlişmənin yükünü təkbaşına çəkən ölkədir. Buna qarşılıq regionda təbii ehtiyatlardan söhbət getdikdə ölkəmizin yox sayılması nə vicdan, nə də beynəlxalq hüquq normaları ilə izah edilə bilər. Bizim əsas seçimimiz anlaşılmazlıqların beynəlxalq hüquqa söykənən səmimi bir dialoqla çözüm tapmasıdır. Ancaq bunun əksi ola biləcək heç bir addıma da əsla dözüm göstərməyəcəyik. Şərqi Aralıq dənizində sahilyanı ölkələrlə dialoq və əməkdaşlıqla bağlı çağırışımızı bir daha səsləndirirəm. Biz bu məqsədlə, bütün region ölkələrinin çıxarları nəzərə alınmaqla, Kipr Türklərinin də iştirakı ilə regional konfrans keçirməyi təklif edirik”- deyə bildirib.

Bölgədəki böhranın əsas səbəblərindən birinin 1968-ci ildən bəri dönə-dönə gündəmə gələn, lakin birdəfəlik həllini tapmayan Kipr məsələsi olduğunu deyən Ərdoğan bildirib ki, çözümün önündəki yeganə əngəl  Rum tərəfinin kompromissiz, barışmaz və şıltaq davranışıdır: “Beynəlxalq hüququ heçə sayan Rum tərəfi adanın Türk əhalisini öz yurdlarından didərgin salmaq məqsədi güdür. Təminatçı ölkə olaraq Kipr Türklərinin haqlı savaşlarında heç bir zaman yalnız buraxmadıq, bundan sonra da buraxmayacağıq. Kipr məsələsinin çözümü yalnız Türk əhalisinin adanın ortaq sahibi olması gerçəyi qəbul edilməklə mümkündür. Kipr Türklərinin tarixi və siyasi haqlarını qalıcı olaraq təminat altına alan hər çözümü dəstəkləyəcəyik”.

SAMİRƏ

 

 

Son xəbərlər