12/07/2020 06:12
728 x 90

ABŞ-dan Türkiyəyə ilginc S-400 təklifi... Rusiyadan sərt reaksiya – Bizim razılığımız olmadan...

img

ABŞ-da 2021-ci il üçün milli müdafiə üçün illik büdcə ayrılmaları və xərclərinə dair qanun layihəsinə Türkiyənin Rusiya aldığı S-400 zenit-raket komplekslərilə bağlı bir maddə əlavə edilib.

Baki-xeber.com xarici mediaya istinadən xəbər verir ki, qanun layihəsində, Türkiyə ABŞ-a NATO standartlarına uyğun olmayan sistem almayacağına zəmanət verərsə, ABŞ sözügedən Rusiya istehsalı S-400 sistemlərini satın ala biləcəyi qeyd edilir.

Təklifin müəllifi respublikaçı senator Con Tyunun təklifində Ankaranın buna dair istəyinin və Moskvanın icazəsi olmadan kompleksləri satmaq hüququnun olub-olmaması göstərilmir.

Öz növbəsində, ABŞ Senatının beynəlxalq münasibətlər üzrə komitəsinin sədri Cim Riş "CAATSA" qanununa dəyişiklik edərək (Sanksiyalar yolu ilə Amerikanın düşmənlərinə qarşı mübarizə haqqında qanun) Türkiyəyə qarşı sanksiyaların tətbiq edilməsini təklif edib.

Rusiya Federasiyası Hərbi-Texniki Əməkdaşlıq üzrə Federal Xidmətinin sözçüsü Mariya Morobyev isə, Türkiyəyə təslim edilən S-400 raketdən müdafiə sisteminin Rusiyanın razılığı olmadan təkrar ixrac edilməsinin mümkün olmadığını bəyan edib.

Rusiya parlamentinin Xarici Əlaqələr Komitəsinin rəhbəri Leonid Slutski, Ankaranın ABŞ senatoru Con Tyunun "Türkiyənin əlindəki S-400-ləri satın alma" təklifini dəyərləndirməyəcəyinə ümid etdiyini deyib və təklifin "vicdansız" olduğunu söyləyib: "Respublikaçı senator Con Tyunun Ankara ilə Vaşinqton arasındakı gərginliyi həll etmək bəhanəsi ilə Türkiyədən S-400-lərin satın alınması təklifi vicdansızlıq və ələ salmaqdır. Ancaq düşünürəm ki, belə bir şey mümkün olmayacaq və bu təklif Türkiyə tərəfindən dəyərləndirilməyəcək də".

Slutskiy, Türkiyənin S-400 almaqda məqsədinin milli təhlükəsizliyini və suverenliyini təmin etmək üçün hava sahəsini nəzarətdə saxlamaq olduğunu söyləyib. Xarici Əlaqələr Komitəsinin rəhbəri ABŞ sanksiyalarının belə Türkiyəni S-400 razılaşmasından imtinaya məcbur edə bilmədiyini deyib.

Rusiya Federasiya Şurasının Beynəlxalq Münasibətlər üzrə Komitəsinin sədrinin birinci müavini Vladimir Cabarov isə bildirib ki, ABŞ Rusiya istehsalı olan "S-400" zenit raket komplekslərini hərtərəfli öyrənmək üçün Türkiyədən almaq istəyir.

Onun sözlərinə görə, amerikalılarda Rusiya silahının analoqu yoxdur və S-400-ləri "boltlarına" qədər sökərək, özlərinə məxsus bir şey yaratmağa cəhd edəcəklər. Cabarovun fikrincə, Türkiyə Rusiyanın etibarlı tərəfdaşı statusunu qorumaq üçün kompleksləri satmağa razılıq verməyəcək. Əks halda Türkiyə ilə heç kəs belə bir razılaşma imzalamayacaq.

Xatırladaq ki, "S-400 Triumf" Rusiya istehsalı olan qısamənzilli və ortamənzilli zenit raket kompleksidir. Bu sistem bütün müasir və perspektiv hava-kosmik hücum vasitələrinin məhv edilməsi üçün nəzərdə tutulub.

Ankara və Vaşinqtonun münasibətlərində böhrana səbəb olan Rusiya istehsalı "S-400" zenit raket komplekslərinin tədarükü artıq başlayıb. Türkiyə Prezidenti Rəcəb Tayyib Ərdoğanın sözlərinə görə, 2020-ci ilin aprelində "S-400" tamamilə istifadəyə veriləcək. Birləşmiş Ştatlar bu sövdələşmədən imtina etməyi və əvəzində "Patriot" komplekslərini təklif edib. Vaşinqton bu məsələ ilə bağlı Türkiyəni "F-35" tipli qırıcıların satışını gecikdirmək və ya tamamilə dayandırmaqla, həmçinin sanksiyalarla hədələyib. Ancaq Ankara güzəştə getməkdən imtina edib.

Bu il Rusiya Türkiyəyə 2,5 milyard dollar qarşılığında dörd ədəd "S-400" divizionu tədarük edib. Tərəflər arasında müqavilədə daha bir divizion komplektinin də tədarükünün ola biləcəyi müddəası yer alır.

Son xəbərlər