05/06/2020 07:24
728 x 90

Dünya nəhəngləri arasında “maska savaşı” dərinləşir... Koronanın kabus yaşatdığı ölkələrə göndərilən yardımlar oğurlanır, müsadirə edilir

Epidemiya Avropa Birliyinin gələcəyini sual altına alır...

img

Yeni növ koronavirus (COVİD-19) bütün dünyada həyatı kabusa çevirib. Ölümlər və yoluxmaların daha çox yayıldığı ölkələr tibbi avadanlıq çatışmazlığı ilə üzləşib. Baki-xeber.com xəbər verir ki, koronavirusla mübarizədə bu gün dünyanın ən çox ehtiyacı olan məhsullar isə maskalar, dezinfeksiyaedici maddələr və süni nəfəs aparatlarıdır.

Xüsusilə Çindən sonra koronavirusun mərkəzinə çevrilən Avropa qitəsindəki əksər ölkələrdə kifayət qədər süni nəfəs aparatı, maska və qoruyucu geyim yoxdur. Əhalisinin ehtiyacını ödəmək istəyən ölkələr isə başqa bir ölkənin ixrac etdiyi tibbi avadanlıqları müsadirə edir, heç bir əsas olmadan əl qoyur. Hətta bəzi ölkələr bu işə xüsusi xidmət orqanları və ordunu da cəlb edirlər.

Bu böhran əsasən dünyanın ən inkişaf etmiş ölkələri - İtaliya, İspaniya, Fransa, Almaniya, ABŞ kimi ölkələri arasında yaşanır. Böhran xüsusilə Avropa Birliyi ölkələri arasında həmrəyliyin nə qədər kövrək olduğunu da ortaya qoydu.

Virusdan ən çox təsirlənən ölkələrə kömək etmək üçün dünyanın müxtəlif ölkələrindən humanitar yardım səylərinə baxmayaraq, AB ölkələri bir-birlərinə dəstək vermək əvəzinə göndərilən yardımlara əl qoyur, müsadirə edirlər. AB-nin lideri ölkəsi kimi görülən Almaniyanın, İtaliyaya heç bir dəstək verməməsi bir yana, üstəlik də bu ölkəyə gedən 800 min maska və başqa tibbi avadanlıqları ​​müsadirə etməsi daha çox diqqət çəkir. İsveçrə və Avstriya da onlara göndəriləcək tibbi yardımların Almaniya tərəfindən müsadirə ediləcəyindən ciddi narahatdır.

Bunun nticəsidir ki, koronavirusun cəhənnəm yaşatdığı İtaliya və İspaniyadan Birliyin gələcəyi ilə bağlı pessimist bəyanatlar verilir.

  • Almaniyanın 6 milyon maskası Keniyada yoxa çıxdı

Bir müddət əvvəl Almaniyanın satın aldığı 6 milyon maska, təyyarənin fasilə üçün endiyi Keniya hava limanında “heç bir iz qoyulmadan” yoxa çıxıb. Almaniya Müdafiə Nazirliyi tərəfindən təsdiqlənın hadisədə Almaniyanın 6 milyon maskanın pulunu ödəmədiyi üçün ölkəyə maddi ziyanın dəymədiyi bildirilib.

Almaniyaya çatmalı olan maskaların yox olmasında başqa bir ölkənin rol oynayıb-oynamadığı məlum deyil. Artıq ölkədə koronavirusla bağlı satınalmalar Müdafiə Nazirliyinə tapşırılıb.

  • Çexiya, Çinin İtaliyaya göndərdiyi tibbi avadanlıqlara əl qoydu

Tibbi məhsulların ölkədən çıxarılmasına məhdudiyyət tətbiq edən Çexiya, Çinin İtaliyaya göndərmək istədiyi və ölkədə bir anbarda saxlanan maska və süni nəfəs aparatlarını müsadirə edib. İtaliya rəsmiləri koronavirus kabusu yaşayan ölkəyə gedən malların müsadirə olunmasına sərt reaksiya verib.

Çexiya sözügedən avadanlıqların qaçaqmalçılığa qarşı mübarizə çərçivəsində ələ keçirildiyini bildirsə də, rəsmilər bu malların yalnız bir hissəsinin Çinin İtaliyaya göndərdiyi yardım olduğunu etiraf ediblər.

Çinin 680 min qoruyucu maska və minlərlə süni nəfəs aparatı göndərdiyini açıqlamasına baxmayaraq, Çexiya bunların sayının 300 mindən bir az çox olduğunu iddia edirlər.

  • İtaliya Tunisin tibbi spirt daşıyan gəmisini ələ keçirdi

Tunisin ticarət naziri Məhəmməd əl-Museylini 23 martda açıqlama verərək, ölkəsinə tibbi spirt daşıyan bir gəminin İtaliya tərəfindən ələ keçirildiyini deyib: "İtaliyalılar Tunisə gələn tibbi spirtl yüklü gəmini ələ keçirdilər".

Hadisəni Çindən İtaliyaya tibbi maska ​​daşıyan yük maşınının müsadirə edilməsinə bənzədən Museylini "Bütün Avropa ölkələri isteriya yaşayır. Hamısı koronavirus qorxusundan tibbi avadanlıqları oğurlayır" deyib.

Nazir, gəminin haradan gəldiyi barədə məlumat paylaşmayıb, lakin Tunis rəsmilərin Çinin onlara tibbi ləvazimatlar göndərəcəyini əvvəlcədən bildirmişdilər.

  • İtaliyanın Yunanıstana gedən süni nəfəs aparatlarını müsadirə etdi

AFP agentliyi, İtaliyanın Yunanıstana gedən 1840 süni nəfəs aparatını ələ keçirdiyi barədə məlumat yayıb.

İsrailin bir televiziya kanalı isə, ölkənin kəşfiyyat xidməti Mossad-ın İsraillə diplomatik əlaqələri olmayan ölkələrdən maskalar və süni nəfəs aparatları gətirdiyini açıqlayıb. Mossad-ın əməliyyatı nəticəsində İsrailə 100 min koronavirus test dəsti də gətirilib, lakin bu test dəstlərinin koronavirus üçün yararsız olduğu ortaya çıxıb. Baş nazir Netanyahunun ofisi isə testlərin başqa məqsədlər üçün istifadə ediləcəyini açıqqlayıb.

  • ABŞ Fransanın Çindən sifariş etdiyi maskaları iki qat bahasına təyyarədən endirdi...

Çindən, Fransanın koronavirus xəstəliyinin ən çox yayıldığı bölgələrindən birinə göndərilmək üzrə olan maskalar ABŞ tərəfindən ələ keçirilib. Bir neçə gün əvvəl isə Paca Bölgəsi və Fransa Regionlar Birliyinin prezidenti Renaud Muselier bölgə rəhbərliyinin, Çin istehsalçılarına milyonlarla cərrahi maska sifariş etdiyini, bunun üçün pul ödədiyini, malların göndərilməyə hazır olduğunu, ancaq son anda "bir şeylərin baş verdiyini" açıqlayıb.

"Fransanın sifariş etdiyi mallar Çində yükləmə bölməsində olduğu zaman, çoxlu pul qarşılığında ABŞ tərəfindən satın alındı və Fransaya gəlməli olan təyyarə birbaşa ABŞ-a uçdu" –o bildirib.

Maskları daşıyan təyyarənin Şanxay hava limanından yola düşmək istədiyi vaxt amerikalı alıcıların oraya gəlib və maskalara Fransanın ödədiyi puldan üç qat daha çox pul, həm də nağd şəkildə ödəyərək satın alındığı bildirilir.

Fransa mediası amerikalıların dünyada maskaların qiymətini dəfələrlə qaldıraraq satın aldığını yazır. "İki qat çox və nağı şəkildə pul ödəyirlər, hətta məhsulu almadan əvvəl yoxlamağa belə ehtiyac görmürlər. Biz bunu edə bilmirik, sifarişi aldıqdan sonra pulu ödəyirik" – deyə bir mənbə bildirib.

Başqa bir mənbə isə Çində baş verənləri "məntiqi xaos" kimi xarakterizə edib. Sifariş etdikləri məhsulu Çinin bir neçə şəhərinə istiqamətləndirməli olduqlarını bildirən mənbə, bu ölkədə yük daşıyan hava limanlarının həddindən artıq dolu olduğunu bildirib.

ABŞ-ın milyardlarla maska satın aldığını deyən mənbə, buna görə Avropa ölkələrindən edilən sifarişlərin siyahıların sonunda olduğunu söylədi.

TAHİR

Son xəbərlər