26/05/2020 20:05
728 x 90

AB-nin 4 ölkəsi arasında maska böhranı: Fransa Çindən İtaliya və İspaniyaya göndərilən maskaları müsadirə etdi

img

Yeni tip koronavirusun (COVİD-19) dünyanı sarsdığı bir vaxtda Avropa Birliyinin (AB) 4 ölkəsi – İsveç, Fransa, İtaliya və İspaniya arasında maska qalmaqalı yaranıb. Fransa, İsveçdə fəaliyyət göstərən səhiyyə şirkəti “Mölnlycke” tərəfindən Çindən İtaliya və İspaniya üçün idxal edilən milyonlarla maska və əlcəyə əl qoyub.

Baki-xeber.com xarici mediaya istinadən xəbər verir ki, bunu “Mölnlycke” şirkətinin icraçı direktoru Riçard Tumi İsveç radiosuna açıqlamasında deyib.

R.Tumi bildirib ki, tibbi ləvazimatlar martın 5-də Fransa üzərindən koronavirusun daha çox yayıldığı İtaliya və İspaniyaya çatdırılacaqdı, ancaq Fransa malları müsadirə etdi. “Fransa bir neçə gün əvvəl koronavirusla mübarizədə istifadə edilə biləcək tibbi avadanlıqların ixracına qadağa qoyub. Özlərinə aid olmadığı halda maskaları və əlcəkləri müsadirə edib. Bu, həddən artıq narahatedici və dzülməz bir hərəkətdir”,- deyə şirkət rəhbəri bildirib.

Tumi Fransanın gözlənilməz hərəkətindən sonra şirkətin Çindən idxal edəcəyi yeni tibbi məvazimatları Belçika vasitəsilə İtaliya və İspaniyaya göndərəcəklərini bildirib.

Şirkətin sözçüsü Jenni Yohansson isə malların Fransaya deyil, bir neçə ölkəyə aid olduğunu deyib. Bunların əsasən qoruyucu maskalar, əlcəklər və önlüklər olduğunu deyən sözçü onların tibb işçiləri və xəstələrə aid olduğunu deyib: “Ən çox ehtiyacı olanlar qoruyucu vasitələri ala bilmirlər”.

Vəziyyətə sərt reaksiya verən İsveçin keçmiş xarici işlər naziri və görkəmli siyasi xadim Karl Bidt Avropa Komissiyasını vahid bazarı əngəlləyən AB ölkələrinə qarşı tədbir görməyə çağırıb: “İsveç tibb şirkəti İtaliya və İspaniyaya tədarüklərin Fransa tərəfindən bloklandığını deyir və bu problemi həll etmək üçün bahalı və vaxt aparan yollar axtarmalı olur”.

Bundan əvvəl “Huffington Post” nəşri, Çindən idxal edilən və Almaniya üzərindən İtaliyaya göndəriləcək tibbi maskalara Almaniyanın əl qoyduğunu yazmışdı.

Son xəbərlər