25/05/2020 15:06
728 x 90

İspaniya koronavirusun Avropada yeni mərkəzinə çevrildi, İtaliyada isə ölənlərin sayı 15 minə yaxınlaşır

img

Ilk dəfə ötən ilin dekabrında Çində ortaya çıxan yeni növ koronavirus (COVİD-19) dünyada həyatı iflic etməkdə davam edir.

İtaliyada epidemiyadan ölənlərin sayı son 24 saatda 766 nəfər artaraq 14 681-ə, yoluxanların sayı isə 119 min 827 -ə çatıb.

Dünya üzrə ən çox yoluxma isə ABŞ-da qeydə alınıb – 261 min 438. Ölkədə ölənlərin sayı isə 6699 nəfərdir. İspaniya isə dünyada koronavirusa yoluxan ölkələr sırasında ABŞ-dan sonra ikinci sıraya yüksəlib. İtaliyadan sonra epidemiyanın Avropada yeni mərkəzinə çevrilən ölkədə yoluxmaların və itkilərin sayı sürətlə artır. İspaniya Səhiyyə Nazirliyi tərəfindən açıqlanan məlumata görə, virusdan ölənlərin sayı 24 saatda 932 nəfər artaraq 10 min 935-ə çatıb. Dünən açıqlanan statistikaya görə, yoluxanların sayı 117 min 710 nəfərə çatıb.

Başqa bir Avropa ölkəsi Fransada isə ölənlərin sayı 6 507 nəfərə yüksəlib. Səhiyyə Nazirliyinin açıqlamasına görə, son 24 saatda virusa yoluxanların sayı 5 233 nəfər artaraq 64 min 338-ə çatıb. Nazirlik rəsmisi, sutka ərzində ölənlərin sayının 588 nəfər artaraq 5 091 olduğunu, digər tərəfdən martın 1-dən indiyə kimi qocalar evlərində 1416 nəfərin öldüyünü, beləliklə ölkə ölənlərin ümumi sayının 6 507-ə çatdığını bildirib.

Son xəbərlər