Dünyada yeni növ koronavirusdan (COVİD-19) ölənlərin sayı 50 mini, yoluxma sayı isə 1 milyonu keçib.
Baki-xeber.com xəbər verir ki, bundan əvvəl Ümumdünya Səhiyyə Təşkilatı ölənlərin sayının 50 mini keçəcəyini açıqlamışdı. Açıqlanan son rəqəmlərə görə, infeksiyaya yoluxanların sayı 1 milyon 207 nəfərə çatıb.
COVİD-19-a yoluxanların sayında diqqətçəkən artım:
19 yanvar – 100 24 yanvar - 1000 12 fevral – 50 min 6 mart – 100 min 18 mart – 200 min 26 mart – 500 min 30 mart – 750 min 2 aprel – 1 milyon
Koronavirusdan ən böyük itki İtaliyada qeydə alınıb - 13 min 915. İtaliyanı 10 min 348 itki ilə İspaniya, 5 min 911 itki ilə ABŞ və 5 min 398 itki ilə Fransa izləyib. Çin isə 3,322 ölümlə beşinci yeri tutur.
3 160 ölümün qeydə alındığı İran, 2 926 ölümlə Britaniya, 1341 ölümlə Hollandiya, 1011 ölümlə Belçika isə mindən çox itkinin qeydə alındığı ölkələr olub.
Dünya üzrə gündəlik ən çox ölüm ABŞ-da qeydə alınıb. Son 24 saatda ABŞ-da 1047 nəfər həyatını itirib və ölkədə itkilərin sayı 5 min 137-ə çatıb. Yoluxanların sayı isə 244 min 678-ə çatıb.
İtaliyada isə yoluxanların sayı 115 min 242, İspaniyada 112 min 065, Almaniyada 84 min 794, Çində 82 min 433, Fransada 59 min 929, İran 50 min 468, Böyük Britaniyada 34 min 173 nəfərə çatıb.
Rusiyada isə son 24 saatda rekord sayda yoluxma qeydə alınıb – 771. Ölkədə virusa yoluxanların sayı 3 min 548-ə yüksəlib.
