29/05/2020 09:59
728 x 90

Fransada koronavirus necə yayıldı... ŞOK İDDİA - Makronun da iştirak etdiyi mərasimin iştirakçıları virusu bütün ölkəyə yaydı

img

Koronavirusun (Covid-19) ən çox təsir etdiyi ölkələrdən biri olan Fransada virusun necə yayıldığı ilə bağlı maraqlı iddia ortaya atılıb.

Baki-xeber.com xəbər verir ki, ictimai yayımçı “France Info”nun məlumatına görə, 17-21 fevral tarixlərində Müluzdakı Evangelist Kilsəsində təşkil edilən mərasimlərdə iştirak edən ən azı min nəfərdə virus təsbit edilib. Başqa şəhərlərdən insanların qatıldığı bu ayinlərin ölkədə epidemiyanın yayılmasına səbəb olduğu qeyd edilir.

Səhiyyə rəsmiləri, mərasimdə iştirak edən Strasburq Xəstəxanasında çalışan bir tibb bacısının virusu 250 tibb işçisinə yaydığını bildirib. Bu ayinlərdə iştirak edən insanların virusu Paris, Orlean, Bezanson, Belfor, Dijon, Macon, Agen, Brianson şəhərlərinə apardıqları vurğulanıb.

Məlumata görə, Korsikadan mərasimlərə qatılan 3 nəfər adaya qayıtdıqdan sonra virus aşkarlanıb və 9 martda Korsikada yoluxanların sayı 33-ə yüksəlib.

Kilsənin keşişi və həkim Conatan Peterşmitt ayinlərdə iştirak edənlərin əksəriyyətinin virus daşıdığını deyib: “Çünki sonradan onların çoxunun testləri müsbət çıxdı".

Bölgədə ayinlərdən əvvəl də yoluxmanın olduğunu deyən səhiyyə rəsmiləri, ancaq ayinlərin virusun yayılmasına səbəb olduğunu etiraf ediblər.

Xəbərdə prezident Emmanuel Makronun da ayinlər keçirildiyi 18 fevralda Müluzda olub. Makronun kilsənin də yerləşdiyi məhəllədə onu qarşılayan insanları salamlayaraq onlarla bir müddət söhbət etdikləri vurğulanır.

Ayinə qatılmayan, ancaq qarşılamada Makronla əl verib görüşən bir qadının test nəticələri müsbət çıxıb. Qadın həkimlərə "Mən Makronun yaxınında idim. Əl verib görüşdüm və ertəsi gün xəstələndim" deyib.

Qeyd edək ki, Fransada koronavirus epidemiyasından ölənlərin sayı 3 minə yaxınlaşır.

Son xəbərlər