31/05/2020 20:03
728 x 90

Fransanın Baş nazirindən korona xəbərdarlığı... Aprelin ilk 15 günü son 15 gündən daha çətin olacaq

img

Avropada İtaliya və İpaniya ilə yanaşı Fransada da vəziyyət ağırlaşır. Baki-xeber.com xarici mediaya istinadən xəbər verir ki, ölkədə koronavirus (COVID-19) epidemiyasından ölənlərin sayı 319 nəfər artaraq 2 min 314-ə çatıb. Fransa Səhiyyə Nazirliyi virus aşkarlananların sayının 4 min 611 nəfər artaraq 37 min 575-ə yüksəldiyini açıqlayıb.

Virus daşıyanlar arasında reanimasiyada müalicə alanların sayı da 4 min 273 nəfərdir.

Bu arada Fransanın Baş naziri Eduard Filip səhiyyə naziri Olivier Veranla keçirdiyi mətbuat konfransında ölkədə vəziyyətin daha da ağırlaşacağı barədə xəbərdarlıq edib.

Fransanın son yüz ildə əvvəllər görünməmiş bir böhranla üz-üzə olduğunu bildirib Filip, dünyanın demək olar ki, yarısının evə qapandığını və bunun bir ilk olduğunu deyib.

Baş nazir aprelin ilk 15 gününün Fransa üçün çətin olacağı ilə bağlı xəbərdarlıq da edib: "Mübarizə yeni başlayır. Aprelin ilk 15 günü son 15 gündən daha çətin olacaq".

Virusun ölkədə sürətlə yayıldığını və yoluxmaların sayının hər 3-4 gündə iki dəfə artdığını bildirən Filip, ölənlərin və yoluxanların sayında Fransanın İtaliya və İspaniyanı izlədiyinə diqqət çəkib.

Baş nazir, Covid-19-a qarşı tədbirlərin vaxtında alındığını iddia edib. Filip epidemiya ilə daha təsirli şəkildə mübarizə aparmaq üçün Avropa Birliyinə (AB) üzv olmayan ölkələrdə tibb fakültələrini bitirən həkimlərə də müraciət edəcəklərini bildirib.

Səhiyyə naziri Veran isə qeyd edib ki, hazırda virusun müalicəsi üçün 13 fərqli araşdırma aparılır.

Son xəbərlər