BMT-nin İctimai İnformasiya Departamentinin rəhbəri Maher Naserlə Azərbaycan Mətbuat Şurasında görüş keçirildi

Tarix: 30.10.2014 / 02:27
Bölmə: Gündəm

Dünən Azərbaycan Mətbuat Şurasında BMT-nin ölkəmizdə səfərdə olan İctimai İnformasiya Departamentinin rəhbəri Maher Naserlə görüş keçirilib.
Qonağı salamlayan MŞ sədri Əflatun Amaşov ona rəhbərlik etdiyi qurumun fəaliyyət istiqamətləri, Azərbaycanda medianın durumu barədə geniş məlumat verib. MŞ sədri bildirib ki, 2003-cü ildə Azərbaycan jurnalistlərinin I qurultayında yaradılmış Mətbuat Şurası postsovet məkanında medianın özünütənzimləməsi işini həyata keçirən ilk qurumlardandır. Şuranın təcrübəsindən digər ölkələrdə də yaxından istifadə olunub. Təşkilatın əsasən müxtəlif vətəndaş qruplarından daxil olan müraciətləri araşdırdığını qeyd edən Ə.Amaşov ötən müddətdə MŞ-nin söz və ifadə azadlığı ilə əlaqədar prosesləri də diqqət mərkəzində saxladığını vurğulayıb: "Mövcud istiqamətdə monitorinqlər aparılır. Onların nəticələri ictimaiyyətə, eyni zamanda müvafiq dövlət orqanlarına çatdırılır. Çalışırıq ki, jurnalistlərin tam sərbəst, maneəsiz şəkildə informasiya almaları təmin olunsun. Bununla yanaşı, jurnalist peşəkarlığı da bizim üçün önəmlidir. Şura indiyədək jurnalist peşəkarlığı və məsuliyyətinin artırılmasını nəzərdə tutan tədbirlər reallaşdırıb. Bu sahədə nüfuzlu beynəlxalq təşkilatların Azərbaycandakı nümayəndəlikləri ilə əməkdaşlıq edirik. BMT ilə münasibətlər də bizim üçün önəmlidir" - deyən Ə.Amaşov həmçinin ölkəmizdə mediaya dair qanunvericilik məsələləri üzərində dayanıb.
BMT-nin İctimai İnformasiya Departamentinin rəhbəri Maher Naser ölkəmizə Bakıda keçirilən "Gənclər Siyasəti üzrə Birinci Qlobal Forum"da iştirak məqsədilə gəldiyini vurğulayıb. Rəhbərik etdiyi qurumun fəaliyyət istiqamətlərindən söz açan qonaq bildirib ki, İctimai İnformasiya Departamenti BMT-yə üzv ölkələrin bir çoxunda struktur bölmələrə malikdir. O, həmçinin, departamentin BMT-nin gerçəkləşdirdiyi tədbirlərdə jurnalistlərin akkreditasiyası məsələlərindən, eləcə də həmin toplantıların dünya ictimaiyyətinə çatdırılması sahəsində gördüyü işlərin spesifik cəhətlərindən bəhs edib.
MŞ sədrinin müavini, Beynəlxalq Avrasiya Mətbuat Fondunun rəhbəri Umud Rəhimoğlu Mətbuat Şurasının müxtəlif illərdə BMT ilə əməkdaşlıq etdiyini deyib. O bu baxımdan BMT baş katibi Ban Ki Munun iqlim dəyişiklikləri ilə bağlı media təmsilçilərinə ünvanladığı müraciət üzərində dayanıb. Bildirib ki, Şura müraciətdən irəli gələn məqamlarla əlaqədar YUNESKO-nun Moskva ofisi ilə birgə Bakıda jurnalistlər üçün treninqlər düzənləyib. U.Rəhimoğlu həmçinin bildirib ki, BMT Azərbaycanda vətəndaş cəmiyyəti quruculuğu prosesində medianın rolunun artırılması istiqamətində Mətbuat Şurası ilə yaxından əməkdaşlıq edə bilər.
MŞ İdarə Heyətinin üzvü, "İki sahil" qəzetinin baş redaktoru Vüqar Rəhimzadə çıxışında BMT ilə münasibətlərin Azərbaycan üçün böyük əhəmiyyət daşıdığını vurğulayıb. Bu baxımdan media sahəsindəki əlaqələrin intensivləşdirilməsinin zəruriliyindən söz açıb.
MŞ İdarə Heyətinin üzvü, "APA Holdinq"in rəhbəri Vüsalə Mahirqızı Azərbaycanın BMT-nin Təhlükəsizlik Şurasına qeyri-daimi üzv olduğu vaxtlarda ölkəmizin qaldırdığı təşəbbüslərin BMT-nin informasiya kanallarında işıqlandırılması məsələlərinə toxunub, mövcud istiqamətdə nəzərə çarpan bir sıra cəhətlərdən söz açıb.
MŞ İdarə Heyətinin üzvü, "Bakı-Xəbər" qəzetinin baş redaktoru Aydın Quliyev BMT-nin müxtəlif ölkələrlə bağlı informasiya əldə etmək sahəsindəki iş prinsiplərinə diqqət çəkib. Bununla əlaqədar sualı cavablandıran M.Naser prosesin əsasən yerlərdə fəaliyyət göstərən struktur bölmələr tərəfindən tənzimləndiyini, obyektivliyi qorumaq naminə kənar mənbələrdən istifadə olunmadığını vurğulayıb.
MŞ İdarə Heyətinin üzvü, Orta Asiya və Cənubi Qafqaz Söz Azadlığı Şəbəkəsinin rəhbəri Azər Həsrət çıxışında regional media əməkdaşlığının dərinləşdirilməsi zərurətindən söz açaraq bu istiqamətdə yerli təşkilatların da təcrübəsindən yararlanmağın vacibliyinə toxunub.

DİGƏR XƏBƏRLƏR

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...