"Azərbaycan Türkiyədən hər zaman hər mövzuda hər şey istəmək haqqına sahibdir"

Tarix: 30.10.2014 / 02:20
Bölmə: Gündəm

Azərbaycan Türkiyədən hər zaman hər mövzuda hər şey istəmək haqqına sahibdir. Bu sözləri Türkiyənin Azərbaycandakı səfiri İsmayıl Alpər Coşqun "Trend"ə müsahibəsində bildirib.
Səfir qeyd edib ki, Azərbaycan və Türkiyə bir çox məsələlərdə birgə hərəkət edir və bu məsələlərdən ən öndə gələni, təbii ki, Dağlıq Qarabağ münaqişəsinin həlli məsələsidir: "Bir şeyi bilmək lazımdır ki, Dağlıq Qarabağ münaqişəsinin bu şəkildə davam etdirilməsi mümkün deyil. Çünki Dağlıq Qarabağ və ərtaf rayonların işğal altında olması hər zaman potensial təhlükə mənbəyidir".
Diplomat onu da bildirib ki, Türkiyə, nə olursa-olsun, hər zaman Azərbaycana və Dağlıq Qarabağ məsələsinə Mustafa Kamal Atatürkün "Azərbaycanın kədəri bizim kədərimiz, sevinci bizim sevincimizdir" prinsipi ilə yanaşır.
Onun sözlərinə görə, Türkiyə, eyni zamanda, Dağlıq Qarabağ məsələsinə beynəlxalq hüquq çərçivəsində yanaşır və bu gün Azərbaycan torpaqlarının Ermənistan tərəfindən işğal edilməsi, ortada işğal faktının olmasını kimsə inkar edə bilməz: "Problemin həlli üçün ilk növbədə işğalın aradan qaldırılması lazımdır. Dağlıq Qarabağ probleminin həlli üçün tərəflər ortaq iradə nümayiş etdirməlidir və bu iradəni ilk olaraq işğalçı tərəf nümayiş etdirməlidir. Beynəlxalq ictimaiyyət də Ermənistanı bu iradəni nümayiş etdirməyə sövq etməlidir".
İ.A.Coşqun əlavə edib ki, Azərbaycan tərəfi davamlı müzakirələr aparmaqla, münaqişənin dinc yolla həlli üçün danışıqları davam etdirməklə artıq bu iradəni nümayiş etdirir.
Türkiyə Prezidenti Rəcəb Tayyib Ərdoğanın BMT sammitində Dağlıq Qarabağ məsələsini gündəmə gətirdiyini xatırladan diplomat qeyd edib ki, Türkiyə bundan sonra da bütün beynəlxalq tədbirlərdə Dağlıq Qarabağ problemini gündəmə gətirməyə davam edəcək.
Səfir bildirib ki, Türkiyə bölgənin gələcəyinin müəyyən edilməsində düşmənçilik, münaqişə və qarşılıqlı nifrətin olmaması qənaətindədir və Türkiyə ilə Azərbaycan əlində olan bütün imkanları regionun inkişafı üçün sərf etmək istəyir: "Azərbaycan və Türkiyənin bu təşəbbüsü İran, Rusiya və işğaldan əl çəkəcəyi təqdirdə Ermənistan üçün də faydalı ola bilər. Lakin təəssüf ki, Ermənistan rəhbərliyi bunları anlamaq əvəzinə, kor-koranə işğalı davam etdirməklə yanaşı, Azərbaycan və Türkiyəni ləkələmək siyasəti aparır. Bütün bunlarla yanaşı isə Ernənistan özünü məzlum dövlət kimi göstərməyə çalışır".
Diplomat əlavə edib ki, bu gün dünyada müzakirə olunan bir çox problemlər var və İraqdakı böhran, Suriya münaqişəsi fonunda Dağlıq Qarabağ ciddi problem kimi görünməyə bilər: "Dağlıq Qarabağ probleminə dondurulmuş münaqişə adı verilməsi doğru deyil, çünki bölgədə hər an ciddi problemlər yarana bilər".
İ.A.Coşqun deyib ki, Türkiyə Azərbaycanın ərazi bütövlüyünün qorunması, regionda sabitliyin və sülhün olması üçün əlindən gələni etməyə hazırdır: "Hesab edirəm ki, beynəlxalq ictimaiyyət bu məsələdə Türkiyədən daha çox şey tələb edə bilməz".
Ermənilərin qondarma "soyqırım" iddialarına qarşı mübarizədə türk diasporunun üzərinə böyük vəzifə düşür. Bunu "Trend"ə eksklüziv açıqlamasında Türkiyənin Azərbaycandakı fövqəladə və səlahiyyətli səfiri İsmayıl Alpər Coşqun deyib.
Səfirin sözlərinə görə, Türkiyə və Azərbaycan tarixlərinin səhv tanıdılmasının əsas səbəblərindən biri də Qərb ölkələrində Azərbaycan və türk dünyası əleyhinə çalışan diasporların güclü olmasıdır.
Səfir qeyd edib ki, Ermənistanın və erməni lobbisinin Türkiyəyə qarşı irəli sürdüyü qondarma "soyqırım" iddiaları yeni deyil, sadəcə olaraq 2015-ci ildə erməni lobbisi bu məsələni daha ciddi şəkildə qabartmaq və özünə tərəfdar toplamaq üçün daha aktiv fəaliyyət göstərəcək: "Türkiyəyə, türk tarixinə ləkəyaxma kampaniyaları 2015-ci ildə bitməyəcək və tələblərinin də sonu olmayacaq".
İ.A.Coşqun bildirib ki, Ermənistan və erməni lobbisi səhv yoldadır: "Ermənistan və erməni lobbisi 1915-ci il reallıqlarından uzaq olanlara dünyanı da inandırmağa çalışır. Dolayısilə, Ermənistan və erməni lobbisi regionda ortaq gələcəyin qurulmasına əngəl olan bir inanca sahibdir".
Səfirin sözlərinə görə, Ermənistan hakimiyyəti və erməni lobbisi özünü təsdiq etmək üçün 1915-ci il hadisələri zamanı "soyqırım" törədildiyi iddiasından və Türkiyəyə qarşı düşmənçilikdən istifadə edir: "Hazırda Ermənistan hakimiyyəti əhalini işlə təmin etmək əvəzinə, onları əsas problemlərdən yayındıraraq qondarma "soyqırım"ın 100 illiyinə yönəltmək istəyir".
Diplomat əlavə edib ki, Ermənistanın bu cəhdlərinə baxmayaraq, nə Türkiyənin, nə də Azərbaycanın tarixi keçmişində utanacaq, gələcəyimizə ləkə ola biləcək bir hadisə var.
İ.A.Coşqun ermənilərə hazırkı Prezident Rəcəb Tayyib Ərdoğanın Baş nazir olduğu zaman 1915-ci il hadisələri ilə bağlı müraciətini oxumağı məsləhət görüb: "Türkiyə heç bir halda tarixi faktların saxtalaşdırılmasına imkan verməyəcək. 1915-ci il hadisələrinin araşdırılması üçün arxivlərimiz açıqdır. Dünyanın bir çox ölkələrinin parlamentinin təsir altında olan, həyatında bir dəfə də olsun Türkiyədə olmayan, türk tarixini bilməyən, beyinləri yuyularaq "soyqırım" iddialarına dəstək verməyə hazır olanlar var. Tarixi faktların araşdırılması üçün Azərbaycanla birgə fəaliyyətimiz daha da genişlənəcək".

DİGƏR XƏBƏRLƏR

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...