DPSU bildirib ki, Ukrayna ilə də həmsərhəd olan Belarusda nə qədər döyüşçünün olduğunu, onların dəqiq yeri və məqsədlərini araşdırır. Təsdiqlənməmiş mlumata görə, şənbə günü səhər saatlarında təxminən 60 “Vaqner” avtomobilindən ibarət karvan Belarus sərhəddini keçib.
Qeyd edək ki, “Vaqner” rəhbəri Priqojin Rusiya prezidenti Vladimir Putinə qarşı qiyam qaldırmışdıu. “Vaqner” muzdlu qoşunları iyun ayında ölkənin hərbi komandanlığına qarşı çıxaraq Moskvaya doğru yürüş etmiş və elə həmin gün əldə edilmiş razılaşma ilə paytaxta 200 km qalmış üsyan yatırılmış və qoşunlara geri qayıtmaq əmr verilmişdi.
Razılaşmaya əsasən, “Vaqner” döyüşçülərinə ya nizami rus ordusuna qoşula, ya da Rusiyanın yaxın müttəfiqi Belarusa gedə biləcəkləri bildirilirdi. “Vaqner”in lideri Yevgeni Priqojinə də Belarusa getməyi təklif ediblər, lakin hazırda onun harada olduğu məlum deyil.
"Vaqner" muzdlulardan ibarət Rusiyanın özəl hərbi şirkətidir, bir çoxu Rusiya həbsxanalarından işə götürülüb və Rusiyanın ötən ilin fevralında Ukraynaya təcavüzünə başladığı vaxtdan bəri ən qanlı müharibələri aparıb. DPSU-nun sözçüsü Andri Demçenko şənbə günü “Vaqner” muzdlularının Belarusa getdiyini təsdiqləyib.
Demçenko bildirib ki, Ukrayna sərhədçiləri ölkənin şimal sərhədində vəziyyəti izləməyə davam edir. Belarus Müdafiə Nazirliyi cümə günü qeyd edib ki, “Vaqner” qoşunları ölkənin regional müdafiə qüvvələri üçün hərbi təlimçilər kimi çıxış edə bilər. Nazirlik bildirib ki, döyüşçülər paytaxt Minskdən təxminən 85 km cənub-şərqdə, Osipovici şəhəri yaxınlığında Belarus əsgərlərinə hərbi nizam-intizam öyrədir.
Bir neçə gün əvvəl Rusiya lideri Putin elan etdi ki, Priqojin muzdlularının Rusiya ordusuna nizami birlik kimi qoşulmaq təklifini rədd edib. Rusiyanın “Kommersant” qəzetinə danışan Putin iyunun 29-da Moskvada danışıqlar zamanı bildirib ki, bir çox qrup komandirləri “Vaqner”in yüksək vəzifəli zabitinin onlara rəhbərlik edəcəyi planı dəstəkləyiblər.
Putin həmçinin bildirib ki, muzdlu qruplaşmalar Rusiya qanunlarına görə rəsmən tanınmır və “Vaqner”in "əslində mövcud olmadığını", lakin bu "çətin məsələnin" parlamentdə müzakirə edilməli olduğunu deyib.
TAHİR
