Rusiya Şimali Makedoniya səfirliyinin əməkdaşını ölkədən qovdu

img

Rusiya Şimali Makedoniyanın Moskvadakı səfirliyinin əməkdaşını "persona non grata" elan edib. Sputnik Azərbaycan xəbər verir ki, bu barədə məlumatı Rusiya Xarici İşlər Nazirliyi (XİN) yayıb.

"İyunun 10-u Şimali Makedoniya Respublikasının Rusiya Federasiyasında olan müvəqqəti işlər üzrə müvəkkili Olivera Çauşevskaya-Dimovskaya Rusiya XİN-ə çağırılıb. Ona Şimali Makedoniyanın Moskvadakı səfirliyinin əməkdaşının persona non grata elan olunması haqqında nazirliyin notası təqdim olunub", - deyə məlumatda bildirilir.

Qeyd olunur ki, bu addım Rusiyanın Skopyadakı səfirliyinin bu ilin mayında qəbul etdiyi analoji addıma cavabıdır.

Son xəbərlər