ABŞ Prezidenti Donald Tramp yeni koronavirusun yayılması səbəbindən ölkədə fövqəladə vəziyyət elan edib. Baki-xeber.com xəbər verir ki, Tramp bu barədə Ağ Evdə mətbuat konfransında açıqlama verib.
ABŞ Prezidenti Ümumdünya Səhiyyə Təşkilatının açıqlamasına istinad edərək, koronavirus hazırki böhranının mərkəzinin Avropa olduğunu deyib.
"Rəsmi olaraq fövqəladə vəziyyət elan edirəm”, - deyən Tramp virusla mübarizə üçün 50 milyardlıq büdcə ayırdıqlarıı bildirib.
ABŞ-da son açıqlamalara görə, koronavirus daşıyan xəstəliklərin sayı 1700-ü keçib, ölənlərin sayı 41-ə çatıb.
Ölkədə təhsil müəssisələri bağlanır, kütləvi tədbir və toplanışlara qadağa qoyulur və bir çox mətbuat konfransları onlayn rejimdə keçirlir.
Fövqəladə vəziyyətin elan olunması ilk növbədə hökumətə xəstəliklə mübarizə üçün gərəkli olan bütün resursları ştatlar üzrə daha operativ paylamağa imkan yaradacaq. Bir müddət əvvəl fövqəladə vəziyyət bir neçə ştatda elan olunmuşdu.
Ümumdünya Səhiyyə Təşkilatı martın 11-də yeni koronavirusun yayılmasını pandemiya elan edib. Dünyanın 100-dən artıq ölkəsində 120 minədək insan yoluxub, 4 mindən çoxu isə ölüb.
Ümumdünya Səhiyyə Təşkilatının Baş direktoru Tedros Adhanom Gebreyesus isə Avropada günlük açıqlanan koronavirusa yoluxma və və ölüm hadisələrinin sayının Çini keçdiyini deyib: "Çindən başqa dünyanın digər yerlərindən açıqlanan daha çox yoluxma və ölüm hadisələrinin sayı göstərir ki, Avropa artıq Covid-19 pandemiyasının mərkəzinə çevrilib".
