Müsahibim həkim-fizioterapevt, osteopat Südabə Əliyevadır.
- Doktor mümkünsə özünüz haqqında məlumat verərdiniz.
- Mən Əliyeva Südabə Camal qızı 26 avqust 1979-cu ildə Bakı şəhərində anadan olmuşam. 2002-ci ildə Dnepropetrovsk Tibb Universitetinə qəbul olmuş. 2012-ci ildə Moskvada gözəllik və sağlamlıq institutunun manual terapiyanın əsasları kursunu bitirmişəm.
2007-ci ildən həkim-osteopat kimi çalışıram. Məlumat üçün bildirirəm ki, Azərbaycanda 21 nəfər osteopat həkim işləyir. Yeganə qadın osteopat həkim mənəm. Sonradan 2-ci ali təhsil alaraq Sankt-Peterburqdakı Avropa Osteopatiya institutunu başa vurmuşam.
- Osteopatiya nədir?
- Orqan sistemlərində, dayaq-hərəkət sistemində və mərkəzi sinir sistemində yaranan problemlər nəticəsində yaranan pozğunluqları əl üsulları ilə araşdıran və qiymətləndirən tibb sahəsidir. Bu sahədə çalışan və anatomiya və fiziologiya üzrə 5 illik təhsilini başa vuran mütəxəssis həkimlərə və ya fizioterapevtlərə osteopatlar deyilir. Əzələ - skelet sisteminin fiziki müayinəsindən əvvəl osteopat mütəxəssisləri xəstənin ümumi sağlamlıq vəziyyəti, mövcud siptomlar və ailə tarixindəki xəstəliklər haqqında bəzi suallar verirlər. Osteopatiyada ən vacib mülahizələrdən biri bədənin "özünü sağaltması" üçün aparılan araşdırmalar və müalicə üsullarıdır. Elmə əsaslanan bu xüsusi müalicə üsulları insanlarda xəstəliklərə səbəb olan xəstəliklərin diaqnozu və müalicəsində çox mühüm rol oynayır.
- Osteopatiya hansı sahələrdə tətbiq olunur?
- Osteopatiyada bədəndə görülən bütün əlamətlər nəzərə alınaraq ən uyğun müalicə üsuluna qərar verilir. Diz, omba, boyun və çiyin ağrısı kimi əlamətlərlə bu şöbəyə müraciət edən xəstələr üçün vahid yanaşma ilə müalicə planının yaradəlmasına diqqət yetirilir. Misal üçün, yalnız onurğa, omba və ya diz bölgəsindəki ağrılardan şikayət edən xəstələrdə ağrıyan nahiyəyə baxıldıqdan sonra digər bütün mövcud simptomlar və bu simptomlara səbəb ola biləcək bütün şərtlər də diqqətlə araşdırılır. Eyni zamanda , xəstədə görülən pozğunluqları müalicə etmək və ya qarşısını almaq üçün sinir sistemi və dayaq-hərəkət sistemi kimi bədənin əsas iş qaydasına birbaşa təsir edən sistemlər araşdırılır. Osteopatiya, müxtəlif manuel terapiya manual terapiya üsullarını tətbiq etməklə xəstələrin heç bir dərmana və ya cərrahi üsula müraciət etmədən müalicə olunmalarını təmin edən tibb sahəsidir.
- Osteopatiya hansı xəstəlikləri müalicə edir?
- Osteopatiya şöbəsinin məşğul olduğu və müalicə etdiyi xəstəliklər və xəstəlik qrupları aşağıdakılardır:
- Ayaq xəstəlikləri, boyun və bel ağrısı, baş ağrısı, nevroloji xəstəliklər, idman nəticəsində yaranan zədələr, yürüş və ya balans pozğunluqları, duruş pozğunluqları, yuxu problemləri, kifoz, skolioz.
Fibromiyali-Kalsifikasiya hamiləlik ağrılarını azaldır. Skolioz onurğa sütununun olması lazım olan müstəvidən sapması deməkdir. O həm də sağa və ya sola əyilərkən öz oxu ətrafında fırlanır. Bir çiyninin digərindən yüksək olması və ya bel xəttinin boy fərqi, arxanın bir tərəfində daha çox olan donqar kimi əlamətləri ilə insanlarən diqqətini çəkir. Qəti diaqnoz rentgen şüaları ilə qoyulur. Bəzi osteopatlara görə, topuq sümüyü, bud sümüyü və çənə sümüyü oynağının 3 fərqli müstəvidə bir-birilə uyğunsuzluğu nətcəsində yaranır. Başqa sözlə, əgər bu 3 sümük oxdan sürüşərsə onurğa bu uyğunsuzluğa dözmək üçün özünü əyir. Skolioz özbaşına ağrı səbəbi deyil, yalnız adaptasiya prosesində ağrıya səbəb ola bilər. Lakin 30 yaşında bir insanda əvvəllər diaqnoz qoyulmuş skolioz varsa, ağrı skoliozdan qaynaqlanmırsa əyrilik başqa bir ağrıya səbəb ola bilər. Bel yırtığı və ya disk yırtığı degenerasiya kimi elastikliyini itirən pulpoz nüvənin hər hansı bir qüvvə və ya yalnış hərəkətlə annulus fibroz yarığından çıxması və ya pulpoz nüvəsinin disk boşluğundan onurğa kanalına asılması ilə baş verir. Beldə əyriliklər yarana bilər. Bədən ağrılarını aradan qaldırmaq üçün refleksiv şəkildə əks tərəfə əyilir. Bel yırtıqları ən çox L4, L5 və L5 S1 səviyələrində, daha az hallarda L3 L4 və daha yüksək səviyələrdə müşahidə olunur. Osteopatik terapiya dayaq-hərəkət elementlərinin relyefinə kömək etmək üçün gərginlik tipli baş ağrılarının müalicəsində faydalıdır. Gərginlik tipli başağrısının patogenezi yaxşı başa düşülməsə də mövcud nəzəriyələrə servikal miyofasiyal tətik nöqtələri irəli baş duruşu, servikal hərəkətlilik məhdudiyyətləri və istinad edilən ağrı daxildir. Servikal bölgədə osteopatiya üsulları üçün əks göstərişlərə açıq yaralar, kəskin servikal sınıqlar, dəri infeksiyaları, yerli bədxassəli şişlər və ağır damar kompromisləri daxildir. Bundan əlavə kəskin zədələnmiş əzələlərin , tendonların və ya oynaq kapsularının birbaşa uzanması əlavə toxuma zədələnməsinə və ya ağrının artmasına səbəb ola bilər və buna görə də belə hallardan çəkinmək lazımdır.
- Ətraflı müsahibə üçün Sizə dərin minnətdarlığımızı bildiririk.
Müsahibəni qələmə aldı.
Məlahət Səfərova
