Minəxanım Təkləli "Sarı gəlin"ə yeni nəfəs verdi

Tarix: 13.11.2014 / 02:01
Bölmə: Mədəniyyət

"Sarı gəlin"-sənin yaşını kim bilir ki? Əski çağlarda yaranan, qədim-qayım türk ellərində oxunan, ağızdan-ağıza, dildən-dilə, nəsildən-nəsilə ötürülən həsrət, nisgil, ayrılıq dolu bir türküsən, "Sarı gəlin".
Saçın ucun hörməzlər,
Gülü sulu dərməzlər,
Sarı gəlin...
Bu sevda nə sevdadır,
Səni mənə verməzlər:
Neynim, aman,
Sarı gəlin...
"Sarı gəlin", bir qara sevda kimi ruhumuzda, qəlbimizdə, könlümüzdə elə bir yuva qurmusan ki, o yuvanı heç bir qüvvə uçura bilməz. Yurdumuz-yuvamızsan...Pərən-pərən düşən ellərimizin sərhədin o üzündən bir-birinə uzanan əllərinin harayısan... Nakam bir sevdanın odunu, közünü, piltə kimi yanan aşiqlərin ahını yaşadırsan hər misranda... Son zamanlar başı bəlalı olubsan, "Sarı gəlin", yetən sənə əl uzadır, mənfur qonşularımız səni özününküləşdirməyə çalışır. Amma boşuna edilən cəhdlərdir, xam xəyaldır, yersiz iddiadır. Sən bizimsən-türk ellərinin qədim şərqilərindənsən.
Dünən Beynəlxalq Mətbuat Mərkəzində MŞ və Qadın Жurnalistlər Assosiasiyasının təşkilatçılığı ilə respublikanın tanınmış ziyalılarının, alimlərinin, fikir adamlarının iştirakı ilə tanınmış türkoloq alim, professor Minəxanım Təkləli Nuriyevanın el türkülərindən ibarət "Sarı gəlin" kitabının təqdimat mərasimi keçirildi.
"Sarı gəlin" kitabının təqdimat mərəsimini Azərbaycan Mətbuat Şurasının (MŞ) sədri Əflatun Amaşov açaraq nəşrin əhəmiyyətindən danışdı. MŞ sədri bildirdi ki, Azərbaycan xalq mahnıları xalqımızın mənəviyyatının dərinliyini göstərir. Böyük türkoloq alim Minəxanım Təkləlinin türkoloji fikrin yayılmasında göstərdiyi fəaliyyətdən danışan Ə.Amaşov qeyd etdi ki, onun yaradıcılığı "Sarı gəlin" kitabı ilə məhdudlaşmır, alimin çox zəngin məlumatlara ayna tutan 10-dan artıq qiymətli kitabı var: "Minəxanım Təkləlini hamımız çox yaxşı tanıyırıq. Onun yaradıcılığında türkçülük qırmızı xətlə keçir, kitabları Sakit okeandan Şərqi Avropa sərhədlərinə qədər böyük bir ərazidəki türk ellərini əhatə edir. "Sarı gəlin" kitabında xalq mahnılarımız toplanıb. Bildiyim qədər, bizim xalq mahnılarımızın sayı təxminən 900-1000-dir, amma Türkiyədə xalq türküləri həddən çoxdur. Görünür, bu onların öz türkülərini tam olaraq toplayıb çap etdirməsi ilə bağlıdır. Bu əsəri Azərbaycan mədəniyyəti, ictimai həyatında böyük hadisədir".
Ə.Amaşov onu da qeyd etdi ki, kitabda yer alan mahnılar bir neçə variasiyada-Təbriz, Anadoludakı, Balkanlardakı, Kərkükdəki eyni mahnıların müqayisəli variantları ilə verilib. MŞ sədri təəssüflə bildirdi ki, xalq türküləri ifaçılarının bəziləri bu mahnıları doğru şəkildə ifa etmir, bu da çaşqınlıq yaradır.
Ə.Amaşovun sözlərinə görə, "Sarı gəlin"in çap olunmasına "Kaspi" Təhsil Mərkəzinin rəhbəri Sona xanım Vəliyeva dəstək olub. Sonra Ə.Amaşov türkoloji fikrin təbliğində böyük rol oynayan və bu sahədə böyük işlər görən Minəxanım Təkləliyə MŞ-nın diplomunu təqdim etdi.
Sonra sözü "Kaspi" Təhsil Mərkəzinin rəhbəri, tanınmış şairə Sona Vəliyevaya verdi. Sona xanım çıxışında Minəxanım Təkləlinin indiyə qədər nəşr olunan "Türk əsilli ruslar" və digər bu mövzuda yazılan əsərlərini təhlil edərək tövsiyə etdi ki, bu kitabları hər kəs oxusun. Onun sözlərinə görə, bu kitablarda türk xalqının əsl tarixi təbliğ edilir. Sona xanımın bildirdiyinə görə, "Sarı gəlin" kitabı xalq mahnılarımızın yer aldığı kitab olmaqla yanaşı, həm də təhrif olunmuş xalq türkülərimizin real variantlarının yer aldığı çap məhsuludur.
Bakı Dövlət Universitetinin professoru Cahangir Məmmədli də çıxış etdi. O bildirdi ki, "Sarı gəlin" kitabının özü bir nəğməyə bənzəyir. C.Məmmədli türkülərimizin toplandığı bu kitabın geniş təbliğinə ehtiyac olduğunu qeyd etdi.
İTV-nin departament rəhbəri, əməkdar jurnalist, publisist, şairə Flora Xəlilzadə "Sarı gəlin"in təqdimat mərasimində etdiyi çıxışda bildirdi ki, xalq mahnılarının toplanması ənənəsinin əsası Üzeyir Hacıbəyov tərəfindən qoyulub, sonra bu ənənə Cabbar Qaryağdıoğlu və Bülbül tərəfindən uğurla davam etdirilib. Minəxanım Təkləlinin gördüyü bu nəcib işə böyük qiymət verən F.Xəlilzadə dedi ki, gərək bu mərasimə xalq mahnılarının ifaçıları da dəvət ediləydi. Xalq mahnılarının orijinal variantlarının bu kitabda yer aldığını qeyd edən əməkdar jurnalist bildirdi ki, "Sarı gəlin" xalq mahnısı ifaçılarına verilməlidir. Bunun da səbəbi onların mahnıları düzgün şəkildə oxumasına yardım etməkdir.
Professor, görkəmli teatrşünas alim İlham Rəhimli də kitab haqqında maraqlı fikirlər bildirdi. O qeyd etdi ki, qeyrətli, vətənpərvər, dəyərli alim olan Minəxanım Təkləlinin bu kitabı çox dəyərlidir: "Bu tədbiri alimin mənəvi-əxlaqi dünyasına açılan bir pəncərə sayıram və çox şadam ki, o pəncərədən baxmaq mənə də nəsib oldu".
Qafqaz Universitetinin rektoru Əhməd Sanıç da Minəxanım Təkləlinin yaradıcılığından, kitablarından danışdı. BDU-nun jurnalistika fakültəsinin müəllimi Qərənfil Quliyeva və başqaları da "Sarı gəlin" və onun müəllifi haqqında danışdılar, alimin əməyini xalqımıza, milli-mənəvi dəyərlərimizin təbliğinə böyük xidmət kimi dəyərləndirdilər.

DİGƏR XƏBƏRLƏR

Tarix: 10.10.2026 / 17:17

Mollanəsrəddin lətifələrində memarlıq cizgiləri...

Tarix: 10.10.2026 / 11:07

Yazıçılar Birliyi üzvlük haqqını ödəməyənlərə növbəti dəfə xəbərdarlıq etdi - məsuliyyətli davransınlar...

Tarix: 08.10.2026 / 17:49

Susqun fırçanın ölməz fəryadı: Bəhruz Kəngərlinin rəngli irsi...

Tarix: 08.10.2026 / 17:03

Noyabrın 1-dək üzvlük haqqını ödəməyənlər Yazıçılar Birliyindən xaric edəcək - XƏBƏRDARLIQ...

Tarix: 07.10.2026 / 16:58

HAMAM SANDIĞININ İZİ İLƏ: SƏDİDƏN ŞƏKİYƏ, POEZİYADAN MADDİ MƏDƏNİYYƏTƏ

Tarix: 07.10.2026 / 07:03

Ustad aşıq Hüseyn Saraçlının 110 illik yubileyinə həsr olunan beynəlxalq elmi konfrans keçiriləcək

Tarix: 06.10.2026 / 22:01

Nizaminin qəzəli, Xətainin türkcə şeirləri hələ də Ermənistanda əsir saxlanılır...

Tarix: 06.10.2026 / 14:14

Beynəlxalq memarlıq arenasında Azərbaycan memarlığının yeri və rolu: Tarixi irslik və müasir parametrlər...

Tarix: 05.10.2026 / 21:34

Afina ilə Londonun “incəsənət davası” Azərbaycanın da sərvətlərini yada saldı...

Tarix: 03.10.2026 / 15:15

Faiq Ələkbərlinin Türk fəlsəfəsinə həsr olunmuş əsərinə dair düşüncələrim

Tarix: 30.09.2026 / 22:20

Dağlıq ərazilərdə unudulmuş və dağılmış Alban məbədlərinin bərpası gündəmdə...

Tarix: 29.09.2026 / 11:02

Şair-publisist Dəyanət Osmanlının yeni nəşrləri oxuculara təqdim edilib

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.10.2026 / 18:55

Erməni təcavüzündən hələlik 32 kütləvi məzarlıq qalıb - Xarici dipkorpusun mövqeyi...

Tarix: 08.10.2026 / 18:27

Prezident Əliyevin məntiqi - “Belə nankor qonşusu olanlar daim öz hərbi gücünü artırmalıdır...”

Tarix: 08.10.2026 / 15:19

1000-5000 pensiya alanların artımı nə qədər olacaq?..

Dövlətçilik tarixinə siyasi-ideoloji baxış, milli-mədəni mühitin mühafizəsi...