Zərdabi Mətbuat Mərkəzi "KredAqro" BOKT ilə birgə İsmayıllıda maraqlı Dəyirmi Masa keçirdi

Tarix: 30.09.2014 / 02:25
Bölmə: Gündəm

Zərdabi Mətbuat Mərkəzi və "KredAqro" Bank Olmayan Kredit Təşkilatı "Bank-kredit sektoru-debitor-ictimaiyyət və media münasibətləri KİV müstəvisində: mövcud durum və peşəkarlığın artırılması yolları" layihəsi çərçivəsində üçüncü Dəyirmi Masanı ötən cümə günü İsmayıllı şəhərində keçirib.
Tədbir "KredAqro" BOKT-nin yerli filialında baş tutub. Mövzu ətrafında müzakirələrdə bank-kredit sektorunun İsmayıllı, Göyçay və Qəbələdə fəaliyyət göstərən yerli filiallarının, bölgə qəzetlərinin təmsilçiləri, debitorlar və ictimaiyyət nümayəndələri iştirak edib.
İsmayıllı Rayon İcra Hakimiyyətinin mətbuat xidmətinin rəhbəri Valeh Salehov iştirakçıları salamlayaraq bildirib ki, bu iki qurumun cinahları bir araya gətirən layihəsi vətəndaş cəmiyyətinin maraqlarına uyğundur. Ən başlıcası isə, maarifçilik missiyası daşıdığından, belə görüşlərin vaxtaşırı təşkilinə ehtiyac var. V.Salehov İsmayıllıda fəaliyyət göstərən bank-kredit sektorunun mətbuat üçün şəffaflığını Dəyirmi Masada iştirak edən filialların nümunəsində misal çəkib. Rayon rəhbərliyinin də bu istiqamətdə işlərin tələblər səviyyəsində qurulmasına dəstək verdiyini deyib.
Zərdabi Mətbuat Mərkəzinin sədri Rəhim Hüseynzadə bu qurumla "KredAqro" BOKT arasında mövcud olan 3 illik əməkdaşlığın müsbət nəticələrindən danışıb: "Bu əməkdaşlıq ölkə mediasında bank-kredit həyatının olduqca zəif işıqlandırılması tendensiyasının aradan qaldırılması zərurətindən yaranmışdı. Buna 2012-ci ildə qismən nail olduq. Həmin il monitorinqini apardığımız 31 KİV-də sahəyə aid 4210 material təqdim edildi ki, bu da 2011-ci illə müqayisədə iki dəfə çoxdur. Cari ilin 7 ayında isə göstərici 7401 materialdır ki, zənnimcə bu özü necə səmərəli yolun keçirdiyini göstərməkdədir".
R.Hüseynzadə vurğulayıb ki, hər iki qurumun ötən ildən Dəyirmi Masalarını regionlarda keçirməsi yerli KİV-lə bank-kredit sektoru arasında əlaqələrin yaranmasına təsirsiz ötüşməyib. Lənkəran, Şəki, Quba, Bərdə, Masallı və Zaqataladakı tədbirlərdən sonra yerli mətbuatda həmin istiqamətdə mövzulara yer verildiyini misal çəkən təşkilat sədri İsmayıllı görüşünün də nəticəsiz qalmayacağına əminliyini ifadə edib.
"KredAqro" BOKT-un departament rəhbəri, layihənin eksperti Zaur Əliyev mənsub olduğu qurumun Azərbaycanda 2000-ci ildə fəaliyyətə başladığını, 9 regionda sahibkarlara maliyyə xidmətləri göstərmək üçün yaradıldığını bildirib. O, "KredAqro"nun ölkəmizin bank-kredit sektorunun nüfuzlu təmsilçilərindən olduğunu vurğulayıb. Təşkilatın "Consulting & Business" kimi tanınmış, işgüzar jurnal tərəfindən 2008-2010-cu illərin "Bank Olmayan kredit təşkilatı" nominasiyasının qalibi kimi "İlin Şirkəti" mükafatına, ötən il isə Fransanın paytaxtı Parisdə "Business İnitiavite Directions" (BİD) şirkətinin təşkilatçılığı ilə keçirilmiş tədbirdə "WQC AVARD" mükafatının "Qızıl" kateqoriyasına layiq görülməsində media ilə əlaqələrin də mühüm rol oynadığını diqqətə çatdırıb.
Layihənin eksperti builki monitorinqlərdə kəmiyyətlə yanaşı keyfiyyət dəyişikliyinin də müşahidə edildiyini uğurlu hal sayıb. O vurğulayıb ki, analitik yazıların 7 ayda sayca 2013-cü ilin müvafiq dövrü ilə müqayisədə artımı 331-ə bərabərdir: "Deməli, sahədə peşəkar materiallar təqdim edənlərimiz var. Biz, ötən il olduğu kimi, 2014-cü ilin yekun tədbirində də onları mükafatlandıracağıq".
Rayon qəzetlərinin baş redaktorlarından Şahməmməd Soltanov ("İsmayıllı xəbərləri") "KredAqro" BOKT-un digər yerli filiallarında olduğu kimi, burada da terminalının istifadəyə veriləcəyini həm media, həm də debitorlar üçün xoş yenilik adlandırıb. O və həmkarı Abdulla Əliyev ("Göyçay") çıxışlarında bu mətbu nəşrlərdə vaxtaşırı reklamların verildiyini deyib. "Bugünkü tədbir isə məsələyə daha əhatəli yanaşılmasını, xüsusilə debitorlarla əlaqələrin yaradılmasını zərurətə çevirir". Tanınmış jurnalist İntiqam Mehdizadə: "Xalqımızın iqtisadi biliklərə yiyələnməsi sahəsində vəziyyət heç də ürəkaçan deyil. Bank-kredit sahəsinə dair yazıların dili sadə, anlaşıqlı olmalıdır ki, tez qavransın. Bir çox məsələlərdə mediamız maarifçilik missiyasını üzərinə götürməlidir. Жanr rəngarəngliyi ortada olmalıdır".
İsmayıllıda fəaliyyət göstərən bank-kredit təşkilatları filiallarının təmsilçilərindən Nofər Fərhadov ("KredAqro" BOKT), Cümşüd Məmmədov ("Kapital Bank"), Azər Eyyubov (Muğan Bank"), Cəlal Yusifov ("Unibank") və başqalarının çıxışlarında hər üç sektoru bir araya gətirən tədbirlərin davamlı xarakter daşıması, həmçinin digər məsələlər barədə təkliflər səsləndirilib. Sahibkar Lətifə Əliyeva bank-kredit sektorunda xeyriyyəçiliyin də ənənəyə çevrilməsi vacibliyindən söhbət açıb. Debitorlardan Şərif Mikayılov, Rəşidə Qəniyeva götürdükləri vəsaitdən nə dərəcədə faydalandıqlarına dair yazıları KİV-də görmək istədiklərini dilə gətirib.

DİGƏR XƏBƏRLƏR

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...