Akademik Ramiz Mehdiyevin "Dağlıq Qarabağ: məxəzlərdən oxunmuş tarix" kitabı müzakirə edildi

Tarix: 25.09.2014 / 02:13
Bölmə: Gündəm

Dünən Qaçqınların və Məcburi Köçkünlərin İşləri üzrə Dövlət Komitəsində Prezident Administrasiyasının rəhbəri, akademik Ramiz Mehdiyevin "Dağlıq Qarabağ: məxəzlərdən oxunmuş tarix" kitabının müzakirəsinə həsr edilmiş tədbir keçirilib.
"Trend"in məlumatına görə, tədbirdə Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov deyib ki, "Dağlıq Qarabağ: məxəzlərdən oxunmuş tarix" kitabı bu günlərdə Moskvada rus dilində çap olunub.
Ə.Həsənov bildirib ki, həm R.Mehdiyev, həm də Baş nazir Artur Rəsizadə çox dəyərli şəxslərdir, Heydər Əliyev təcrübəsindən bəhrələniblər.
Onun sözlərinə görə, R.Mehdiyev son 20 ildə onlarla kitab nəşr etdirib və Prezident Administrasiyasındakı işi ilə bərabər hazırda elmi fəaliyyətini davam etdirir: "Bu, elmi-tədqiqat əsəridir. Ramiz Mehdiyevin yazdığı kitablardan 3-ü sırf Ermənistan-Azərbaycan, Dağlıq Qarabağ münaqişəsinə həsr edilib. Akademik Ramiz Mehdiyev ümumilli lider Heydər Əliyevin və Prezident İlham Əliyevin həyat və fəaliyyətinə həsr edilmiş kitablar yazıb. Bütün bunlar tarixdir və gələcək nəsillər bu kitablardan bəhrələnəcək".
Ə.Həsənov qeyd edib ki, ermənilərə uduzmağımızın səbəblərindən biri tariximizi yazmamaq olub: "Heydər Əliyevin hakimiyyətə qayıdışından sonra tapşırıq verildi və xüsusən son 200 illik tariximiz yenidən yazılır. Ramiz Mehdiyevin son kitabı əvvəlkilərdən fərqlənir. Bu kitabda bütövlükdə ermənilərin keçmiş tarixi, bu günü, törətdiyi münaqişələrlə bağlı fundamental şəkildə tədqiqat aparılıb. Hətta ermənilərin, rusların yazdığı tarixi faktlara istinad edilir. Ermənilərin bir millət kimi formalaşmasına da toxunulur. Rus tarixçilərindən biri qeyd edib ki, ermənilər yəhudi və qaraçı qanının qarışmasından yaranıb və kitabda bu tarixçiyə də istinad edilir. Bir sıra tarixçilər isə ermənilərin mənşəyinin olmadığını qeyd edirlər. Bu faktlara istinad edilən kitab çox dəyərlidir. Ramiz Mehdiyev bu kitabında ermənilərin iç üzünü açıb ortaya qoyur".
Dövlət Komitəsinin sədri xatırladıb ki, 2003-cü ildə ümummilli lider Heydər Əliyev xocalılar üçün tikilən qəsəbənin açılışında deyib ki, vaxt gələcək, tarixi torpaqlarımız Göyçəyə, Zəngəzura qayıdacağıq. Ə.Həsənov bildirib ki, Prezident İlham Əliyev də çıxışlarında bu məqamı xüsusi vurğulayır: "Ramiz Mehdiyevin kitabında bu məsələlər kompleks şəkildə əksini tapıb".
Qubadlı rayon İcra Hakimiyyətinin başçısı Malik İsaqov kitab barədə danışıb, kitabda mühüm tarixi faktların əksini tapdığını qeyd edib.
Millət vəkili, Azərbaycan Milli Elmlər Akademiyasının Konfliktologiya və İnsan Hüquqları İnstitutunun direktoru Aytən Mustafayeva deyib ki, ermənilərin satqınlığı bütün qonşularımıza məlumdur: "Ermənilər lazım olanda rusların, lazım olanda almanların, lazım olanda türklərin tərəfində çıxış edir. Satqınlıq bu millətin xüsusiyyətidir. Alimlərin ermənilərin mənşəyi barədə yetkin fikri yoxdur. Ermənilərin yurdları məlum deyil. Ermənilər özlərinə nüfuz əldə etmək üçün yalançı tarix yaratmaq arzusunda olublar. Tarixdə adı olan bir dövlətin adını götürüblər. Biz azərbaycanlılar həmişə yumşaq olmuşuq. Baxmayaraq ki, Azərbaycan kəndləri yandırılıb, azərbaycanlılar öldürülüb. Rusiya Azərbaycan Xalq Cumhuriyyətinə müraciət edəndə ki, İrəvanı Ermənistana verin, ermənilər qırğınları saxlayacaq, buna inanmışıq. Bu müraciət də bizim əlimizdədir. Ramiz Mehdiyevin yazdığı kitab akademik, digər titullar almaq üçün deyil, bir vətəndaşlıq borcundan çıxış etməkdir".
A.Mustafayeva Ermənistanın himayədarları kənara çəkildiyi halda Azərbaycanın problemi qısa müddətdə həll edə biləcəyini söyləyib: "Fransanın sabiq Prezidenti Жak Şirak demişdi ki, Korsikanın Fransadan ayrılmasına heç vaxt imkan verməyəcək, istənilən halda ərazi bütövlüyü qorunmalıdır. Azərbaycana münasibətdə niyə fərqli olmalıdır? Fransada qondarma "soyqırım"la bağlı qanun da ayrıseçkilikdir".
Onun sözlərinə görə, ermənilərlə faktla danışanda geri çəkilirlər: "Ermənilər qorxaq millətdir, ancaq onlar birləşə bilirlər. Biz rusları qonşuluqdan çıxara bilmərik, Rusiya həmişə təhlükədir. Ramiz Mehdiyevin kitabının rus dilində çıxması həmin auditoriyaya yönəlib".
Millət vəkili Bəxtiyar Əliyev də akademik R.Mehdiyevin kitabında elmi əsaslandırmanın əsas götürüldüyünü vurğulayıb: "Dağlıq Qarabağ münaqişəsi svilizasiyaların toqquşması deyil və akademik Ramiz Mehdiyev də bunu elmi cəhətdən əsaslandırır. Ermənistanda zəlzələ baş verən zaman Azərbaycan yardımını təklif etdiyi halda xalqımıza qarşı genosid törədilib, azərbaycanlılar borulara doldurularaq boruların hər tərəfi bağlanıb. Bu kitab digər dillərə da tərcümə edilməlidir".
Xocalı rayon İcra Hakimiyyətinin başçısı Şahmar Usubov çıxışında deyib ki, iki azərbaycanlının doğma torpaqlarına baş çəkməsi ilə ermənilər qaçırsa, Azərbaycan hərəkətə keçən zaman bütün Qarabağdakı ermənilər qaçacaq.

DİGƏR XƏBƏRLƏR

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...