Dələduz MTK sahiblərinin bəzi hakimlərlə çirkli sövdələşmələri barədə şübhələr var

Tarix: 24.09.2014 / 02:26
Bölmə: Gündəm

Azərbaycanda vətəndaşların ən çox aldadılaraq pullarının mənimsənildiyi sahələrdən biri də tikinti sektorudur. Bəlkə də 100-lərlə vətəndaşı aldadan MTK adı çəkmək olar. Sanki bu proses bir karusel mexanizmini xatırladır. Proses eyni qaydada gedir, yalnız MTK-ların adları dəyişir. Bakıda mənzil-tikinti kooperativlərinin ardı-arası kəsilməyən fırıldaqçılıq və dələduzluq əməllərindən daha biri üzə çıxıb.
Belə tikinti kooperativlərindən biri, adı hələ 2008-ci ildən vətəndaşları aldatmaqda və pullarını mənimsəməkdə çəkilən "Dağlar" MTK tərəfindən aldadılmış zərərçəkənlərin bir qrupu
dərdlərini mətbuata danışıb. Zərərçəkənlərin bildirdiyinə görə, onlar bu ilin iyun-iyul aylarında nağd pul ödəyərək "Dağlar" MTK-nın Bakının Nərimanov rayonu, Təbriz küçəsi, 63 ünvanında inşa etdiyi binadan mənzillər alıblar. Lakin çox keçmədən məlum olub ki, həmin mənzillər əslində daha əvvəl, bəzi hallarda isə onlara satılandan sonra başqalarına satılıb. Təkcə həmin binada "Dağlar" MTK rəhbərlərinin dələduzluq əməllərindən zərər çəkənlərin sayı 25-ə yaxındır. MTK rəhbərləri onların 1,5 milyon manata yaxın vəsaitini mənzil satmaq adı altında mənimsəyib.
Ədliyyə Nazirliyinin qeydiyyat sənədlərində "Dağlar" MTK-nın təsisçisi və sahibi kimi Çingiz Rzayevin adı yer alır. Şirkətin icraçı direktoru isə onun qohumu Şahin Əliyevdir. Təsisçilər arasında həmçinin Çingiz Rzayevin qardaşı Gündüz Rzayevin və daha üç nəfərin adı yer alır.
Şikayətçilər deyir ki, dələduzluq əməlinin başında Çingiz Rzayev dayanır, qohumu Şahin Əliyev isə onun əməllərinin icraçısıdır.
Qeyd edək ki, "Dağlar" MTK-nın adı hələ 2008-ci ildən mənzil dələduzluğu və payçıların aldadılması əməllərində keçir. Bu əməllərə binaların tikintisinin yarımçıq qoyulması, fəhlələrin pullarının verilməməsi, bir mənzilin bir neçə adama satılması daxildir. Şirkət Bakının Yasamal, Binəqədi və Nərimanov rayonlarında çoxmərtəbəli binaların tikintisi ilə məşğul olub.
Məsələn, "Dağlar" MTK-nın əməllərindən zərər çəkən bir qrup şikayətçi 2008-ci ilin noyabrında Prezident Administrasiyasına müraciət edib. Onların şikayətində bildirilirdi ki, "Dağlar" MTK-nın inşa etdiyi binadan mənzil almaq üçün kooperativə üzv olublar və müqaviləyə əsasən bina 2006-cı ilin sonu, 2007-ci ilin əvvəlində tikilib istifadəyə verilməli idi. Lakin bina yarımçıq qoyulub və "Dağlar" MTK rəhbərliyi onların pullarını geri qaytarmır.
Ortaya maraqlı bir sual çıxır: Heç bir cinayətin cəzasız qalmadığı Azərbaycan kimi bir ölkədə belə proseslərin kökü niyə birdəfəlik kəsilmir?
Biz apardığımız araşdırma nəticəsində bu prosesin davamlı xarakter almasına stimul verən bəzi halları müəyyən edə bilmişik. Əslində, Azərbaycanda vətəndaşların kütləvi şəkildə aldadılması ilə bağlı ictimailəşən bütün cinayət işlərində cəzalandırılanlar olub. Bu, qrup halında törədilən bir cinayət əməli olduğu üçün bütün detallar əvvəlcədən planlaşdırılır. MTK-larla bağlı apardığımız araşdırmalar nəticəsində həmin proseslərdən birində iştirak edib sonradan bir neçə il həbsdə yatmalı olan bir şəxslə etdiyimiz söhbət əsnasında müəyyən etdik ki, belə işlərlə böyük havadarları olan mütəşəkkil cinayətkar dəstələr məşğul olur. Mənbəmizin dediyinə görə, adətən belə mənimsəmə əməlləri tikinti ilə məşğul olan şirkətlərin rəhbərləri tərəfindən planlaşdırılır":Bu prosesdə qurbanlıq da əvvəlcədən razılaşma əsasında müəyyənləşdirilir. Ona deyilir ki, Azərbaycanın Cinayət Məcəlləsində dələduzluq maddəsinin ən yuxarı sanksiya həddi 12 ildir. Cəzanın aşağı həddi isə ilk dəfə məhkum olunan üçün istənilən həddə qədər endirilə bilər. Qurbanlıq gedən adama onun türmədəki bütün xərclərinin ödəniləcəyilə bağlı söz verilir. Eyni zamanda, çöldə qalan ailəsinin bütün xərcləri ən yüksək səviyyədə qarşılanır. Siz bir araşdırma aparsanız görərsiniz ki, Azərbaycanda ən tanınmış şirkət rəhbərlərinin adı MTK fırıldağı ilə bağlı bütün cinayət işlərində keçsə də, onların istintaqdakı "statusu" şahiddən o tərəfə keçə bilmir. MTK fırıldağında mənimsənilən məbləğlər milyonlarla ölçülür. Hakimlər tərəfindən həmin cinayəti törədənlərə verilən cəzalar isə heç də mənimsənilən məbləğlərə adekvat olmur. Bu məsələdə dövlətin heç bir təqsiri yoxdur. Bütün tələbi dövlətdən etmək lazım deyil. Mən bu prosesin içində olan adam kimi deyə bilərəm ki, bu işdə bir sıra məhkəmə hakimləri fırıldaqçı MTK-larla əlbir fəaliyyət göstərir. Konkret fakt da göstərə bilərəm.
Bakının rayonlarından birində hazırda hakim olan xanımlardan birinin qanuni həyat yoldaşı məhz MTK fırıldağı ilə vətəndaşların bir neçə milyonunu mənimsədi. O heç iki il həbsdə olmadı. Bütün məhkumluq həyatını da Penitensiar Xidmətin Müalicə Müəssisəsində keçirib azadlığa çıxdı. Zərərçəkənlərə isə bir qara qəpik də qaytarılmadı. İndi həmin hakimin həyat yoldaşı dəyəri 200 min manata yaxın olan avtomobildə gəzir. Bax, bu, həmin mexanizmin tərkib hissəsi olan bir prosesdir. Bu səbəbdəndir ki, MTK fırıldaqlarına birdəfəlik son qoyulmur".

DİGƏR XƏBƏRLƏR

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...