Leyla Yunusla eyni kamerada saxlanan qadın ictimaiyyətə müraciət etdi

Tarix: 22.09.2014 / 03:11
Bölmə: Gündəm

Bakı İstintaq Təcridxanasında saxlanılan təqsirləndirilən şəxs Nuriyyə Hüseynova ictimaiyyətə müraciət ünvanlayıb.
APA-nın Ədliyyə Nazirliyi Penitensiar Xidmətinin saytına istinadən verdiyi məlumata görə, müraciətdə deyilir: "Yazıb sizə bildirirəm ki, 07.08.2014-cü il tarixindən Bakı İstintaq təcridxanasında saxlanıram. Saxlandığım müddətdə saxlanma şəraitindən heç bir narazılığım olmayıb. Mənim 53 yaşım var. Mənimlə eyni kamerada saxlanan şəxslərlə münasibətim normaldır. Lakin son zamanlar mənimlə eyni kamerada saxlanan həbs olunmuş şəxs Yunusova Leyla İslam qızının "vəkilləri" bəzi mətbuat orqanlarında mənim şərəf və ləyaqətimi alçaldan yazılar yazıblar. Məni residivist, siqaret çəkən bir qadın kimi təqdim ediblər. Mənim 3 övladım var, 2 nəvəm var. Mənim haqqımda vəkillərin dərc etdiyi bu cür məqalələr mənim yaxınlarıma mənfi psixoloji təsir edir. Onlar mənim təhlükəsizliyimdən narahatlıq hissi keçirirlər. Hətta "Azadlıq" qəzetində dərc olunmuş məqalələrin birində mənim qızım haqda da məlumatlar öz əksini tapıb.
Mən kamerada saxlanan qadınlar arasında səmimiyyətə inanaraq qızım, onun iş yeri barədə təəssüratları bölüşdüyüm halda, həmin məlumatların Leyla Yunusovanın vəkilləri tərəfindən mətbuatda işıqlandırılmasını başa düşə bilmirəm. Həmçinin həmin vəkillərin bir qadını mətbuat orqanlarında təhqir etməklə, onun ailə üzvlərinə mənfi psixoloji təsir göstərməklə, guya digər qadının hüquqlarını müdafiə etməsi məntiqini başa düşə bilmirəm. Leyla Yunusova onun fikirlərindən fərqli olan digər fikirləri əsassız olaraq rədd edir. Mən də Leyla Yunusovadan fərqli olaraq Azərbaycan xalqının hisslərini, istəklərini duyan, hiss edən bir Azərbaycan qadını olaraq öz fikirlərimi söhbətlər zamanı bildirmişəm. Bu söhbətlərin mətbuat orqanlarında işıqlandırılması və xüsusən də ironiya ilə oxuculara təqdim olunması anlaşılmazdır. Mən bütün bunlara bir azərbaycanlı qadını olaraq dözürdüm. Lakin "Azadlıq" qəzetinin 17 sentyabr 2014-cü il tarixli sayında özünü həbs olunmuş şəxs Yunusova Leyla İslam qızının vəkili kimi təqdim edən Əlayif Həsənovun məni və kamerada saxlanan digər qadınları cinayətkar adlandırması mənim, mənim qohumlarımın və kamerada saxlanan digər qadınların səbr kasasını doldurub.
Vəkil Əlayif Həsənov hüquqşünas olaraq bilməlidir ki, məhkəmənin qanuni qüvvəyə minmiş hökmü olmadan heç kim cinayətkar adlandırıla bilməz. Bu cür ifadə işlətmiş vəkilin hüquqi savadı və ədalətlilik prinsiplərinə əməl etməsi məndə böyük şübhələr yaradır.
Həmçinin onun mənim barəmdə mətbuatda "siqaret çəkən", "residivist", və "cinayətkar" kimi ifadələr işlətməsini özüm üçün təhqir hesab edirəm. Bütün bunlara görə də mən mətbuat orqanlarında barəmdə böhtan və təhqiramiz ifadələr işlətdiyinə görə tədbirlər görülməsi məqsədi ilə müvafiq orqanlara müraciət etmişəm. Xahiş edirəm, mənim pozulmuş hüquqlarımın bərpasında, Azərbaycan qadını olaraq ictimaiyyət arasında mənim haqqımda mənfi fikir formalaşdırılmasının qarşısının alınmasında mənə yardımçı olasınız".

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...