İndiki fəaliyyətlə partiyalara maksimum 10 min manat ianə məqbul sayılır

Tarix: 18.09.2014 / 02:49
Bölmə: Gündəm

Siyasi partiyalar bir neçə formada özünün maliyyə mənbələrini formalaşdırır. Bunlar üzvlük haqqından, ianələrdən və dövlət büdcəsindən alınan vəsaitlər hesabınadır. Bəzi ölkələrdə seçkilər ərəfəsində bu vəsaitlər 3 dəfə artırılır və s. Azərbaycanda ancaq parlament partiyaları dövlət büdcəsindən maliyyələşir.
Bu da partiyanın parlamentdə tutduğu yerə görə müəyyənləşir. Hansı partiya daha çox yerə sahibdirsə, aldığı məbləğ də buna görə təyin edilir. Bununla yanaşı, partiyalar üzvlük haqqı və inanələrdən istifadə edir.
İki gün əvvəl Azərbaycan Milli Məclisinin Hüquq siyasəti və dövlət quruculuğu komitəsinin Sosial siyasət komitəsi ilə keçirilən birgə iclasında "Siyasi partiyalar haqqında" Qanuna əlavə və dəyişikliklər müzakirəyə çıxarılıb. Layihə barədə Hüquq siyasəti və dövlət quruculuğu komitəsinin sədri Əli Hüseynli məlumat verib. Qanunun 12-1.1.2-ci maddəsinə edilən dəyişikliyə əsasən "hər il maliyyə hesabatını müvafiq icra hakimiyyəti orqanına" sözləri "bu qanunun 21.2-ci maddəsində nəzərdə tutulmuş maliyyə hesabatını və 21.4-1 maddəsində nəzərdə tutulmuş məlumat və sənədləri Azərbaycan Respublikasının Mərkəzi Seçki Komissiyasına" sözləri ilə əvəz edilir.
Bundan başqa, qanuna yeni 18-1. maddəsi də əlavə olunur. Yeni maddəyə görə, üzvlük haqqı siyasi partiya üzvləri tərəfindən pul formasında mütəmadi ödənilən vəsaitdir. Üzvlük haqqının məbləği siyasi partiyanın nizamnaməsi ilə müəyyən edilir və bu məbləğdən artıq ödənişlər ianə hesab edilir. Ə.Hüseynli bildirib ki, "Siyasi partiyalar haqqında" Qanunda dəyişiklik edilməsi barədə qanun layihəsinə əsasən, siyasi partiyaların üzvlük haqqı onların nizamnamələrində aydın şəkildə göstərilməlidir. Bununla yanaşı, siyasi partiyalara verilən ianələrin yuxarı həddi də müəyyən edilib. Siyasi partiyalara şəxsin bir il ərzində ən çoxu 10 min manat ianə verməsi nəzərdə tutulur. 19.7-ci maddədə isə deyilir ki, şəxsin bir və ya bir neçə partiyaya il ərzində verdiyi ianələrin yuxarı həddi 10 min (on min) manatdan yuxarı ola bilməz. Layihə Milli Məclisin plenar iclasına tövsiyə olunub.
İanələrin maksimal məbləği ilə bağlı sözügedən dəyişikliklərə AMİP-in baş katibi Arzuxan Əlizadə, prinsipcə, müsbət yanaşdığını bildirdi: "Düzdür, buna tam birmənalı yanaşmaq da çətindir. Çünki elə partiya var ki, bəlkə də həmin siyasi təşkilat üçün maksimum 10 min manat azlıq təşkil edir. Ancaq o da bir reallıqdır ki, bu gün ölkədəki bir çox partiyalar üçün bu məbləğ çoxdur. Necə deyərlər, buna layiq deyillər. Məsələ ondadır ki, partiyaların heç də hamısı aktiv fəaliyyət göstərmir. Bir çoxlarının nə üzvləri yetərli səviyyədədir, nə də rayon şöbələri. Elə partiya var ki, onun heç rayon şöbəsi yoxdur. Belə olan halda, həmin siyasi təşkilat üçün 10 min manat da çoxdur. O cümlədən, elə parlament partiyaları var ki, onların fəaliyyəti, daha doğrusu, təşkilatlanma səviyyəsi çox aşağıdır. Həmin partiyalar üçün də bu məbləğ çoxdur. Bütün bunlara baxmayaraq, aktiv fəaliyyət göstərən, çoxsaylı rayon şöbələri və üzvləri olan partiyalar üçün ianənin məbləği 10 min yox, çox olmalıdır".

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...