"Taliban" Əfqanıstanın İran və Türkmənistanla keçid məntəqələrini ələ keçirdi, Qəndəharın da işğalına başlandı - YENİLƏNDİ

img

“Taliban” hərəkatının üzvləri Qəndəhara daxil olublar. Bu barədə Sputnik Azərbaycan "RİA Novosti"yə istinadən xəbər verir.

Mənbə nəşrə bildirib ki, döyüşlər şəhərin mərkəzi həbsxana hissəsində gedib. Hazırda döyüşlər bazar yaxınlığında gedir. Bir neçə dinc sakin öldürülüb və yaralanıb. Lakin onların dəqiq sayı açıqlanmır.

Bu arada Milli Təhlükəsizlik Müdirliyinin verdiyi məlumata görə, hökumət ordusunun xüsusi bölmələri gecə saatlarında şəhərin bir neçə yerində Talibana qarşı əməliyyat keçirib, nəticədə doqquz yaraqlı öldürülüb, iki yaraqlı yaralanıb.

Bu arada Qəndəharın qubernatoru bəyan edib ki, şəhərdə vəziyyət nəzarət altındadır, yaraqlılar geri çəkilirlər.

Bundan başqa, “Taliban” qruplaşması Əfqanıstanla İran sərhədində daha bir sərhəd-buraxılış məntəqəsinə nəzarəti ələ keçirib.  “Report” “Pejak”a istinadən xəbər verir ki, ölkənin Fərəh əyalətindəki Əbu Nəsr Fərəhi məntəqə qruplaşmasının nəzarəti altına keçib.

"Taliban” bundan əvvəl İranla sərhəddə yerləşən İslam Qala yaşayış məntəqəsini ələ keçirdiyi bildirib. Qruplaşmanın nümayəndəsi “France Press”ə bildirib ki, yaşayış məntəqəsi tamamilə “Taliban”ın nəzarəti altındadır.

Qruplaşmanın nümayəndəsi “RİA Novosti”yə deyib ki, qonşu dövlətlər sərhədlərinin təhlükəsizliyindən tam arxayın ola bilərlər.

Qruplaşma Əfqanıstan ərazisinin 85 faizinə nəzarət etdiyini elan edib.

Əfqanıstan hakimiyyəti bildirib ki, “Taliban” qruplaşması Türkmənistanla Əfqanıstan arasındakı sərhəd keçid məntəqəsinə də nəzarəti ələ keçirib.

Son xəbərlər