Bəzən insanların müxtəlif inanclarının şahidi oluruq. İnsanların rəqəmlərlə bağlı inancı isə dərin bir elmə əsaslanır. Bu, bəlkə də, elə tarix, təqvim, rəqəmlər yaranandan belədir.
“Numerologiya insanlara özlərini daha yaxşı başa düşməyə və gələcəklərini daha yaxşı planlaşdırmağa kömək edə biləcək bir inanc sistemi olaraq görülür“. Bunu “Bakı-Xəbər” qəzetinə müsahibəsində Numeroloq Nuranə Camal deyib. Onunla müsahibəni təqdim edirik:
- Numerologiya nədir? Onu adi bir inanc adlandırmaq olarmı?
- Numerologiya müəyyən hesablamalar nəticəsində alınan rəqəmlərin mənasını və həmin rəqəmlərin insanlara və onların həyat yoluna təsirini öyrənir.
Numerologiya insanlara özlərini daha yaxşı başa düşməyə və gələcəklərini daha yaxşı planlaşdırmağa kömək edə biləcək bir inanc sistemi olaraq görülə bilər.
Bu proses türk-islam mədəniyyətində əbcəd hesablanması kimi tanınır.
Numerologiyanın haradan gəldiyi və necə meydana gəldiyi bir çox qədim fəlsəfələr kimi elm dünyasına sirr olaraq qalır.
- Cəmiyyət bu elmin əhəmiyyətini tam dərk edə bilirmi?
- Yunan filosofu Pifaqor yaratdığı “Pifaqor teoremi” ilə bir fikir irəli sürərək rəqəmlərin insan həyatında fərqli bir baxış yaratmasına səbəb oldu - kainatda hər şeyin öz sayına qədər titrədiyini və hətta planetlərin öz tezliklərində rezonans doğurduğunu bildirdi. Dünyadakı bütün cisimlər və canlılar, o cümlədən bədənimizin hər bir hüceyrəsi özünəməxsus titrəşimə malikdir. Biz də yaxşı və pis düşüncələrimiz nəticəsində bədənimizdən yaydığımız titrəyişlərlə kainatdakı hər şeylə əlaqə saxlayırıq.
- Rəqəmlərin insan həyatı üçün təsiri nədən ibarətdir? Bu təsirlər hamı üçün eyni dərəcədədirmi?
- Pifaqor texnikasından istifadə edərək, doğum tarixinizi, adınızı və soyadınızı tək rəqəmlərə endirməklə həyatınızdakı mühüm tarixlər və onların həyatınıza təsirləri haqqında məlumat əldə edə bilərsiniz.
Gəlin, birlikdə hesablama edərək doğum tariximizə əsasən 2023-cü ildə hansı hadisələrlə qarşılaşa biləcəyimizi öyrənək.
Şəxsi il nömrənizi hesablamaq üçün doğulduğunuz ayı doğulduğunuz gün ilə toplayırıq və onun üzərinə 2023-cü ili əlavə edirik.
Məsələn, 31 dekabrda doğulmuş birinin şəxsi ilini hesablayaq.
3+1+1+2+2+0+2+3=14 alınır və bu rəqəm birləşməsini tək rəqəmə endiririk 1+4=5
1 mayda doğulmuş biri
0+1+0+5+2+0+2+3=13/4
İndi isə rəqəmlərin mənasına baxaq.
Şəxsi il nömrə 1:
Yeni Başlanğıclar, Yenidən Doğuş, Yeni Dövrün Başlanması deməkdir.
Bu il yeni 9 illik böyümə və inkişaf dövrünə qədəm qoyduğunuz zaman yeni başlanğıcları təmsil edir. Həyatınızın bu yeni dövrü üçün yeni hədəflər və baxışlar təyin edərkən özünüzü canlı, həvəsli və motivasiyalı hiss edəcəksiniz.
Həyatınızda müyyən dəyişiklik etmək üçün lazım olan dəyişiklikləri edə biləcək cəsarəti tapa biləcəksiniz.
Qısacası, il olaraq yeni toxumlar əkmə ili olacaq və qabaqda 9 ildə bu ildə etdiklərinizdən bəhrələnəcəksiniz.
Şəxsi il nömrə 2:
İlin mövzusu- Səbrli olmağı öyrənmək və insanlarla münasibət qurmağı öyrənmək olacaq.
1-ci ildə “toxum” atdıqdan sonra kök salmağa və bünövrə yaratmağa, 2-ci ildə isə 2 tumurcuğa bölünərək yarpaqları cücərərək “toxum böyüməyə” başladı və ona görə də bu il “bu 9 yaşlı bitkini yetişdirmək üçün nə lazımdır”ı anlayacağınız və düşünəcəyiniz bir il olacaq. Eyni zamanda həmfikir insanlarla ünsiyyət qurmaq və ya özünüzdə dəyişikliklər etmək üçün addım atacağınız il olacaq.
Şəxsi il nömrə 3:
İlin mövzusu- Əyləncə, Sevinc, Nailiyyətləri qeyd etmək
1-ci il və 2-ci ildə etdiyiniz seçimlər 3-cü ildə bəhrəsini verməyə başlayacaq. Şəxsi 3-cü ildə sizi başqaları üçün cəlbedici edəcək özünə inam havası olacaq, ona görə də bu il özünüzü daha şanslı hiss edə bilərsiniz; bunlar iş, münasibətlər və maliyyə vəziyyətinizlə bağlı ola bilər.
Şəxsi il nömrə 4:
İlin mövzusu- Məsuliyyət
Şəxsi 4-cü il, qarşınıza qoyduğunuz bütün öhdəliklərinizi və məqsədlərinizi yerinə yetirmək üçün məsuliyyət götürmək vaxtıdır.
Qollarını çırmala və işə başlamaq ili də adlandıra bilərik.
Şəxsi il nömrə 5:
İlin mövzusu- Azadlıq, Səyahət, Macəra.
Şəxsi 4-cü ilin bütün zəhmətindən sonra zəhmətinizin bəhrə verdiyini görəcəksiniz.
Bu il azadlığınızı yaşamaq, səyahət etmək, yeni dostlar tapmaq, yeni sərgüzəştlər axtarmaq və gündəlik işlərdən çıxmaq üçün möhtəşəm ildir.
Şəxsi il nömrə 6:
İlin mövzusu-Sevgi. Ailə
Ailəniz və dostlarınızla daha çox vaxt keçirməyə can atacağınız il olacaq. Bu il nişanlanmaq, evlənmək və ya ailə qurmaq üçün əla ildir.
Şəxsi il nömrə 7:
İlin mövzusu- özünüdərk və inkişaf
Bu il bəzi faktlarla qarşılaşmaq, həyatı dünyanı sorğuya çəkəcək suallar verərək cavablar axtarmaq üçün böyük ildir.
Şəxsi ili 7 olanlara tövsiyəm meditasiya və yoga ilə məşğul olsunlar çünki bu il daxilən özləri tənha və depresiyaya meyilli hiss edə bilərlər.
Şəxsi il nömrə 8:
İlin mövzusu-bolluq və bərəkət
Bu il maliyyə, karyera və fürsətlər baxımından daha şanslı il olacaq.
Şəxsi il nömrə 9:
İlin mövzusu - Tamamlama.Döngünün sonu
Tamamlamanın ən fərqli xüsusiyyəti, iş, dostlar, münasibətlər sizə xidmət etməyən və irəliləyişinizə mane olan şeyləri həyatınızdan çıxarmaqdır. Bu il edə biləcəyiniz ən yaxşı şeylər ilahi nizama güvənmək, dəyişməyə təslim olmaq, həyatınızdan çıxması lazım olan hər şeyə getməsi üçün icazə verməlisiniz unutmayın bu sizin ən yüksək xeyrinizə olması üçündür.
- İnsanlar öz uğurlu rəqəmlərini tapmaq üçün nə etməlidir?
- İnsanların doğum tarixləri onların titrəşim və frekanslarını yaradır.
Doğum tariximiz bizə 8 rəqəmdən ibarət sehrli rəqəm verir.
Fərdə məxsus bu 8 rəqəm vasitəsilə arzularımızın titrəşim gücünü daha tez yarada bilərik.
Eyni zamanda doğum tariximizin rəqəmlərindən şans uğur və pul rəqəmlərimizi müəyyən edə bilərik.
31.01.1955-ci il doğum tarixli birinin uğur şans və pul rəqəmini hesablayaq.
Bunun üçün gün ay il ayrı ayrılıqda hesablanmalıdır.
1)3+1=4
2)0+1=1
3)1+9+5+5=20/2
4)4+1+2=7
31.01.1955 doğumlu insanın şans, uğur və pul rəqəmi 4127 rəqəm kombinasıyasıdır.
Harada istifadə edə bilərik bu rəqəmləri
Bank kartlarının kodu olaraq telefon pinkodu olaraq istifadə edə bilərsiniz
Hətta bu rəqəm birləşməsini sadələşdirib 4+1+2+7=14/5 həmin rəqəmi sizə gələn məbləğlər üçün istifadə etdiyiniz zaman pulunuz daha da bərəkətli olacaq. Məsələn satışla məşğulsunuz və sizin bərəkət rəqəminiz 5 alındı satış qiymətini 5,14, 23, 32, 41, 50 təyin edə bilərsiniz bu rəqəmləri sadələşdirdiyimiz zaman nəticə 5 alınır. Buradan əldə etdiyiniz gəlir sizin üçün daha da bərəkətli olmağa başlayacaq.
Reyhan HACIYEVA BDU-nun Jurnalistika fakültəsinin IV kurs tələbəsi, praktikant
