MTRŞ-ə əlavə səlahiyyətlər verilməsinə ciddi tələbat getdikcə artır

Tarix: 22.10.2014 / 02:49
Bölmə: Gündəm

Yadigar Məmmədli: "Bu baxımdan da MTRŞ rəhbəri Nuşirəvan müəllimin fikirlərini normal qəbul edirəm"

"Hətta ən çox edilən təkliflər belə oldu ki, televiziyaların tərkibində bədii şuralar yaradılsın"

Milli Televiziya və Radio Şurasının sədri Nuşirəvan Məhərrəmli Azərbaycanda teleserialların çəkilişilə bağlı meydana çıxan problemlərdən danışıb. N.Məhərrəmli bildirib ki, seriallarla bağlı məsələ müvəqqəti xarakter daşıyır: "Dövlət davamlı şəkildə serialların çəkilişi üçün vəsait ayırmayacaq. Bu bir neçə il ərzində olan prosesdir.
Ona görə də MTRŞ bu məsələyə xüsusi sahə kimi baxmır. Bu məsələyə xüsusi bir sahə kimi baxsaq, o zaman bu sahə ilə bağlı ayrıca qurum yaranmalı və mövzuların seçilməsindən tutmuş, o mövzuların həyata keçirilməsinə, serialların çəkilməsinə qədər bir qurum nəzarət etməlidir. Bizim buna fiziki imkanımız yoxdur".
MTRŞ sədri vurğulayıb ki, teleseriallarla bağlı cəmiyyətdə hələ tam fikir formalaşmayıb.
N.Məhərrəmli qeyd edib ki, Azərbaycanda kino sahəsi ilə Mədəniyyət və Turizm Nazirliyi məşğul olur: "Nazirlik kinolar çəkir və həmin kinoların çəkilişində də xüsusi mövzular yer tutur. Serialların adından da göründüyü kimi isə, onlar daha çox məişət xarakterli mövzulara həsr olunur. Azərbaycanda da serialların çəkilişi yenidir və onların mövzularının seçilməsi sərbəstdir. Hər bir televiziya kanalı hansı mövzuya müraciət edirsə, bu onların daxili işidir, biz onların işinə qarışmırıq. Seriallar çəkilərkən televiziya kanallarında reytinq məsələsinə baxırlar. Bu da onların müstəqil siyasətidir və biz onlara nəyin necə çəkilməsi barədə göstəriş verə bilmərik. Bizim belə bir səlahiyyətimiz yoxdur".
N.Məhərrəmli əlavə edib ki, MTRŞ televiziya kanallarında gedən verilişlərin məzmununa müdaxilə edə bilmirsə, o zaman serialların da məzmununa müdaxilə edə bilməz: "Yəni bu, televiziya kanallarının daxili işidir. Sadəcə, biz onlara tövsiyələr veririk və tövsiyələr də daha çox həm hərbi vətənpərvərlik mövzusundadır, həm də milli-mənəvi dəyərlərə sadiqlik məsələsindədir. Hərbi vətənpərvərlik bir az çətin mövzudur. Çünki bu mövzuda çəkilişlərdə hərbi texnikadan istifadə etmək lazım olduğundan, müəyyən çətinliklər yaranır, bizim verdiyimiz vəsait buna bəs etmir. Ancaq teleserialları çəkən qurumların üzərinə böyük məsuliyyət düşür ki, onu elə çəksinlər ki, adi məişət hadisəsində də vətənpərvərlik mövzusu ön planda olsun".
Əslində, MTRŞ sədri olduqca ciddi problemə toxunub. Şura sədrinin fikirlərindən belə başa düşülür ki, o, qurum üçün əlavə səlahiyyətin verilməsini istəyir. İstər teleseriallarda, istərsə də verilişlərdə olan neqativliklərin aradan qaldırılması üçün MTRŞ-yə əlavə səlahiyyət verilməlidirmi?
Media eksperti Yadigar Məmmədli qəzetimizə açıqlamasında bildirdi ki, son illər ərzində televiziya proqramlarında ciddi çatışmazlıqlar nəzərə çarpır. Müsahibimizin sözlərinə görə, bir növ bu sahədə boşluq yaranıb: "Bundan da istifadə edən telekanallar yalnız öz zövqlərinə uyğun veriləşləri efirə buraxır. Hazırda seriallarla da bağlı vəziyyət eynidir. Tamaşaçı bilmir ki, hansı quruma şikayət etsin. Bu baxımdan da MTRŞ rəhbəri Nuşirəvan müəllimin fikirlərini normal qəbul edirəm. Belə nəzarətin edilməsi üçün onun rəhbərlik etdiyi qurum heç bir səlahiyyətə malik deyil.
Onlar yalnız məsələnin texniki tərəfini həll edir. Lisenziyanın verilməsi, alınması və s. Bir müddət əvvəl də cəmiyyətdə bu mövzuda geniş müzakirələr aparıldı. Hətta ən çox edilən təkliflər belə oldu ki, televiziyaların tərkibində bədii şuralar yaradılsın. Həmin şuralarda müxtəlif peşə sahibləri təmsil olunsun və verilişlərin mövzusuna, keyfiyyətinə nəzarət etsin. Bu pis olmaz. Belə bir səlahiyyyət MTRŞ-yə verilsə, deyərlər ki, dövlət bir növ, sovetlər dönəmində olduğu kimi, senzuranı qaytarır. Bir balaca ictimai dəstək olsa, bu problemi aradan qaldırmaq mümkündür".

DİGƏR XƏBƏRLƏR

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...