Azərbaycan bələdiyyələri nüfuz sıçrayışı ərəfəsində...

Tarix: 22.10.2014 / 02:28
Bölmə: Gündəm

"Prezident tərəfindən imzalanan yeni qanunvericilik aktları bələdiyyələrə olan marağı bir qədər də artıracaq"

Vüqar Tofiqli: "Dünyanın ən inkişaf etmiş ölkələrində bələdiyyələrə maraq digər qurumlardan üstünlük təşkil edir"
Prezident İlham Əliyev "Azərbaycan Respublikasının nəqliyyat-yol kompleksində idarəetmənin təkmilləşdirilməsi tədbirləri haqqında" Azərbaycan Respublikası Prezidentinin 2007-ci il 22 fevral tarixli sərəncamında dəyişikliklər edilməsi barədə Sərəncam imzalayıb.
Dəyişikliklərə əsasən, Sərəncamın 3.3-cü bəndi aşağıdakı redaksiyada verilir:
"Bakı şəhəri istisna olmaqla, ölkənin digər şəhərlərində və rayon mərkəzlərində şəhər avtomobil yollarının müvafiq yerli icra hakimiyyəti orqanlarının balansına, şəhərlərin və rayon mərkəzlərinin məhəllədaxili yollarının, habelə kənd və qəsəbələrin ərazisində yerləşən küçələrin, keçidlərin, ictimai nəqliyyat xətlərinin, digər yolların və yol qurğularının isə müvafiq bələdiyyələrin balansına verilməsini təmin etsin".
Azərbaycan Prezidenti İlham Əliyev, həmçinin, "Bələdiyyə torpaqlarının idarə edilməsi haqqında" Azərbaycan Respublikasının Qanununda dəyişikliklər edilməsi barədə" Qanunun tətbiqi haqqında Fərman da imzalayıb.
Azərbaycan Respublikasının Nazirlər Kabinetinə tapşırılıb ki, Azərbaycan qanunlarının və Azərbaycan Prezidentinin aktlarının "Bələdiyyə torpaqlarının idarə edilməsi haqqında" Azərbaycan Respublikasının Qanununda dəyişikliklər edilməsi barədə" Qanuna uyğunlaşdırılması ilə bağlı təkliflərini üç ay müddətində hazırlayıb Azərbaycan Prezidentinə təqdim etsin;
Nazirlər Kabinetinin normativ hüquqi aktlarının həmin Qanuna uyğunlaşdırılmasını üç ay müddətində təmin edib Azərbaycan Prezidentinə məlumat versin;
Mərkəzi icra hakimiyyəti orqanlarının normativ hüquqi aktlarının həmin Qanuna uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Prezidentinə məlumat versin;
Həmin Qanundan irəli gələn digər məsələləri həll etsin.
Müəyyən edilsin ki, "Bələdiyyə torpaqlarının idarə edilməsi haqqında" Azərbaycan Respublikası Qanununun 9.1-ci maddəsinə uyğun olaraq, Azərbaycan Respublikasının tərəfdar çıxdığı beynəlxalq müqavilələrdən irəli gələn öhdəliklərin yerinə yetirilməsi məqsədi ilə bələdiyyə mülkiyyətində olan torpaqların dövlətin mülkiyyətinə və ya icarəsinə verilməsi ilə bağlı alğı-satqı və ya icarə müqavilələrinin bağlanmasını Azərbaycan Nazirlər Kabinetinin qərarı ilə müəyyən edilən orqan həyata keçirir.
Azərbaycan Ədliyyə Nazirliyinə tapşırılıb ki, mərkəzi icra hakimiyyəti orqanlarının normativ hüquqi aktlarının və normativ xarakterli aktların "Bələdiyyə torpaqlarının idarə edilməsi haqqında" Qanununda dəyişikliklər edilməsi barədə" Qanuna uyğunlaşdırılmasını təmin edib Azərbaycan Nazirlər Kabinetinə məlumat versin.
Göründüyü kimi, qarşıdan gələn bələdiyyə seçkilərinin keçirilməsinə sayılı günlərin qaldığı bir vaxtda Prezident bələdiyyələrin səlahiyyətini, nüfuzunu artıran mühüm qanunlar imzalayır. Bu yeniliklərin bələdiyyə seçkilərinə və ümumilikdə bələdiyyələrdə təmsilçiliklə bağlı maraqların artmasına nə kimi təsiri olacaq?
Bələdiyyələr üzrə ekspert Vüqar Tofiqli qəzetimizə açıqlamasında bildirdi ki, qanunvericiliyə edilən dəyişikliklərdən onun da xəbəri var. Müsahibimizin sözlərinə görə, müsbət mənada atılan bütün bu addımlar bələdiyyələrin işinin daha da stimullaşdırılmasında və inkişafında əvəzsiz rola malik olacaq":Digər sahələrlə müqayisədə bələdiyyə təsisatı bir qədər cavandır. Qurumun yaradıldığı ilk illərdə heç onun səlahiyyətləri əməlli-başlı dərk edilmirdi. İldən-ilə bu sahədə aparılan maarifləndirmə və bir sıra başqa işlər bələdiyyə təsisatını ölkənin aparıcı sektorlarından birinə çevirdi. Dünyanın ən inkişaf etmiş ölkələrində bələdiyyələrə maraq digər qurumlardan üstünlük təşkil edir. Bu faktoru eyni zamanda təmsilçiliklə bağlı olan istəklərə də aid edə bilərik. Məsələn, qonşu Türkiyədə bələdiyyə seçkilərini qazanan partiya hakimiyyəti əldə etmiş sayılır. Get-gedə bizdə də bələdiyyələrin nüfuzu qalxır. Hesab edirəm ki, Prezident tərəfindən imzalanan yeni qanunvericilik aktları bələdiyyələrə olan marağı bir qədər də artıracaq".

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...