"Arşın mal alan" məşhur qırğız aktyorlarının ifasında daha bir səhnə ömrü yaşadı

Tarix: 20.10.2014 / 02:35
Bölmə: Gündəm

Azərbaycan Respublikasının Qırğızıstan Respublikasında Səfirliyinin dəstəyi ilə oktyabrın 15-də Qırğızıstan Respublikasının Abdılas Maldıbayev adına Milli Akademik Opera və Balet teatrında Azərbaycan musiqisi günü keçirilib.
Ağzınacan tamaşaçılarla dolu olan nəhəng salonda Qırğızıstan Respublikasının hökumət üzvləri, digər rəsmilər, xarici dövlətlərin bu ölkədəki səfirləri, beynəlxalq təşkilatların rəhbərləri, görkəmli ziyalılar - elm, mədəniyyət, ədəbiyyat xadimləri, ictimaiyyətin tanınmış təmsilçiləri, soydaşlarımız toplaşıb.
Qırğız Respublikasının A.Maldıbayev adına Milli Akademik Opera və Balet teatrının direktoru Timur Salamatov tədbiri açaraq, Azərbaycan Respublikasının Qırğız Respublikasında Səfirliyinin son vaxtlar iki qardaş ölkənin mədəniyyət sahəsində əlaqələrinin inkişafı üçün göstərdiyi səylərə görə təşəkkürünü bildirib.
Sonra Qırğızıstan Respublikası Mədəniyyət, İnformasiya və Turizm nazirinin birinci müavini, stats-sekretar Akimbek Tekeşov çıxış edib.
A.Tekeşov növbəti dəfə belə böyük tədbirin Bişkekdə keçirilməsinin təşkili üçün Azərbaycan Respublikasının Qırğızıstan Respublikasında fövqəladə və səlahiyyətli səfiri Hidayət Orucova təşəkkür edərək, Azərbaycan ilə Qırğızıstan arasında mədəni əlaqələrin inkişafında xidmətlərinə görə ona Qırğızıstan Respublikası Mədəniyyət, İnformasiya və Turizm Nazirliyinin fəxri medalını təqdim edib.
Sonra Azərbaycan Respublikasının Qırğızıstanda fövqəladə və səlahiyyətli səfiri Hidayət Orucov çıxış edərək, mükafatın onun üçün gözlənilməz olduğunu və bunun üçün dərin təşəkkürünü bildirib.
Səfir vurğulayıb mışdır ki, Azərbaycan ilə Qırğızıstan arasında əməkdaşlıq münasibətləri təkcə siyasi və iqtisadi sahədə deyil, həm də humanitar sahədə inkişaf etməkdədir və bu xətt Azərbaycan Respublikasının Prezidenti İlham Əliyevin və Qırğızıstan Respublikasının Prezidenti Almazbek Atambayevin siyasətinin prioritet istiqamətlərindəndir.
Son zamanlarda həm Azərbaycanda, həm də Qırğızıstanda bir çox maraqlı humanitar birgə tədbirlər keçirilməkdədir. Belə tədbirlərin təşkil olunması qardaş xalqları daha da yaxınlaşdırır.
"Arşın mal alan" operettası həm yaşlı, həm də cavan nəsil arasında çox sevilir, çünki o bütün nəsillər üçün yaranmış unudulmaz bir incidir.
101 il bundan əvvəl - 1903-cü ildə hələ Peterburq konservatoriyasının tələbəsi olarkən Üzeyir Hacıbəyov "Arşın mal alan" operettasını yazıb və elə həmin ildə də bu operetta Bakıda Zeynalabdin Tağıyev adına teatrda səhnəyə qoyulub.
Bu əsər 76 ölkənin 187 teatrında səhnəyə qoyulub. Onun əsasında hələ 1945-ci ildə çəkilmiş film isə 136 ölkədə göstərilib.
Bütün müsəlman şərqində Üzeyir Hacıbəyov ilk operanın, operettanın, musiqili komediyanın və kantat-oratoriya musiqisinin yaradıcısı, ümumilikdə isə Azərbaycan klassik musiqi sənətinin banisidir.
1908-ci ilin 25 yanvarında Azərbaycan milli opera sənətinin ilk nümunəsi kimi tarixə düşən Üzeyir Hacıbəyovun ilk operası "Leyli və Məcnun" səhnələşdirilib.
Səfir görkəmli Azərbaycan bəstəkarlarının əsərlərini öz repertuarına həmişə daxil etdiyi və "Arşın mal alan" operettasını tamaşaya hazırladığı üçün Qırğızıstan Respublikasının Abdılas Maldıbayev adına Milli Akademik Opera və Balet teatrının kollektivinə dərin təşəkkürünü bildirib.
Sonra Üzeyir Hacıbəyovun "Arşın mal alan" operettasının premyerası keçirilib.
Tamaşanın quruluşçu dirijoru Qırğız Respublikasının xalq artisti Жumakadır Kanimetov, quruluşçu rejissoru əməkdar artist Sapar İsmailov, quruluşçu baletmeysteri Berdalı Pomankulov, quruluşçu xormeysteri Karaqul Tilençiyevdir.
Əsərin liberettosunun tərcüməçisi Uzakbay Abdukaimovdur. "Arşın mal alan" operettasının ifaçıları istedadlı gənc qırğız vokalçılardır.
Gülçöhrə rolunda Gülnur Niyazbayeva, Əskər rolunda Stalbek Жunuşaliyev, Süleyman rolunda Nurciqit Asanov, Sultan bəy rolunda Qırğız Respublikasının əməkdar artisti Kayınbek Kuskakov, Asya rolunda Kunduz Karıppayeva, Telli rolunda Salıyma Mamatova, Vəli rolunda Almazbek İstambayev çıxış edib. Tamaşanı teatrın xoru və simfonik orkestri müşayiət edib. Tamaşa bitəndə salonda uzun müddət alqış sədaları səslənib.

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...