Fikrət Məmmədov Avropa Şurasında ermənilərin Qarabağ separatizmini hüquq normaları ilə alt-üst etdi

Tarix: 17.10.2014 / 03:13
Bölmə: Gündəm

Avropa Şurasının Yerli və Regional Hakimiyyətləri Konqresinin 27-ci sessiyasının dünənki plenar iclasında "Ukraynada və qonşu ölkələrdə baş verən separatçı gərginliklər" adlı bəyanat layihəsi ətrafında müzakirələr aparılıb. APA-nın Avropa bürosunun xəbərinə görə, müzakirələrdə Azərbaycanın ədliyyə naziri Fikrət Məmmədov da çıxış edib.
F. Məmmədov belə bir vacib və aktual məsələni müzakirəyə çıxardığı və separatçılığa, işğala məruz qalan ölkəyə - Azərbaycana da yer ayırdığı üçün Konqresə öz təşəkkürünü bildirib: "Avropa ailəsinin tamhüquqlu üzvü olan və eyni zamanda təcavüzkar separatçılığın nəticələrindən əziyyət çəkən Azərbaycan Respublikası ekstremizm, radikalizm və separatçılığın bütün formalarda əmələ gəlməsini qəti şəkildə pisləyir, beynəlxalq münasibətlərin və beynəlxalq hüququn əsasını təşkil edən dövlətlərin suverenliyi, ərazi bütövlüyü və beynəlxalq səviyyədə tanınan sərhədlərin toxunulmazlığı prinsiplərinə sadiq olduğunu təsdiqləyir. Biz birmənalı olaraq Ukraynada və digər qonşu ölkələrdəki münaqişələrin siyasi dialoq vasitəsi və sözügedən prinsiplər əsasında həll edilməsini dəstəkləyirik. Biz əminik ki, dövlətlərarası dostluq münasibətləri, əməkdaşlıq və tərəflərin öz üzərilərinə götürdükləri öhdəliklərin vicdanla yerinə yetirilməsi istiqamətindəki bu normalara ciddi şəkildə əməl olunması beynəlxalq sülh və təhlükəsizlik üçün olduqca vacibdir. Bununla yanaşı, biz bu gün dünyada, o cümlədən Avropa məkanında öz müqəddəratını təyin etməyə can atan və daha da çox hüquq və səlahiyyətlər əldə etmək arzusunda olan millətlərin və xalqların olduğunu aydın şəkildə başa düşürük. Buna misal olaraq, Avropada hansısa regionlara geniş statusun verilməsi də var. Bu onların gündəlik problemlərini həll etməyə imkan yaradır. Bu bir daha o faktı təsdiq edir ki, beynəlxalq hüququn təməl prinsipləri və normaları ilə nizamlanan bugünkü dünya düzəni separatçılıq olmadan öz müqəddəratını təyin etmək üçün kifayət qədər geniş imkanlar təqdim edir. BMT-nin Nizamnaməsində öz əksini tapmış öz müqəddəratını təyinetmə prinsipi xalqların dövlətlərin bütövlüyü çərçivəsində iştirakına və öz ərazilərini idarə edə bilmələrinə imkanlar yaradır. Bu baxımdan belə bir prinsip, beynəlxalq hüququn nəzərdə tutduğu müstəsna hallardan başqa, separatçılığa haqq qazandırmaq üçün istifadə oluna bilməz. Məlum olduğu kimi, Azərbaycan 20 ildən çoxdur ki, təcavüzkar separatçılıqdan əziyyət çəkir. Bunun nəticəsində Ermənistan bizim ölkəmizin Dağlıq Qarabağ bölgəsini və ona bitişik yeddi rayonu işğal edib. Bu ərazilərdən azərbaycanlı əhali tamamilə qovulub çıxarılıb. Ermənistanla Azərbaycan arasında Dağlıq Qarabağ münaqişəsinin nizamlanması istiqamətindəki danışıqlar prosesində erməni tərəfinin qeyri-konstruktiv yanaşması, onun beynəlxalq normalara zidd olan status-kvo vəziyyətinin saxlanmasındakı siyasəti, BMT Təhlükəsizlik Şurasının qəbul etdiyi və qeyd-şərtsiz yerinə yetirilməli olan 4 qətnaməsini rədd etməsi, amansız şəkildə etnik təmizləmə aparması və cəbhə xəttindəki son provakasiyaları və nəticədə bunun çoxsaylı itkilərə gətirib çıxarması, ATƏT-in Minsk Qrupu çərçivəsində aparılan sülh danışıqları prosesini hədəfə alır və bu da beynəlxalq ictimaiyyətə tam haqq verir ki, Ermənistana qarşı ciddi sanksiyalar tətbiq etsin. Bildiyiniz kimi, beynəlxalq ictimaiyyət artıq birmənalı şəkildə dövlətlərin beynəlxalq səviyyədə tanınan sərhədlərini zor yolu ilə pozmağa yönəlmiş cəhdləri qəbul etmir və heç vaxt da qəbul etməyəcək. Dövlətin birmənalı olaraq razılığı olmadan onun dövlət sərhədlərini dəyişdirmək qəbuledilməzdir. Bu kontekstdə separatçılıq və silahlı münaqişələrin təhrikinə, özbaşınalıq və cəzasızlıq hissinin yaradılmasına səbəb olan ikili standartlar yanaşmasından əl çəkmək əsas rol oynayır. Biz əminik ki, hər bir müstəqil və özünə arxayın ölkə onun ərazisində yaşayan xalqların və milli azlıqların hüquq və azadlıqlarına dair hər hansı bir məsələni özü müstəqil şəkildə həll edə bilər. Bunun üçün dünyanın aparıcı ölkələrinin diqqətəlayiq və sınaqdan keçmiş təcrübəsi var".

DİGƏR XƏBƏRLƏR

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...