Miqrantların Rusiyadan göndərdiyi pullar azalmağa meylləndi

Tarix: 17.09.2014 / 02:42
Bölmə: Gündəm

Ukraynada atəşkəs əldə olunsa da, Rusiya və Qərb arasında hələlik iqtisadi müstəvidə özünü daha çox göstərən qarşıdurma daha kəskin xarakter almaqdadır. Bilindiyi kimi, bu vəziyyət daha çox şimal qonşumuzun iqtisadiyyatında tənəzzüllə müşahidə olunur. Bu tənəzzülün əsas göstəricilərindən biri isə rus rublunun sürətlə dəyərdən düşməsidir.
Artıq dolların məzənnəsi 38 rubl həddini keçib. Son məlumatlara görə, dolların kursu 38,02 rubla çatıb, avro isə 30 qəpik bahalaşaraq 49,25 rubla bərabər olub. Bütün bunlar isə Qərbin sanksiyaları fonunda baş verir. Xatırladaq ki, ötən həftə Avropa Birliyi (AB) və ABŞ Rusiyaya qarşı yeni sanksiyalarını elan ediblər. Bu sanksiyalar Rusiyanın "Rosneft". "Transneft" və "Qazpromneft" kimi enerji nəhənglərini, habelə aralarında "Sberbank" və VTB olan daha beş bankı əhatə edir. Vaşinqton və Brüssel bu şirkətlərin kreditlərə çıxışını və onların aksiya və qiymətli kağızlarının dövriyyə müddətini məhdudlaşdıran tədbirləri gücləndirib. Bundan əlavə, rublun kursuna, Çindən alınan statistik məlumatlara görə, neft qiymətlərinin düşməsi mənfi təsir göstərib. Avqust ayında Çində istehsalat templəri 6,9 faiz yavaşıyıb.
Lakin Rusiya sanksiyalarla Qərbin istəyinə nail olmayacağını bildirir. Rusiyanın baş naziri Dmitri Medvedyev Qərbin Rusiyaya qarşı tətbiq etdiyi sanksiyaların ölkənin iqtisadiyyatını möhkəmləndirdiyini deyir və Çini nümunə gətirir: "Qərb Çinə qarşı da adekvat sanksiyalar tətbiq etdi. Nəticədə nə baş verdi? Çin iqtisadiyyatı inkişaf etdi və möhkəmləndi. Biz də eyni addımı atacağıq". O, həmçinin, Ukrayna ilə AB arasında əməkdaşlıq müqaviləsi tətbiq olunacağı təqdirdə Rusiyanın sərbəst ticarət razılaşmasını ləğv edəcəyini deyib. Medvedyev güzəştə getməyəcəklərini bildirib: "Üçtərəfli razılaşma AB və ya Ukrayna tərəfindən pozularsa, Rusiya öz iqtisadiyyatını qorumaq üçün cavab addımı atacaq. Bura Ukrayna ilə güzəştli ticarət razılaşması da daxildir".
Xatırladaq ki, Kiyevdə hökumətin devrilməsi ilə nəticələnən AB ilə iqtisadi əməkdaşlıq razılaşması təsdiq olunması üçün artıq parlamentə göndərilib. Ukrayna prezidenti Petro Poroşenkonun imzası ilə parlamentə göndərilən sənədin önümüzdəki günlərdə gündəmə çıxarılması gözlənir. Lakin Rusiya, AB və Ukrayna bu razılaşmanın, parlamentdə təsdiq olunsa belə, 2015-ci ilin sonundan tez tətbiq olunmaması barədə razılığa gəlib. Qeyd olunanlar fonunda digər MDB ölkələri üçün maraq doğuran əsas məsələlərdən biri isə Rusiya iqtisadiyyatının zəifləməsi və bunun onlara hansı formada təsir göstərəcəyidir. Xüsusən də rublun dəyərdən düşməsi gərgin vəziyyət yaradır. İqtisadçı ekspert Samir Əliyev bu xüsusda bildirir ki, ABŞ və Avropanın tətbiq etdiyi yeni sanksiyalar Rusiyanın iqtisadi vəziyyətini daha da müşkülə salır: "Rubl dollara münasibətdə dəyərini bu il 13 faiz itirib. Artıq dollar 38 rubl həddini də keçib. Yeni sanksiyalar Rusiyanın bir çox iri müəssisə və bankının Qərbin maliyyə bazarlarına çıxış şərtlərini kəskin şəkildə ağırlaşdırır". Samir Əliyev xatırladıb ki, gələn ildən Rusiya Mərkəzi Bankı "üzən məzənnə" siyasətinə keçir: "Bu o deməkdir ki, dövlət rublun məzənnəsini dəstəkləməyəcək və proseslər belə davam edəcəyi təqdirdə rublun ucuzlaşması prosesi davam edəcək. Dolların rubla məzənnəsi tezliklə 40 rubl psixoloji həddini keçəcək. İnvestorların Rusiya istiqrazlarına marağı azalıb. Bankların xaricdən resurs cəlb etmək imkanları məhdudlaşıb. Digər tərəfdən dünya bazarlarında neft ucuzlaşır. Rusiyanın aparıcı banklarının səhmləri dəyərdən düşür. Onların arasında səhmdarı olduğumuz VTB bankı da var. Azərbaycan Dövlət Neft Fondunun Rusiya aktivləri əriyir".
Rublun ucuzlaşması ilə bağlı olaraq o da aydındır ki, Rusiyadakı azərbaycanlı miqrantların ölkəmizə transfer etdiyi pullar da azalacaq. Çünki onların qazandığı vəsait sürətlə dəyər itirir və dollar alınması üçün miqrantlar daha çox rubl ödəyir. Bütün bunlar o deməkdir ki, Rusiyada iqtisadi vəziyyətin ağırlaşması, rublun qiymətinin düşməsi Azərbaycana da təsirsiz ötüşməyəcək. O da məlumdur ki, Azərbaycanın valyuta ehtiyatlarının bir hissəsinin rus rublu şəklində saxlanması, Neft Fondunun Rusiya banklarında vəsaitinin olması baş verənlər fonunda Azərbaycanı da narahat edir.
Xatırladaqk i, VTB-də Dövlət Neft Fondu 3 faiz səhmə malikdir. Həmin səhm paketinin alınmasına 500 milyon dollar sərf edilib. Lakin indi VTB-nin səhmlərəi durmadan ucuzlaşır və bu da ölkəmizə təsir edir. VTB özü isə bildirir ki, onlar geosiyasi proseslərə qarışmadığına görə belə sanksiyaların qəbulu Avropa dəyərlərinə ziddir: "Belə addımlar Avropanın demokratik dəyərlərinə əksdir. Qurum öz maraqlarını qanunlardan üstün tutur". Rusiya bazarına yatırılan investisiyalar tək bununla bitmir. Daşınmaz əmlak bazarına qoyulan 133 milyon dollarlıq investisiya da dəyər itirir. Çünki maliyyə bazarında yaranan böhranlar ilk növbədə daşınmaz əmlak bazarını kəskin vurur. Dövlət Neft Fondunun Rusiyada aldığı daşınmaz əmlak da dəyərdən düşür.

DİGƏR XƏBƏRLƏR

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...