Avropalı diplomatların ölkəmizə intensivləşən səfərləri...

Tarix: 15.09.2014 / 02:25
Bölmə: Gündəm

Son vaxtlar dünyada baş verən geopolitik dəyişikliklərlə bağlı dünya ölkələrinin Azərbaycana marağının artdığı hiss edilir. Ən azı, bunu ölkəmizə səfər edən xarici qonaqların simasında görmək mümkündür. Bir-birinə alternativ düşərgədə təmsil olunan tərəflərin rəsmi Bakı ilə yeni münasibətlər qurmaqda maraqlı görünməsi kənardan maraqla izlənir.
Ölkəmizə Avropa rəsmilərinin səfərləri daha intensiv xarakter almağa başlayıb.
Bir neçə ay əvvəl Avropa Şurası Parlament Assambleyasının sədri (AŞ PA) Ann Brasör Azərbaycana rəsmi səfər etdi. Bu günlərdə isə Avropa Birliyinin genişlənmə və qonşuluq siyasəti üzrə komissarı Ştefan Fülenin zəngin proqramla dolu Bakı səfəri reallaşdı. Avropalı diplomatın islahatların həyata keçirilməsi üçün hökumətlə vətəndaş cəmiyyəti arasında dialoqa çağırması, ölkədə vətəndaş cəmiyyəti üçün məkanın daraldığını qeyd etməsi və s. fikirləri təhlilçilər tərəfindən müxtəlif cür şərh olundu.
Bir neçə gündən sonra isə Avropa Şurası Parlament Assambleyasının sədri Ann Brasör Azərbaycana yenidən rəsmi səfər edəcək. AŞ PA-nın rəsmi saytında verilən məlumatda bildirilir ki, Assambleya sədrinin səfəri sentyabrın 21-25-nə nəzərdə tutulub. Səfər çərçivəsində AŞ PA sədrinin ölkə rəsmiləri və digər şəxslərlə görüşləri gözlənir. Səfərin dəqiq proqramı barədə hələlik məlumat verilmir.
Qeyd edək ki, A.Brasör bu ilin may ayında Bakıda AŞ PA-nın Daimi Komitəsinin iclasında iştirak etmək üçün Azərbaycanda səfərdə olub.
Bu intensiv səfərləri Azərbaycanın Avropa Şurası Nazirlər Komitəsinə sədrlik etməsilə də əlaqələndirirlər.
Politoloq Qabil Hüseynli qəzetimizə açıqlamasında bildirdi ki, Avropa rəsmilərinin Azərbaycana intensiv səfər etməsinə normal yanaşmaq lazımdır: "Azərbaycan heç vaxt Qərblə bağlı təcrid siyasəti həyata keçirməyib. Müstəqillik əldə etdikdən sonra Qərbə inteqrasiya xarici siyasətimizdə prioritet olub. Bu da danılmaz faktdır ki, hazırda dünyadakı reallıqlar dəyişib. Artıq başqa bir düzən formalaşdırılır. Yenə də nüfuz savaşına start verilib. Ən maraqlısı isə budur ki, bütün yeni kataklizmlər bizə yaxın olan coğrafiyada baş verir. Azərbaycanın müttəfiqləri olan Gürcüstan, Ukrayna müəyyənləşdirdikləri birqütblü siyasətin acısını dadmalı oldular. Düzdür, bizim də payımıza acıları dadmaq düşüb, ancaq həmin hadisələrin son proseslərlə heç bir bağlılığı olmayıb. Azərbaycanın indiki proseslərdən itkisiz və problemsiz çıxa bilməsi müəyyənləşdirilən uğurlu xarici siyasət kursu ilə bağlıdır. Hazırda Qərblə Rusiya arasında açıq bir savaş gedir. Tərəflərdən hər biri Azərbaycanı öz yanında görmək istəyir.
Mən deməzdim ki, yalnız Qərb diplomatlarının səfərləri periodikləşib. Son vaxtlar Rusiyadan da ölkəmizə böyük nümayəndə heyətləri təşrif buyurur. Təbii ki, Avropa rəsmilərinin obrazında belə səfərlərə daha çox şahidlik edirik.
Avropalıların etdiyi səfərlərin böyük əksəriyyəti isə Azərbaycanın Avropa Şurası Nazirlər Komitəsinə sədrlik etməsilə bağlıdır. Ehtiyatlanmalı bir məsələ yoxdur. Əksinə, belə hallar Azərbaycanın dünya birliyi üçün artan önəmindən xəbər verir".

DİGƏR XƏBƏRLƏR

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...