Saytlarda "pasport seriyanı yaz, şərh ver" təklifi birmənalı qarşılanmır

Tarix: 12.09.2014 / 13:13
Bölmə: Gündəm

Milli Məclisin Təhlükəsizlik və müdafiə komitəsinin üzvü Siyavuş Novruzov parlamentin payız sessiyasında müzakirə ediləcək məsələlər haqda məlumat verib. O, açıqlamasında bildirib ki, qanunvericilikdə yeni dəyişikliklərlə cəzalar sərtləşdiriləcək: "Yeni qanun layihələri var. Bəzi qanunlara əlavə və dəyişikliklər də təklif edilib.
Artıq komitələrdə müzakirə edilir. İş planına təqdim etdikdən sonra təsdiq olunacaqsa, parlamentdə müzakirə edəcəyik.
Hərbi sirrin yayılması, kəşfiyyat və əks-kəşfiyyat haqqında, ordu haqqında mətbuatda düzgün olmayan məlumatların yayılması halında cəzalar sərtləşdiriləcək. Siyasi partiyaların maliyyələşməsi ilə bağlı da yeni təklif var".
S.Novruzov qeyd edib ki, bu təkliflərdə media ilə bağlı məqamlar da yer alır: "Media müxtəlif mənbələrdən məlumat ala bilər. Amma bu dəqiq olmalıdır. Aldığı məlumatı hər bir təşkilatın, dövlət strukturunun mətbuat xidməti ilə dəqiqləşdirməlidir. Ola bilər şəxsiyyət əleyhinə dəqiqləşdirilməmiş məlumat yayılsın. Bu zaman həmin şəxs özü qərar verəcək ki, məhkəməyə müraciət etsin, ya yox. Amma elə strukturlar var ki, onunla bağlı dəqiqləşdirilməmiş məlumatların yayılması üzrə maddələr ağırlaşdırılacaq".
Komitə üzvü bildirib ki, dəqiqləşdirilməmiş məlumat yayan media orqanı külli miqdarda cərimə ilə cəzalandırılacaq: "Biz məsələ qaldıracağıq ki, KİV haqda qanuna da dəyişiklik edilsin. Belə hallarda dəqiqləşdirilməmiş məlumat yayan media orqanı külli miqdarda vəsait və digər vasitələrlə cəzalandırılacaq. Parlamentin builki payız sessiyasında bu məsələ qaldırılacaq. Bununla da təxribat xarakterli, dəqiqləşdirilməmiş məlumatların qarşısı alınacaq.
Bir də görürsən, hansısa media orqanı yazır ki, filankəs dedi əsgərlikdə filankəsin oğlunu döyüb qabırğasını sındırıblar. Nə valideynə, nə də rəsmi məlumata əsaslanırsan. Bunu da yayırsan, sonra digər valideynlər də narahat olur ki, yəqin mənim övladımı da döyürlər".
Siyavuş Novruzov deyib ki, elektron media ilə bağlı xüsusi tədbirlər görüləcək: "Elektron media ilə bağlı müzakirə olunan bir neçə məsələ var. İstər saytlarda, istərsə də sosial şəbəkələrdə istənilən istifadəçi öncədən şəxsiyyət vəsiqəsinin seriya nömrəsini daxil edib sonra şərh yaza biləcək. Xarici ölkələrdə bu təcrübə var. Bu gün saytlarda nə qədər söyüş, təhqir var. Hamısı da müxtəlif saxta adlarladır. Bu, etiket qaydalarının pozulmasına gətirib çıxarır. Bəzən də şəxslər buna görə müsahibə verməkdən imtina edir.
Bir də məlumatın yayılması ilə bağlı məsuliyyəti ilkin mənbə daşıyacaq. İlk olaraq dezinformasiyanı kim veribsə, o, məsuliyyətə cəlb ediləcək. Çünki başqaları deyir ki, mən ona istinadən vermişəm.
Bundan başqa, ilkin mənbələrin yayılan informasiyanı sonradan silmə halları da var. Bunun da həlli üçün uyğun variant tapılacaq və qanunvericilikdə bu öz həllini tapacaq".
Siyavuş müəllimin sərtləşmə ilə bağlı təkliflərinə uyğun sahənin ekspertləri necə baxır?
Tanınmış media eksperti Azər Həsrət qəzetimizə açıqlamasında bildirdi ki, əslində, hörmətli Siyavuş müəllimin dediklərinə bənzər bir hərəkətə gərək var":Hətta ABŞ-da belə bu məsələ müzakirə edilir. Amma bizdən fərqli olaraq, məsələni dövlət deyil, ictimaiyyət, əsasən də jurnalistlər müzakirə edir. O baxımdan mən mahiyyət etibarilə Siyavuş Novruzovla razılaşsam da, onun dediyi həddə qaydaların tətbiqinin tərəfdarı deyiləm. Biz məcburən deyil, insanları inandırmaqla internetdəki yazışmalarda gerçək adlarını qeyd etməyə həvəsləndirməyin düzgün olacağını düşünürük".
Sosial media üzrə ekspert Şaiq Muradov isə qəzetimizə açıqlamasında bildirdi ki, insanların sosial şəbəkələrdə və ya hansısa saytda təhqir edilməsinin qarşısını Azərbaycanın qüvvədə olan qanunvericiliyi də sərt şəkildə alır: "Bunun üçün ciddi cəzalar, hətta azadlıqdan məhrum edilmə də nəzərdə tutulur. Hansısa saytın şərh bölümündə kiminsə təhqir olunması həmin saytın məsuliyyətinə aid olan məsələdir. Elə saytlar var ki, ümumiyyətlə şərh bölümlərindən istifadə etmir. Pasport seriyalarını daxil etmək məsələnin çıxış yolu sayıla bilməz. Çünki istənilən adam başqasının pasport göstəricilərini daxil edib kimisə təhqir edə bilər. Sosial şəbəkələrin qaydasında isə belə bir şey müəyyənləşməyib ki, kimsə pasport seriyasını qeyd edib şərh yazsın. Ən böyük sosial şəbəkələrdə profillərdən şikayət ediləndə pasport şəkli tələb edilir. Təhqir edən adamın müəyyənləşməsi üçün şikayət edən şəxsin ərizəsi əsasında əlaqədar qurumlar həmin İP ünvanı və ondan istifadə edən şəxsi asanlıqla müəyyənləşdirə bilir".

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...