Səudiyyə Ərəbistanının sökmək istədiyi Peyğəmbər məscidi azərbaycanlılar üçün də müqəddəsdir

Tarix: 04.09.2014 / 04:18
Bölmə: Gündəm

Bu günlərdə İngiltərədə nəşr olunan "İndependent" qəzeti İslam aləmini şoka salan məqaləsini çap edib. Qəzet yazır ki, Səudiyyə Ərəbistanı İslam Peyğəmbərinin qəbrini dağıdacaq.
Məhəmməd(ə) peyğəmbərin nəşindən nə qalıbsa, onu anonim qəbirdə yenidən Dəfn edəcəklər. Məqalədə həmçinin qeyd edilir ki, Səudiyyənin Vəhhabi iqtidarı bu yerdəyişməni bütpərəstliyi aradan qaldırmaq məqsədilə edir.
Söhbət Mədinədə yerləşən Peyğəmbər məscidindən (Məscidin-Nəbəvi) gedir. Burada eyni vaxtda 650 min müsəlmanın ibadət etməsi üçün hər cür şərait var. 632-ci ildə vəfat edən Peyğəmbər(ə) və ondan sonra dünyasını dəyişən Əbu Bəkr (634-ci il); Ömər (644-ci il) də bu məsciddə dəfn edilib.
Mədinə (Əl-Mədinə) Ərəbistanın məşhur şəhəridir. Hicrətdən-622-ci ildən son nəfəsinə qədər Peyğəmbər(ə) bu şəhərdə yaşayıb. İlk xəlifələr dövründə bu şəhər ərəb dövlətinin mərkəzi olub. Şəhərin ərəbcə adı Yasribdir. Buna müqabil əl-Mədinə "şəhər" mənasını verir. Mədinə müqəddəs xatirələrlə, Peyğəmbər(ə)-nin məzarı ilə, təbii ki, adi şəhər deyil. Peyğəmbər(ə)-nin siması müsəlmanların zehnində nə qədər müqəddəcdirsə, şəhərin müqəddəsliyi də bir o qədər qüvvətlidir. Peyğəmbər məscidi əvvəllər Aişənin yaşadığı evin olduğu yerdə tikilib. Peyğəmbər(ə) də elə həmin evdə, yatağının olduğu yerdə dəfn edilib. Həcc ziyarətinə gələn zəvvarlar bu məsciddə yerləşən Peyğəmbər(ə) məzarını da ziyarət edirlər.
Həz.Peyğəmbər buyurub ki, qəbrimi ziyarət edənlər məni sevindirər, özləri isə savab qazanarlar.
1804-ci ildə Vəhhabilər Mədinəni zəbt edərkən xəzinələri qarət etdilər. Peyğəmbər(ə)-nin məzarını ziyarət qadağan edildi. Vəhhabilər türbənin qübbəsini yıxa bilməsələr də, qiymətli daş-qaş xəzinələrini, dindarların hədiyyələrini talan etdilər. Osmanlıların Misir valisi Məhəmməd Əlinin oğlu Tosun Mədinəni yalnız 1813-cü ildə geri almağa müvəffəq oldu. 1924-ci ildən Məkkə və Mədinə şəhərləri Səudiyyə Ərəbistanının tərkibindədir. Türbə və məscidləri sökdüklərinə görə vəhhabilərə "Məscid sökənlər" adı da verilib. Onlar Məkkəni ələ keçirəndə Mədinədə Peyğəmbər(ə)-nin qəbri üzərindəki süslü bəzəkləri, maddi və tarixi qiyməti olan əşyaları götürdülər. Peyğəmbər(ə)-nin arvadı Xədicənin türbəsini, Peyğəmbər(ə) və Əbu Bəkrin doğulduğu evlərin qübbələrini, Mədinənin məşhur Baqi qəbiristanındakı səhabələrin məzar qübbələrini söküb onların daşı ilə qala tikdilər. Məkkədə Kəbədən və Məqami-İbrahimdən başqa nə qədər qübbə və ziyarət yeri var idisə, hamısını sökdülər. Vəhhabilər XIX əsrin əvvəllərində məhərrəm ayının 10-da - Aşurada Kərbəlada 2 mindən çox müsəlmanı - şiələri qılıncdan keçiriblər. İmam Hüseynin türbəsində olan qızıl və gümüş şeyləri 200 dəvəyə yükləyib özləri ilə aparıblar. 1803-cü ildə Məkkəni alan vəhhabilər Peyğəmbər(ə), Əbu Bəkr, Ömər, Əli və Fatimənin doğulduqları evləri söküblər.
Qeyd edildiyi kimi, Peyğəmbər(ə)-nin məzarını ziyarət etmək sünnətdir, yəni bu ziyarətin bəyənilməsini Peyğəmbər(ə) özü buyurub. Elə isə onun nəşinin anonim(!) bir yerdə dəfn edilməsi məqsədi nəyə və kimə xidmət edir? Səudiyyə iqtidarının (vəhhabilər) Peyğəmbər məscidini sökməsi onsuz da pərən-pərən edilən İslam dünyasının qarşıdurmasını, müsəlman qırğınını daha da alovlandırar. Və nəticə ağlagəlməz də ola bilər. "Müjdə"nin "İndependent" qəzetində çap olunması vaxtilə vəhhabilərə hər cür dəstək verən ingilis barmağından xəbər vermirmi?
Belə həssas anda müsəlman dövlətləri bir araya gəlməli, məsələnin mahiyyətini və çıxış yollarını dəyirmi masalarda, konsensusda axtarmalıdırlar. Təkcə İslam aləmi üçün yox, bütövlükdə çox kövrək dünya üçün ağlagəlməz faciələrlə müşahidə oluna bilən bu iş soyuq baş, siyasi iradə, Quran hikməti və "qəbrimi ziyarət edənlərə çoxlu savab var" Peyğəmbər(ə) kəlamı işığında təcili müzakirə edilməlidir. Müsəlman ölkələrində siyasi devrilişləri planlaşdıran xristian ideoloqlarına 100 milyardlarla maddi dəstək verən Səudiyyə Ərəbistanının vəhhabi iqtidarına imkan vermək olmaz ki, o, 1,5 milyard müsəlmanı müqəddəs ziyarətdən məhrum etsin. Vəhhabi iqtidarına başa salmaq lazımdır ki, Peyğəmbər(ə) nəşinin anonim yerdə dəfn edilməsi təşəbbüsü məxsusi Səudiyyə dövlətinə aid olan iş deyil.

Vaqif CƏLİLOĞLU
P.S. hörmətli şeyxüslam Hacı Allahşükür Paşazadədən xahişimiz odur ki, ingilis "muştuluğunun" nə dərəcədə səhih, doğru olmasını aydınlaşdırıb cəmiyyətə çatdırsın. Zira bu "muştuluq"dan yararlanıb tolerantlığımıza kölgə sala biləcək insanlar yox da deyil.

DİGƏR XƏBƏRLƏR

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...