Avropa təmsilçiləri dini tolerantlıqda Azərbaycandan geri qaldıqlarını rəsmən etiraf etdilər

Tarix: 03.09.2014 / 10:38
Bölmə: Gündəm

Məlum olduğu kimi, Bakıda "Mədəniyyətlərarası dialoq: mədəniyyət və din arasında qarşılıqlı əlaqə" mövzusunda 2014-cü il mədəniyyətlərarası dialoqun dini ölçüsü üzrə Avropa Şurasının mübadilə görüşü keçirilir. Tədbirə dünyanın bir çox ölkəsindən parlamentarilər, nüfuzlu din xadimləri təşrif buyurub.
Öz növbəsində Prezident İlham Əliyev də tədbir iştirakçılarına müraciət ünvanlayıb, onları ölkəmizdə salamlayıb.
Avropa Şurasının mübadilə görüşünün iştirakçısı, Avropa Ravin Konfransının baş katibi Rabin Moşe Levin öz çıxışında Azərbaycanda olan tolerant mühiti yüksək qiymətləndirib, hətta bəzi istiqamətlər üzrə Avropanı da üstələdiyini deyib: "İlk dəfədir ki, Bakı şəhərində oluram. Gördüyüm mənzərə, Bakının gözəlliyi məni heyran etdi". Rabin Moşe Levin bildirib ki, Azərbaycandakı milli - dini tolerantlıq ən yüksək səviyyədədir. Onun fikrincə, Azərbaycandan tolerantlıq baxımından dünya ölkələrinin öyrənəcəyi çox şey var:
"Azərbaycanda dini və mədəniyyətlərarası heç bir ayrı- seçkilik mövcud deyil. Ölkənizdə müxtəlif dinlərin, millətlərin nümayəndələri qarşılıqlı problemsiz yaşayır və öz etiqadlarını həyata keçirirlər. Biz başqa ölkələrdə belə bir ənənənin şahidi olmamışıq". Tədbirdə Avropa Şurası Nazirlər Komitəsinin Məruzəçi Qrup sədri, Portuqaliya deputatı Felipo Mendes deyib ki, Avropanın bir sıra ölkələrində antisemitizm və islamofobiya artıb.
Bu, Avropalı nümayəndənin bu istiqamət üzrə Azərbaycanın Avropaya da örnək ola biləcək bir vəziyyətdə olmasının açıq etirafı sayıla bilərmi?
Şərqşünas Seyid Camal Əzimbəyli qəzetimizə açıqlamasında bildirdi ki, onun özü də iki gündür Azərbaycanın ev sahibliyi etdiyi tədbirdə çıxış edir. Müsahibimizin sözlərinə görə, bu tədbir Dini Qurumlarla İş üzrə Dövlət Komitəsi tərəfindən çox yüksək səviyyədə təşkil edilib: "Gələn qonaqlarla yaxından təmasda olduqda məlum olur ki, onların ölkəmiz barədə bütün istiqamətlər üzrə fikirləri müsbətdir. Tədbir iştirakçıları eyni zamanda özlərinə böyük diqqət və qayğını hiss edir və bundan məmnun olduqlarını deyirlər. Ölkə başçısının müraciəti böyük maraqla qarşılandı. Azərbaycanda yüksək səviyyədə tolerant mühitin olması bizə billidir. Ancaq bu səviyyədə nümayəndə heyətlərinin gəlib öz gözləri ilə buna şahid olmaları çox müsbət haldır. Avropadan olan bir neçə yüksək səviyyəli nümayəndə öz çıxışında buradakı vəziyyətdən bəzi ölkələrin də nümunə götürməsinə ehtiyac olduğuna diqqəti yönəltdi. Bütün bunlar Azərbaycanın yürütdüyü uğurlu siyasətin nəticəsidir. Artıq elə vəziyyət yaranıb ki, Azərbaycan bir sıra istiqamətlər üzrə, xüsusilə də milli-dini tolerantlıq məsələsində dünyanın supergüclərini də üstələyir. Belə etirafı əksər hallarda özlərini demokratiyanın keşikçisi sayan dövlətlərin nümayəndələri edir. Təbii ki, bütün bunlar bizi ürəkdən sevindirir".

DİGƏR XƏBƏRLƏR

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...