Həbsdə olan Şahin Sultanovun vəkili amansız suallar yağışına tutuldu

Tarix: 02.09.2014 / 11:29
Bölmə: Gündəm

Hüquq müdafiəçisi, "İnamla Hüquq" MMC-nin direktoru Məmmədov Bəxtiyar Heydər oğlu redaksiyamıza göndərdiyi məktubda hazırda həbsdə olan Şahin Sultanov barəsində diqqətçəkən konkret mətləblər açıqlayıb.Müraciətdə deyilir:
"HDQ-nin sabiq komandanı, hazırda həbsdə olan vitse-admiral Şahin Sultanovun müdafiəçisi Adəm Məmmədovun sensasion şər və böhtandan ibarət olan, 26 avqust 2014-cü il tarixdə "Azadlıq" qəzetində çapa getmiş məktubuna cavab olaraq bildirirəm ki, Azərbaycan Respublikası CM-nin 179.3.2 və 313-cü maddələri ilə ittiham edilmiş və barəsində həbs- qətimkan tədbiri seçilmiş Şahin Sultanovun 4 (dörd) aya yaxındır həbsdə olmasının heç bir əsas və səbəb olmadan hərbi prokuror Xanlar Vəliyevin sifarişi və göstərişi əsasında olduğunu bildirir, iddia edir ki, müvəkkilinin həbsi ilə əlaqədar bütün arqumentlər iflasa uğramışdır.
Bu qondarma ittihamlar məhkəmədə sabun köpüyü kimi əriyib gedəcək, bütün ictimaiyyətə və ölkə başçısına da məlum olacaq ki, guya ki, Şahin Sultanov haqsız olaraq həbs olunub deyən vəkil A.Məmmədov bildirir ki, Azərbaycan Respublikası Vəkillər Kollegiyasına Hərbi Prokurorluğdan ona təzyiqlər edilməsi üçün yazılı və şifahi müraciətlər olunur, sıxışdırılır. Həbsdə olan Elxan Hacıyev, Kazım Əsgərov və digərləri vasitəsilə ona şər-böhtan atırlar. Sonda isə Şahin Sultanovun tam həcmdə müdafiəsini qurmağa maneələr yaradılır.
Vəkil Adəm Məmmədov dövlətin milyard manata yaxın əmlakını oğurlayan müvəkkili Şahin Sultanovun çoxsaylı cinayət əməlləri törətməsindən həmin cinayət faktlarının RHP tərəfindən aparılan istintaq zamanı tam sübuta yetməsindən və məhkəmədə irəli sürülmüş ittihamların sübuta yetəcəyindən yaxşı xəbərdar olduğundan müvəkkili Şahin Sultanovun dövlətdən oğurladığı pullardan istədiyi qədər əldə etmək məqsədi ilə müvəkkilinin başının altına yastıq qoymaqla məşğuldur. Onun müdafiəsini qurmaq əvəzinə şər-böhtanla məşğuldur. Vəkil Adəm Məmmədov fərdi fəaliyyətlə məşğul olduğundan, kirayələdiyi ofisinin aylıq xərci ilə bağladığı müqavilələr əsasında saxtakarlıqlar edərək öz gəlirlərini gizlədir, belə ki, Azərbaycan Respublikası Vəkillər Kollegiyası araşdırma aparsa məlum olar ki, A.Məmmədovun gəlir barədə hesabatda göstərdiyi rəqəmlər aylıq xərcindən çox-çox azdır.
Adəm Məmmədov Şahin Sultanovun təşkilatçılığı ilə cinayət törətmiş və hazırda həbsdə olan Elxan Hacıyevin, HDQ-nin sabiq Qərargah rəisi, 1-ci dərəcəli kapitan Yunis Məmmədovun və digərlərinin səmimi etiraflarını, oğurladıqları pulları dövlətə ödəməklə törətdikləri cinayət əməllərinə görə gələcəkdə məhkəmə tərəfindən veriləcək cəzaların qismən də olsa yüngül olmasını və bu səbəbdən də Şahin Sultanova mətbuat vasitəsi ilə etdikləri müraciətlərin guya hansısa təzyiqlər altında olmasından irəli gəlməsini bildirməsi absurddur.
Adəm Məmmədov tərəfimdən təxminən son 3 (üç) ay ərzində Şahin Sultanovun törətdiyi 28 (iyirmi səkkiz) cinayət faktı üzrə mətbuatda məktublarım, müraciətlərim dərc olunub. Amma bu günə qədər nə Şahin Sultanov, nə də Siz bu ittihamlarıma təkzib verməmisiniz.
Odur ki, ictimaiyyəti çaşdırmağa ehtiyac yoxdur. Adəm Məmmədov, sözügedən məktubunuzda RHP-nun rəhbərliyinə arzuolunmaz günlər diləyirsən. Atalar yaxşı deyib, sən saydığını say, görək fələk nə deyir? Unutma ki, sənin barəndə əlimdə olan bir neçə faktı tezliklə tam araşdırdıqdan sonra Respublika Baş Prokurorluğunun Korrupsiya İdarəsinə və Azərbaycan Respublikası Vəkillər Kollegiyasına təqdim edəcəm, sonda isə özgəsinə arzuladığınız diləklər öz başınıza gələcək, odur ki, özünü müdafiə etməyin üçün indidən bir neçə vəkillə sövdələşsən daha yaxşı olar.
Aşağıda təqdim edəcəyim bütün cinayət faktlarının Ş.Sultanovun təşkilatçılığı və rəhbərliyi altında törədilməsini bir daha Şahin Sultanov və onun vəkili A.Məmmədovun yadlarına salıram və təkzib vermələrini tələb edirəm.
Ş.Sultanov HDQ-yə məxsus gəmilər vasitəsilə qaçaqmalçılıq yol ilə yanacaq, sürtkü yağları, gəmilərə məxsus qiymətli aparatları, eləcə də, qiymətli rəngli metalları Türkmənistan və Qazaxıstan dövlətlərinə keçirməklə külli miqdarda dövlət əmlakını mənimsəmişdir.
Bundan başqa, Ş.Sultanov SSR dövründən 2012-ci ilə qədər istismar müddətləri keçmiş bütün gəmiləri doğradaraq "kod 555" ləqəbli E.Hacıyev vasitəsilə Bakı şəhərində yerləşən müxtəlif dəmir qəbul edən şirkətlərə satmaqla külli miqdarda dövlət əmlakını mənimsəmişlər.
Bundan başqa, Ş.Sultanov Abşeron yarımadasında yerləşən HDQ-yə məxsus istirahət mərkəzinin fəaliyyətini heç bir əsas və səbəb olmadan dayandırmış və "kod 555" ləqəbli E.Hacıyev vasitəsilə həmin müəssisənin binalarının altındakı torpaq sahələrini özəlləşdirməklə özünküləşdirmişlər. Və həmin ərazidə taladıqları dövlət pulu ilə özlərinə villalar tikdirmişlər. Həmin villaların tikintisində isə HDQ-nin əsgər və motroslarının əməyindən istifadə etmişlər.
Bundan başqa, Ş.Sultanov HDQ-yə məxsus Bayıl qəsəbəsində yerləşən qonaqların qəbulu müəssisəsini qeyri rəsmi olaraq BP şirkətinə və Bayıl qəsəbəsində yerləşən HDQ-nin tarix muzeyini özəl göz klinikalarından birinə icarəyə verməklə külli miqdarda gəlir əldə etmişlər.
Bundan başqa, Ş.Sultanov öz doğma əmisi oğlu olan, HDQ-də manqa komandiri işləyən Elçin Sultanov vasitəsilə gizli yolla dəyəri 100.000 manatlarla ölçülən ərzağı oğurlayaraq Bakı şəhərində yerləşən müxtəlif marketlərə paylamaqla külli miqdarda dövlət əmlakını mənimsəmişlər.
Bundan başqa, Ş.Sultanov və "kod 555" ləqəbi ilə tanına E.Hacıyev vasitəsilə saxta MMC-lər açmaqla və saxta sənədləşdirmə aparmaqla pul köçürmələri yolu ilə 100.000 manatlarla dövlət əmlakını mənimsəmişlər.
Bundan başqa, Ş.Sultanov dəfələrlə HDQ-nin sabiq rabitə rəisi Natiq Əsgərovun və sabiq MTT rəisi Cabbar Qəmbərovu komissiya üzvü təyin etməklə saxta aktlar tərtib etməklə külli miqdarda dövlət əmlakını mənimsəmişdir.
Bundan başqa, Ş.Sultanov HDQ-yə aid binaların söküntüsündə əldə etdiyi 100.000 manatlarla dəyəri olan tikinti materiallarını yalandan sənədləşdirmək yolu ilə guya müxtəlif şirkətlərdən yenidən alınmış material kimi aktlar tərtib etməklə dövlət əmlakını külli miqdarda mənimsəmişdir.
Bundan başqa, Ş.Sultanov HDQ-yə məxsus, Bayıl qəsəbəsində yerləşən uşaq bağçasının təmiri ilə əlaqədar saxta aktlar tərtib etmək yolu ilə dövlət əmlakını külli miqdarda mənimsəmiş və baxçanın bir hissəsini özəlləşdirərək özünküləşdirmişlər.
Bundan başqa, Ş.Sultanovun yarıtmaz rəhbərliyindən irəli gələrək HDQ-nin tibb hissəsinin rəisi Musa Musayev əxlaqsız naqislik hərəkətlərinə yol verərək zabit şərəfinə ləkə gətirmişdir. Bundan başqa, Ş.Sultanov saxta aktlar tərtib etməklə 8000 metr kabel almaq adı altında və 16.000 lampa almaq adı ilə dövlət əmlakını külli miqdarda mənimsəmişdir. Yuxarıda qeyd etdiyim bütün cinayət faktları aparılan cinayət işi üzrə istintaq zamanı öz sübutunu və təsdiqini tapmışdır. Əlavə olaraq bildirirəm ki, istintaq sirri olduğundan, Ş.Sultanovun və onun təşkilatçılıq etdiyi dəstə üzvlərinin törətdiyi digər cinayət əməllərini hələlik ictimailəşdirmirəm".
Redaksiyadan: Yazılanlara Şahin Sultanovun və ya onun vəkilinin mövqeyini də dərc edə bilərik.

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...