Hərbi sirlərlə bağlı qanunvericilikdə dəyişikliklərə tələbat daha da artdı

Tarix: 25.08.2014 / 06:46
Bölmə: Gündəm

Azərbaycan parlamenti ordu haqda yanlış məlumat yayan mətbuat orqanlarının cəzalandırılması ilə bağlı məsələni müzakirə edəcək. Artıq bu barədə məlumatın doğruluğunu hakimiyyətə yaxın olan bir neçə millət vəkili də təsdiqləyib. Əsas arqument kimi son vaxlar ayrı-ayrı mətbuat orqanlarının Azərbaycan Ordusu və bütövlükdə təhlükəsizlik strukturları haqqında düzgün olmayan məlumatlar yayması göstərilir.

İddialara görə, məlumatların bu formada yayılması, yoxlanılmadan, şayiə şəklində çatdırılması həm valideynləri narahat edir, həm də cəmiyyəti çaşdırır. Hakimiyyət nümayəndələri hesab edir ki, bütün dünyada olduğu kimi, ordu haqqında verilən hər hansı bir məlumat tam şəkildə dəqiqləşdirilməli və yaxud da Müdafiə Nazirliyinin mətbuat xidmətinə istinad olunmalıdır: "Qalan hallarda, kimsə kimdənsə nəsə eşidibsə, üstünə də əlavə edib cəmiyyətə çatdırırsa, bu ciddi qanun pozuntusudur. Bu gün Azərbaycan müharibə şəraitində olduğu üçün ordu haqqında, təhlükəsizlik məsələləri barədə hər hansı bir mətbuat orqanının düzgün olmayan və yaxud da dəqiqləşdirilməmiş məlumatları cəmiyyətə çatdırması yolverilməzdir".

Bu baxımdan da, Milli Məclisin payız sessiyası başlayanda bununla bağlı qanunvericilik təşəbbüsü irəli sürəcəyi gözlənir: "Yəni bu cür hallarla bağlı qanunvericilikdə maddələr sərtləşdirilməli, ordu və təhlükəsizlik məsələləri haqqında düzgün olmayan məlumatların verilməsinə görə məsuliyyət məsələsi qaldırılıb qanun şəklində tənzimlənməlidir".

Bununla bağlı hərbi qanunvericiliyə də, "Kütləvi informasiya vasitələri haqqında "Qanuna da əlavə və dəyişikliklər edilə bilər.

Tanınmış media eksperti Azər Həsrət də qəzetimizə açıqlamasında bu problemə toxundu. Onun sözlərinə görə, düşmən silahlı hücumla bərabər qarşı tərəfi demoralizə etmək üçün şayiə yaymaqdan da istifadə edir. Müsahibimizin sözlərinə görə, bu, bütün savaşlarda olub və bundan sonra da olacaq: "Son günlər Ermənistan işğalçı əsgərlərinin mövqelərimizə hücumları, şəhidlər verməyimiz fonunda da bunu müşahidə etdik. Erməni təbliğat maşını planlı şəkildə, öz əlimizlə özümüzü demoralizə etmək üçün insanlarımızdan ustalıqla istifadə edir. Bu insanların bir qismi hətta özləri də bilmədən düşmən təbliğatına alət olmaqdadır. İllərdir etdiyimiz çağırışlara baxmayaraq, onlar öz bildiklərini edir, bizdən qat-qat zəif düşmənin üzərimizdə mənəvi üstünlüyünü təmin etmək üçün dəridən-qabıqdan çıxırlar.

Bəli, Azərbaycan ictimai rəyinə təsir imkanları olanlar hər kəlməni belə yüz dəfə götür-qoy etdikdən sonra dilə gətirsinlər. Hətta deyərdim ki, cəbhədəki durumla bağlı xəbərləri hər yerindən duran öz anladığı şəkildə deyil, Azərbaycan Respublikası Müdafiə Nazirliyinin təqdim etdiyi kimi yaymalıdır. Çünki adı atəşkəs olsa da, ortada bir müharibə durumu var. Qarşılıqlı şəkildə atışma gedir. Düşmən əsgərlərimizi şəhid edir. Təbii ki, bizim də ordumuz boş dayanmır, onlara gərəkli cavabı verir və düşmən nə qədər gizlətməyə çalışsa da, əsgərlərinin məhv edildiyini etiraf etməli olur. Amma son hadisələrdə bəzi "jurnalistlər" ciddi cəhdlə sübut etməyə çalışırdı ki, Azərbaycan tərəfi itkilərin sayını gizlədir, Ermənistan isə heç bir itki verməyib, yaxud da çox az sayda itki verib.

Biz informasiya təbliğatında, xəbər yayımında tək bir ünvana - Azərbaycan Respublikası Müdafiə Nazirliyinə güvənməliyik. Xəbərlərimiz yalnız və yalnız oradan qaynaqlanmalıdır.

Unutmayaq, savaş gedir. Özü də təkcə odlu silahlarla deyil, informasiya savaşı da. Bu baxımdan da hərbi məlumatların yayılması ilə bağlı qaydaların nizama salınması lazım və zəruridir".

DİGƏR XƏBƏRLƏR

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...