Azərbaycanın enerji kəmərləri üç dövlətin hərbi mühafizəsi altında...

Tarix: 19.08.2014 / 03:18
Bölmə: Gündəm

Müdafiə naziri, general-polkovnik Zakir Həsənov Azərbaycanda səfərdə olan Gürcüstanın müdafiə naziri İrakli Alasaniyanı qəbul edib. İ.Alasaniyanın rəhbərlik etdiyi nümayəndə heyətinin Naxçıvanda yerləşən Əlahiddə Ümumqoşun Ordusunun Qərargahı qarşısında rəsmi qarşılanma mərəsimi keçirilib. Gürcüstan müdafiə nazirinin şərəfinə fəxri qarovul dəstəsi düzülüb.
Nümayəndə heyətlərinin iştirakı ilə keçirilən görüşdə Zakir Həsənov Gürcüstanla aparılan danışıqların və keçirilən görüşlərin strateji əhəmiyyət daşıdığını vurğulayıb. Hərbi əməkdaşlığın yüksək templə inkişaf etdiyini və bu əlaqələrin daimi olacağını qeyd edib.
Öz növbəsində, İ.Alasaniya Naxçıvan şəhərinə ilk dəfə səfər etməsindən məmnun olduğunu bildirib.
Sonra tərəflər regiondakı hərbi-siyasi vəziyyət və qarşılıqlı maraq doğuran digər məsələlər ətrafında fikir mübadiləsi aparıb.
Dünən Zakir Həsənov Naxçıvan şəhərində Türkiyənin milli müdafiə naziri İsmət Yılmazla da görüşüb. Bu barədə APA-ya Müdafiə Nazirliyinin mətbuat xidmətindən məlumat verilib.
İ.Yılmazı Naxçıvan beynəlxalq hava limanında general-polkovnik Zakir Həsənov qarşılayıb. Sonra İ.Yılmazın rəhbərlik etdiyi nümayəndə heyətinin Naxçıvanda yerləşən Əlahiddə Ümumqoşun Ordusunun Qərargahında rəsmi qarşılanma mərəsimi keçirilib. Türkiyə milli müdafiə nazirinin şərəfinə fəxri qarovul dəstəsi düzülüb.
Nümayəndə heyətlərinin iştirakı ilə keçirilən görüşdə müdafiə naziri, general-polkovnik Zakir Həsənov Azərbaycanla Türkiyə arasında hərbi əməkdaşlığın dostluq və qardaşlıq münasibətləri üzərində qurulduğunu, bu əlaqələrin yüksələn xətt üzrə inkişaf etdiyini və ölkələrimiz üçün faydalı olduğunu qeyd edib.
İ.Yılmaz Azərbaycan-Türkiyə qarşılıqlı münasibətlərinin möhkəmlənməsində bu cür görüşlərin rolu və əhəmiyyətindən danışıb.
Daha sonra regional və qarşılıqlı əməkdaşlıqla bağlı digər məsələlər barədə də ətraflı fikir mübadiləsi aparılıb.
Görüşdə Türkiyənin Azərbaycandakı səfiri İsmayıl Alper Coşkun da iştirak edib.
Hələ görüşdən əvvəl bəzi nazirlərin diqqətçəkən açıqlamaları olmuşdu. "Azərbaycan, Türkiyə və Gürcüstan müdafiə nazirlərinin görüşünün keçirilməsinə xeyli vaxt əvvəldən hazırlıq başlanıb. Bu, üç nazirin ilk rəsmi görüşü olacaq".
Bunu Azərbaycan, Türkiyə və Gürcüstan müdafiə nazirlərinin Naxçıvanda keçirilən görüşü barədə danışan Gürcüstanın müdafiə naziri İrakli Alasaniya deyib.
Gürcüstan müdafiə nazirinin sözlərinə görə, görüşdə xüsusi hərbi vəziyyətlərdə ölkələrin kommunikasiya infrastrukturunun mühafizəsi barədə müzakirə aparılacaq. Həmçinin neft-qaz kəmərlərinin, dəmir yolu, rabitə infrastrukturunun mühafizəsi ilə bağlı tədbirlər planı müzakirə olunacaq. Görüşdə tədbirlər planının həyata keçirilməsi üçün razılaşma sazişinin imzalanması da nəzərdə tutulub.
Nazir bildirib ki, bu cür əməkdaşlıq regionda sabitliyin qorunması və gücləndirilməsi üçün əlavə istinad nöqtəsidir.
Göründüyü kimi, nazirlərin görüşündə neft-qaz kəmərlərinin, dəmir yolu, rabitə infrastrukturunun mühafizəsi ilə bağlı tədbirlər planının müzakirəsi prioritet təşkil edir. Ermənistandan belə bir təhlükənin gözləndiyi bəllidir. Başqa hansı mümkün təhlükələr ola bilər və bu cür strateji görüşün məhz Naxçıvanda keçirilməsi hansı zərurətdən irəli gəlib?
Hərbi ekspert Üzeyir Cəfərov qəzetimizə açıqlamasında bildirdi ki, bu cür mühüm görüşün məhz Naxçıvanda keçirilməsinin böyük əhəmiyyəti var: "Bundan əvvəl də bir neçə region dövləti başçılarının, xarici işlər nazirlərinin Naxçıvanda görüşü keçirildi. Birincisi, bunun bizim üçün əhəmiyyəti ondan ibarətdir ki, bütün dünyanın nəzər-diqqəti Naxçıvanın üzərində cəmləşir. İkincisi isə, daim Naxçıvanla bağlı iddialarından əl çəkməyən ermənilərə oranın tarixi türk torpağı olduğu və bundan sonra da olacağı mesajı verilir. Müdafiə nazirlərinin görüşündə neft-qaz kəmərlərinin, dəmir yolu, rabitə infrastrukturunun mühafizəsi ilə bağlı tədbirlər planının müzakirə olunmasına gəldikdə isə, bu olduqca əhəmiyyətlidir. Çünki Azərbaycandan əsasını götürən əksər beynəlxalq layihələr məhz bu üç ölkəni əhatə edir. Bakı-Ceyhandan tutmuş Bakı-Tiflis-Qars dəmir yol layihəsinə kimi. Təbii ki, bunların hamısı dəyəri bir neçə milyardlarla ölçülən layihələrdir və onların təhlükəsizliyi hər üç ölkəni narahat etməyə bilməz. Xüsusilə Azərbaycan və Gürcüstan qonşu ölkələr tərəfindən bir neçə dəfə belə hədələri eşidib. Bir neçə il əvvəl Gürcüstanla Rusiya arasında yaşananlar hamımızın xatirindədir. Rus qoşunları az qalırdı Tiflisə girsin. Bütün bunlar deyilən istiqamətdə birgə təhlükəsizlik tədbirlərinin artırılmasını zəruri edir. Digər tərəfdən Naxçıvanla bağlı Qars müqaviləsinin müddəaları da, hələ ki, qüvvədə qalır. Naxçıvanda yaradılan Əlahiddə Ümumqoşun Ordusunun gücü isə, nəinki düşmənin qarşısını almağa, eyni zamanda düşmən ərazisində istənilən hədəfi məhv etməyə qadirdir".

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...