Öz əcəli ilə ölmüş erməni əsirinin işini Avropa Şurasına çıxarmaq perspektivsiz sayılır

Tarix: 13.08.2014 / 06:21
Bölmə: Gündəm

Məlum olduğu kimi, Tovuz rayonu ərazisindən Azərbaycanın dövlət sərhədini keçərək diversantlıq etməkdə şübhəli bilinən Ermənistan vətəndaşı Karen Petrosyan bu günlərdə qəfil ürək tutmasından dünyasını dəyişib. Hazırda, həmişəki kimi, ermənilər hay-küy qaldırıb ki, Karen sağlam, ürəyi, psixi durumu tam qaydasında olan, hətta spirtli içki aludəçiliyindən kənar bir şəxs imiş.
Halbuki, ermənilərin əvvəlki bəyanatlarında bunun tam əksi iddia olunurdu.
Erməni diversantın Azərbaycanda ölməsindən ermənilər təbliğati planda geniş şəkildə istifadə etməyə başlayıblar. Onun ölümü ilə əlaqədar sosial şəbəkələrdə, onlara yaxın olan müxtəlif media orqanlarında Azərbaycan xalqının xasiyyəti, mentaliteti haqda böhtan xarakterli sözləri təkrar edirlər. Baxmayaraq ki, ölümündən bir gün əvvəl erməni saytlarında onun sağlamlığı barəsində tamam başqa fikirlər səsləndirilirdi. Məsələn, Tavuşun qubernatoru Ovik Abovyanın Petrosyanla bağlı bu fikirləri yer alıb: "Diversiyadan söhbət gedə bilməz. Bunu heç təsəvvür etmək mümkün deyil. Çünki xəstə Karen cəmi 3 il məktəbə gedib. Onun əqli qüsuru, sağlamlığında problem və ciddi şəkildə spirtli içkidən asılılığı vardı. Məndə olan məlumata görə, sərhədi keçərkən Karen sərxoş olub və nəticədə azıb".
Bütün bunların fonunda indiki situasiyada Azərbaycanın sözügedən diversantın ölümündə maraqlı olmasından qəti şəkildə söhbət gedə bilməz. Baxmayaraq ki, düşmən tərəfi Azərbaycanın 20 faiz ərazisini işğal edib və cəmiyyətdə Ermənistana münasibətdə böyük nifrət var. Əvvəla Dilqəm Əsgərovla Şahbaz Quliyev erməni girovluğundadır. Digər tərəfdən, son vaxtlar atəşkəsin intensiv pozulması ilə əlaqədar bu kimi məsələlərə beynəlxalq ictimaiyyət çox həssas yanaşır. Ən nəhayət, indiki situasiyada onun ölümündə maraqlı olmaq heç bir xeyir vəd etmirdi, ziyandan başqa. Ona görə də Azərbaycan tərəfinin diversantın ölümündə maraqlı olmasından qəti söhbət gedə bilməz.
Çox güman ki, ermənilər diversantın ölümü ətrafında yaratdıqları şounu davam etdirərək bunu beynəlxalq təşkilatların, məhkəmələrin gündəminə daşımağa cəhd edəcəklər. Azərbaycan tərəfi, ölkə QHT-ləri bunun qarşısını necə ala bilər? Sözügedən məsələ ilə bağlı hansı tədbirlərin görülməsinə ehtiyac var?
Məsələyə münasibət bildirən hüquq müdafiəçisi Səadət Bənənyarlının sözlərinə görə, adekvat qabaqlayıcı tədbirlər görülməlidir: "İstər QHT-lər, istərsə də hüquq müdafiəçiləri səviyyəsində koordinasiyalı və qabaqlayıcı tədbirlər görülməlidir. O cümlədən, dövlətin bununla bağlı qurumları da iş görməlidir. İlk növbədə Şahbaz Quliyev və Dilqəm Əsgərov barəsində beynəlxalq təşkilatlara müraciət olunmalıdır. Çox maraqlıdır ki, bu il ermənilər psixi və fiziki problemləri olan şəxsləri diversant kimi Azərbaycan tərəfinə keçirir. Hesab edirəm ki, bu təsadüfi deyil. Ermənilər məqsədyönlü şəkildə bunu edirlər ki, Azərbaycanı çətin vəziyyətdə qoysunlar. Xatirinizdədirsə, yanvarda da belə bir şey baş vermişdi və qoca, səfeh birini göndərmişdilər. Ona görə də ayıq-sayıq olmaq lazımdır. Karen Petrosyanın qan nümünələri götürülməli və ciddi ekspertizadan keçirilməlidir ki, ermənilərin onunla bağlı Azərbaycana yönəlik təxribatları baş tutmasın. Bütün bunlarla paralel, beynəlxalq təşkilatlarla mütəmadi işləmək və real vəziyyəti onlara göstərmək lazımdır".

DİGƏR XƏBƏRLƏR

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...