Azərbaycanın Milli Qəhrəmanının oğlu da İŞİD-ə qarşı vuruşur

Tarix: 08.08.2014 / 10:45
Bölmə: Gündəm

Suriya və İraqda çox sayda ərazini ələ keçirən "Əl Qaidə"yə bağlı radikal təşkilat olan İŞİD("İraqın Şam İslam Dövləti") qanlı əməliyyatları davam etdirməkdədir.
Demək olar ki, hər gün İŞİD-ın qəddarlıq nümayiş etdirdiyi video və fotolar dünya ictimaiyyəti tərəfindən səssizliklə izlənir. Öldürdükləri cəsədə belə amansız işgəncələr verən İŞİD üzvlərinin qan donduran əməlləri, insanlığa sığmayan hərəkətləri beynəlxalq təşkilatlar tərəfindən pislənsə də, bu vəhşiliyin qarşısı nədənsə alınmır. Hətta İŞİD-ə dəstək üçün ayrı-ayrı ölkələrdən bu terrorçu təşkilatın sıralarına qoşulanların da olduğu bildirilir. Son vaxtlar Azərbaycandan da İŞİD-ın sıralarına qoşularaq vuruşanların olduğuna dair məlumatlar yayılsa da, sən demə bu terrorçu təşkilatın qurbanlarına yardım üçün Suriya torpaqlarına könüllü üz tutan azərbaycanlılar da var. Movqe.az-ın əldə etdiyi məlumata görə, onlardan biri də Azərbaycanın Milli Qəhrəmanı Kamil Nəsibovun oğlu Namiq Nəsibovdur. Movqe.az hazırda Suriyada könüllü həkim kimi fəaliyyət göstərən Namiq Nəsibovdan müsahibə alıb.
- Necə oldu ki, Suriyada könüllülərin sırasına qoşuldunuz?
- Sosial şəbəkələrdə bu ölkədə xəstəxanalarda həkimə ehtiyac olduğu barədə məlumat aldım. Mən də ixtisasca həkim olduğumdan Kürdüstan Qızıl Aypara Cəmiyyətinin (Heyva Sor Kurd) xəttilə "Emel"(Umid) xəstəxanasında təcili və təxirəsalınmaz tibbi yardımda işləyən könüllülərin sırasına qoşuldum.
- Burda ancaq İŞİD terrorçularının yaraladığı insanlara tibbi yardım göstərirsiniz?
- Yox, eyni zamanda əhalinin, əsasən uşaqların peyvəndlənməsi kampaniyalarına qoşuluram.
- Bu ölkəyə getməzdən öncə Azərbaycanda həkim kimi işləyirdiniz?
- Orda bir il olar ki, xəstəxanada çalışmırdım. Amma 2001-2013-cü illərdə Baki Şəhər Təcili və Təxirəsalınmaz Tibbi Yardım Stansiyasında çalışmışam.
- Bildiyim qədər ailəlisiniz. İki övladınız var. Ailənizi burada qoyub Suriyaya, o təhlükəli əraziyə yola düşməyə nə məcbur etdi Sizi?
- Burada İŞİD dəstələrinin Kobaniyə tez-tez hücumları olur. Əlbəttə, buralar çox təhlükəlidir. Kobanidə əhali təpədən-dırnağa kimi silahlıdır. 11-12 yaşdan yuxarı qız və oğlanların hamısı silahlıdır. Şəhərdə silahlılardan başqa heç kəsi görmək olmur. Amma burda insanların həkimə ehtiyacı var.
- İŞİD üzvləri girov götürdüyü insanlara olmazın işgəncələr verir. Qorxmursunuzmu ki, Siz də İŞİD terrorçularının əlinə düşərsiniz?
- Bu təhlükə hər an var. Amma həkimlər təhlükəsizlik üçün döyüş bölgəsinə buraxılmır. 3-4 km aralıda dayanır tibbi yardım maşınları.
- Hər dəfə İŞİD dəstələri ilə döyüş olanda nə qədər yaralı gətirilir?
- Son hücumda YPG-dən 14 şəhid və 20 yaralı oldu. İŞİD tərəfdən isə 150 ölü, 3 əsir götürüldü.
- İŞİD tərəfdə döyüşən yaralını heç müalicə etmisinizmi? Olubmu onlardan yaralı əsir düşəni?
- Burda bir yaralı əsir İŞİD-çi ilə rastlaşdım. Təmiz Cənubi Azərbaycan şivəsi ilə danışırdı. Bildi ki, mən də Azərbaycandanam. Adı Şivan idi. Deyir üç ildir savaşa qatılıb. İki il döyüşüb, bir il də əsirlikdədir. Soruşuram məqsədin nədir? Deyir cihad. Soruşuram ki, "Allahu Əkbər" deyib Allahın yaratdığı insanın başını kəsmək hansı insanlığa sığır? Cavab verə bilmədi.
- Bayaqdan danışırıq sizinlə, amma yenə də bizim üçün sual olaraq qalır ki, Siz ailənizi, uşağınızı burada qoyub necə getmisiniz ora? Axı könüllülər tam təmənnasız xidmət göstərir. Bəs burda sizin ailənizi maddi baxımdan kim təmin edir?
- Mənim atam, bilirsiniz ki, Milli Qəhrəmandır. Dövlət dəstəyi var ailəmizə. Heç bir problemləri yoxdur.
- Namiq bəy, Siz Milli Qəhrəman övladı olmaqla yanaşı, həm də işğal altında olan Laçında doğulmusunuz. Cəbhədə son günlər baş verənlərdən, Azərbaycanın şəhid verdiyindən xəbəriniz varmı? Ümumiyyətlə, Azərbaycanda cəbhə bölgəsindən xəbərləri orda izləyə bilirsinizmi?
- Əlbəttə, cəbhə bölgəsində son zamanlar baş verənləri mətbuatdan izləyirəm.
- Bəs Azərbaycanda müharibə olarsa yenə də orda fəaliyyətinizi davam etdirəcəksinizmi?
- Mənim atam bu torpaq üçün canını fəda edib. Mən də buna hər an hazıram. Azərbaycanda səfərbərlik olacağı təqdirdə Azərbaycan ordusunun ehtiyatda olan tibb xidmət baş leytenantı olaraq geriyə xidmətə dönəcəyəm.
- Bəs orda nə qədər qalmağı düşünürsünüz?
- Həkim qruplarının ilki bura gəlincə geri dönməyi düşünürəm.

DİGƏR XƏBƏRLƏR

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...