Mətbuat Şurası Cəlilabadda "Əhmədə deyin ki..." filminin təqdimatını keçirdi

Tarix: 05.08.2014 / 04:57
Bölmə: Gündəm

Azərbaycan Mətbuat Şurasının "Bitməyən müharibənin qəhrəmanları" layihəsi çərçivəsində ərsəyə gəlmiş ikinci sənədli filminin də ilk tamaşaçıları cəlilabadlılar olub. "O - film" studiyasının lentə aldığı, Milli Ordumuzun zabiti, Qarabağ uğrunda döyüşlərdə həyatını qurban vermiş Əhməd Abdullayevdən bəhs edən "Əhmədə deyin ki..." filminin təqdimat mərasiminə toplaşanların bu mənada keçirdiyi hisslər anlaşılan idi.
Ötən cümə günü Cəlilabad Rayon İcra Hakimiyyətində baş tutan tədbirə şəhidin doğmaları, Mətbuat Şurasının rəhbərliyi, yerli icra strukturunun və ictimaiyyətin nümayəndələri qatılıb.
Mərasimi giriş sözü ilə Cəlilabad Rayon İcra Hakimiyyətinin başçısı Əziz Əzizov açıb. O, xalqımızın qəhrəmanlıq tarixində cəlilabadlıların yeri və rolundan danışıb.
Milli Qəhrəman Mübariz İbrahimovun, həmçinin xalqımızın igid oğulları Fərid Əhmədovun, Əhməd Abdullayevin və başqalarının sayəsində igidlik salnaməmizin getdikcə zənginləşdiyindən fəxrlə danışıb. Torpaqlarımızın azadlığı uğrunda həlak olmuş övladlarımızın xatirələrini əziz tutduğuna görə dövlət rəhbərliyinə minnətdarlığını bildirib.
Azərbaycan Mətbuat Şurasının sədri Əflatun Amaşov qeyd edib ki, vətənpərvərlik tarixən hər bir xalqın əbədi daşıdığı müqəddəs ideyadır. Xalqımız ikinci dəfə dövlət müstəqilliyinə qovuşduqdan sonra ərazi bütövlüyümüz uğrunda gedən döyüşlərdə bu ənənəyə sadiqliyini göstərdi. Cəlilabadda boya-başa çatmış Əhməd Abdullayevin də həmin qəhrəmanlardan biri olduğunu deyən. MŞ sədri eyni zamanda bildirib ki, rəhbərlik etdiyi qurumun "Bitməyən müharibənin qəhrəmanları" layihəsi çərçivəsində ikinci filminin də Cəlilabaddan olan qəhrəmana həsr olunması bu yurdun böyük şücaət potensialından xəbər verir. O, Azərbaycanın igid oğullarının həyat yoluna işıq salmaq, qəhrəmanlıqlarını gələcək nəsillərə çatdırmaq məqsədi daşıyan layihə çərçivəsində 10-a yaxın sənədli filmin çəkiləcəyini vurğulayıb.
Azərbaycan Mətbuat Şurasının İdarə Heyətinin üzvü, "İki sahil" qəzetinin baş redaktoru Vüqar Rəhimzadə şəhid Əhməd Abdullayev kimi oğulları qəhrəmanlıq nümunəsi yaratmış dəyərli şəxsiyyətlər olaraq xarakterizə edib. Baş redaktor filmin orta məktəblərdə nümayişinin təşkilini vacib sayıb. Bunun hər bir gənc üçün örnək mahiyyətinə diqqət yetirib.
"O - film" studiyasının rəhbəri, jurnalist Bəxtiyar Qaraca bildirib ki, hərb işinə sevgi Vətən sevgisindən yaranır. Əhməd valideynlərinin, müəllimlərinin əhatəsində bu hissin təsiri ilə yetişmiş gənclərdəndir. Bu səbəbdən də filmdəki kadrlar hüznü, pessimizmi deyil, optimizmi, qələbəyə inamı aşılayır. O, çəkilişə göstərdiyi diqqətə görə Milli Məclisin deputatı, filmin ideya müəllifi Malik Həsənova təşəkkür edib.
Şəhid Əhməd Abdullayevin atası Hüseynağa Abdullayev oğlunun xatirəsini yaşadan sənədli filmin yaradıcılarına ailəsinin və bütün cəlilabadlıların təşəkkürünü çatdırıb.
Təqdimat mərasim filmin nümayişi ilə başa çatıb.
Qeyd edək ki, Abdullayev Əhməd Hüseynağa oğlu 30 iyul 1976-cı ildə Cəlilabad rayonunda anadan olub. 1991-ci ildə Cəmşid Naxçıvanski adına hərbi məktəbə daxil olub və həmin məktəbi müvəffəqiyyətlə bitirib. 1992-ci ildə təhsilini davam etdirmək məqsədilə İstanbul şəhər hərbi məktəbinə daxil olub. 1996-cı ildən Ankara Hərbi Akademiyasında təhsilini davam etdirib.
Dünyanın bir çox ölkələrində (Almaniya, İsveçrə ) keçirilən hərbi təlimlərdə iştirak edib. 2001-ci ildən 2010-cu ilədək Azərbaycan Respublikasının Xüsusi Təyinatlı dəstəsində qrup komandiri vəzifəsində çalışıb. 2010-cu ilin mart ayından Tərtər rayonunda yerləşən "N" saylı hərbi hissədə xidmətini davam etdirib. Azərbaycan Ordusunun mayoru Əhməd Abdullayev 2010-cu ilin sentyabr ayının 4-də erməni qəsbkarlarının hücumunun qarşısını almaq məqsədilə xüsusi dövüş tapşırığını yerinə yetirərkən qəhrəmancasına həlak olub.
Onu da deyək ki, Azərbaycan Mətbuat Şurasının "Bitməyən müharibənin qəhrəmanları" layihəsi çərçivəsindəki ilk filmi Cəlilabaddan olan şəhid Fərid Əhmədova həsr olunmuşdu.

DİGƏR XƏBƏRLƏR

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...