"Nyu Nehrəm"də və günbəzli ticarət mərkəzində görüşənədək...

Tarix: 05.08.2014 / 09:24
Bölmə: Gündəm

Dünən tanınmış iş adamı Hacı İbrahim Nehrəmli inşa etdirdiyi əfsanəvi "Xəzər aylənd" kompleksinə daxil olan daha bir restoranın açılışını etdi: "Bundan əvvəl təmtəraqlı "Skad" restoranının (dəniz heyvanı formasında) açılışı olmuşdu. "Seyint trop" adlı ecazkar çimərliyin açılışına dəvətli qonaqlardan başqa xeyli sayda müştərilər də gəlmişdi. Baxmayaraq ki, çimərlikdə ilk iş günü başlamışdı.
Çimərliyə çatanda ilk təəssüratımız bu oldu, müqayisə apardıq, Antalyada, Bodrumda olan məşhur istirahət mərkəzləri, təbii ki, indiyə qədər olduğumuz və tanıdığımız istirahət yerləri xəyalımızdan keçdi. İzmirdəki məşhur və olduğum yerləri xatırladım. Onlar da gölzədir, ancaq Hacı İbrahimin Xəzər dənizinin içində tikdirdiyi "Seyint Trop" çimərliyi onlardan fərqli və özünəməxsus gözəllik elementləri ilə yaddaşıma yazıldı. Yaşıllıqlar içində böyük hovuz, hovuzun içində yemək üçün oturacaqlar, bir neçə yerdə restoran, bar və qəlyanaltılar, düz dəniz suyunun içində diskobar - inanmaq olmurdu ki, bütün bunlar dənizin ortasında yaradılıb. Tədbirdə iştirak edən Bəhreyndən olan gənc iş adamı Rufuz bəylə danışırıq, təsəvvür edin ki, Bəhreyn, Qətər, Dubay kimi möcüzələr diyarını görüb gəlmiş adam kimi o da heyrət içindədir, gördüklərinə inana bilmir. Əlavə edir ki, "Xəzər aylənd" illər sonra Ərəb dünyasındakı gözəllikləri kölgədə qoyacaq. Sözarası o özü də "Xəzər aylənd"ə böyük məbləğdə kapital yatırmaq qərarında olduğunu əlavə etdi.
Bir azdan qaranlıq düşür. Cürbəcür işıqlar, diskobar fəaliyyətə başlayır, saysız gənclər yaxşı mənada bir-birinə qarışır, ritmik rəqslər başlayır. Rusiyadan, Ukraynadan, hətta Avropa ölkələrindən gəlmiş şən gənclər dəstə-dəstə rəqs edir, içir, əylənirlər.
Жurnalistlər İbrahim Nehrəmlidən müsahibə alır, o hazırkı işlər və planlardan danışır, tezliklə daha bir açılışın olacağını deyir.
Çimərliyin restoranlarında verilən yemək və içkilərə heç söz ola bilməz. İstənilən növ sərinləşdirici və spirtli içkilər verilir, xidmət təmiz və operativdir, isti yeməklər milli və Avropa xarakterli olmaqla zəngin çeşidlidir. Ət xörəkləri, bitki mənşəli yeməklər normal qiymətədir. Çimərlik, təbii ki, pulludur, bir sutkalıq giriş 20 manatdan başlayır, buraya dənizdə çimmək, dəsmal, duş daxildir. Sifariş edilən istənilən yemək və içki pulludur. Səhərdən axşamadək yüksək istirahət üçün hər şərait var. Təbii ki, istirahət mərkəzi elitar dairələr üçündür.
Maraqlıdır ki, çimərliyin ilk iş günü olmasına baxmayaraq, saat 10-da oraya daxil olmaq üçün girişdə gözləyən, ancaq girişin pullu olmasına görə tərəddüd edən xeyli sayda gənc qız və oğlanlar toplaşmışdı. Bu anda Hacı İbrahim illərdən bəri göstərdiyi xeyriyyəçilik xislətini yenidən göstərdi və tapşırıq verdi ki, girişdə gözləyən bütün müştərilər bu gün çimərliyə pulsuz buraxılsın. Bir anda böyük gurultu ilə saysız oğlan və qızlar mərkəzə daxil olub şənlənənlərə qarışdılar. Bununla da çimərliyin açılış mərasimi bir növ xeyriyyə tədbirinə çevrildi.
Açılışda iştirak edən şair, Yazıçılar Birliyinin üzvü Sədi Hətəmzadə bədahətən yazdığı şeiri Hacıya və jurnalistlərə oxudu:
Azəri yurdunun şanlı oğlusan
Şöhrətin yayılıb hər yana, Hacı
Dənizdə möhtəşəm şəhər tikirsən,
Bu gün səs salmısan cahana, Hacı.
Çimərlikdən baxanda azacıq uzaqda, dənizin ortasında tikilən uca yaşayış binaları görünür, tək-tək işıqlar yanır. Təbii ki, binalar hələ hazır deyil. Kimsə deyir ki, görün bu binalar tam hazır olandan sonra buradan görünən mənzərə necə gözəl olacaq. Hacı İbrahim deyir ki, az sonra o binalar tam təhvilə gedəcək. Sonda onu deyək ki, avqustun 20-də çimərliyin yaxınlığında günbəz formasında möhtəşəm görünüşlü ticarət mərkəzinin açılışı olacaq.
Hacı deyir ki, süni Xəzər adalarından birinin adını "Nehrəm" qoyacaq. "Qoy özümüzünkülər ona "Təzə Nehrəm", ingilislər "Nyu Nehrəm" desinlər, mən doğma kəndimə, yurduma, vətənimə hədsiz sevgini yaşatmaq və göstərmək istəyirəm". Hacı İbrahim belə dedi. Olsun, qollarınıza qüvvət, Günbəzli ticarət mərkəzində və "Nyu Nehrəm"də görüşənədək...

Namiq QULİYEV,
"Xəzər aylənd" 3 iyul 2014

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...