MTRŞ milli hüzn günlərində bəzi televiziyalara yerində irad tutdu

Tarix: 04.08.2014 / 09:26
Bölmə: Gündəm

Son günlər cəbhə bölgəsində atəşkəsin pozulması halları artıb. Erməni hərbçiləri iyulun 31-dən avqustun 1-nə keçən gecə Azərbaycan Silahlı Qüvvələrinin mövqelərinə hücum edib. Amma Milli Ordunun cəsur döyüşçüləri sayəsində ermənilərin bu hücumunun qarşısı alınıb. Baş verən atışma zamanı Milli Ordunun 12 əsgəri şəhid olub.
Əsgərlərimizin şəhid olmasına böyükdən tutmuş kiçiyə qədər hər kəs hüzn içərisindədir. Amma təəssüf ki, bəzi şou nümayəndələri və telekanallar xalqın bu ağır günündə çal-çağırlarından geri qalmır. Bəzi telekanallar və radiolarda şou verilişlər nümayiş olunur, müğənnilərin klipləri yayımlanır, sənətçilər proqramlarda şən mahnılar oxumaqla qol açıb oynayırlar. Hər kəsin qəhərə boğulduğu bir məqamda telekanallarda çal-çağırın yayımlanması ölkə ictimaiyyətinin ciddi narazılığına səbəb oldu. Millət vəkilləri, ziyalılar, tanınmış ictimai xadimlər telekanalların toy-bayram havası ilə şou göstərmələrini qınadılar.
Milli Televiziya və Radio Şurası dərhal məsələyə münasibət bildirdi. MTRŞ-nin "Ekspertiza, proqramlaşdırma və analitik" şöbəsinin müdiri Təvəkkül Dadaşov mətbuata açıqlamasında bildirib ki, proqramdan çal-çağır verilişləri yığışdırılmalıdır. MTRŞ rəsmisi bu məsələni telekanalların mərifət-qanacağına buraxmasına baxmayaraq, telekanalların bəziləri çalıb oynayır. T.Dadaşovun sözlərinə görə, bu məsələdə telekanallar özləri həssas olmalıdır: "Biz də bu məsələdə telekanallara tövsiyə verə bilərik. Amma telekanallar özləri bunu başa düşüb çalışmalıdırlar ki, proqrama dəyişiklik etsinlər. Əlbəttə, proqrama dəyişiklik etmək elə də asan deyil. Amma nəzərə almaq lazımdır ki, bu ümummilli məsələdir. Eyni zamanda həssas durumdur. Söhbət vətəndən, təmas xəttində həyatını qurban verən şəhidlərdən gedirsə, çalışmalıdırlar ki, proqramdan çal-çağır verilişlərini yığışdırsınlar. Yəni bu məsələ telekanalların özlərinin mərifət qanacağına qalıb".
MTRŞ-nin məlum iradından sonra bəzi kanallarda çal-çağır yığışdırılıb, bəzilərində isə yığışdırılmayıb. Hətta bəzi telekanallar efirdən şou verilişlərin yığışdırılmasına da incidilər. Ekspertlər MTRŞ-nin iradını haqlı sayır. Hazırda hər kəsin fikri yalnız cəbhə bölgəsində nələrin baş verdiyini öyrənməkdir.
Demokratik Жurnalistlər Liqasının sədri Yadigar Məmmədli "Bakı-Xəbər"ə açıqlamasında qeyd etdi ki, bu yaxınlarda atəşkəsin 20 ili tamam oldu: "Atəşkəs elan olunmasına baxmayaraq, bu günə qədər düşmən tərəfdən dəfələrlə bizim tərəfə atəş açılıb. İtkilərimiz olub, amma bu qədər də yox. Hazırda hər kəsi tək düşündürən məsələ cəbhə bölgəsində nələrin baş verdiyini öyrənməkdir. Amma telekanallarda şou verilişlərinin yayımlanması düzgün deyil. Çünki əhalini şou deyil, əsgərlərimizin durumu, Ali Baş Komandanın müharibə əmri verəcəyi barədə xəbərlər maraqlandırır. Bu səbəbdən də Milli Televiziya və Radio Şurası da yaranmış vəziyyətin ciddiliyini nəzərə alıb telekanallara öz haqlı iradını bildirdi. Televiziya cəmiyyətin güzgüsüdür. Hər kəsin orduda xidmət edəni var. Əhali də narahatlıq və həyəcan içərisində döyüş bölgəsində nələrin baş verdiyini görmək və eşitmək istəyir. Amma bəzi telekanallar təəssüf ki, şou, çal-çağır nümayiş etdirdi. MTRŞ-nin iradını bəzi telekanallar qəbul edərək yayımda dəyişiklik etdi".

DİGƏR XƏBƏRLƏR

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...